ജമാൽ ഖഷോഗിയുടെ കൊലപാതകവുമായി ബന്ധപ്പെട്ട് അമേരിക്കൻ കോൺഗ്രസ് റിപ്പോർട്ട് തള്ളിയ സൗദിക്ക് പിന്തുണയുമായി ഒമാൻ

  • 28/02/2021

മസ്‌കറ്റ്: മാധ്യമപ്രവർത്തകൻ ജമാൽ ഖഷോഗിയുടെ കൊലപാതകവുമായി ബന്ധപ്പെട്ട് അമേരിക്കൻ കോൺഗ്രസിലെത്തിയ റിപ്പോർട്ട് നിഷേധിച്ച സൗദി വിദേശകാര്യ മന്ത്രാലയത്തിൻറെ പ്രസ്താവനയ്ക്ക് പിന്തുണയുമായി ഒമാൻ. ശനിയാഴ്ചയാണ് അമേരിക്കൻ കോൺഗ്രസിലെത്തിയ റിപ്പോർട്ട് നിഷേധിച്ച് സൗദി വിദേശകാര്യമന്ത്രാലയം പുറത്തിറക്കിയ പ്രസ്താവനയെ ഒമാൻ വിദേശകാര്യ മന്ത്രാലയം പിന്തുണച്ചത്.

ജമാൽ ഖഷോഗി കൊലപാതകവുമായി ബന്ധപ്പെട്ട് അമേരിക്കൻ കോൺഗ്രസിലെത്തിയ റിപ്പോർട്ടിൽ സൗദിയുടെ നിലപാടിന് ഐക്യദാർഢ്യം പ്രഖ്യാപിക്കുന്നതായി ഒമാൻ വിദേശകാര്യ മന്ത്രാലയം പ്രസ്താവനയിൽ അറിയിച്ചു. ഈ കേസിൽ നിഷ്പക്ഷമായി നടപടികളെടുത്ത സൗദി അറേബ്യയിലെ നീതിന്യായ വ്യവസ്ഥയെ ഒമാൻ അഭിനന്ദിച്ചു. ഒമാന് പുറമെ യുഎഇയും കുവൈത്തും സൗദി അറേബ്യയ്ക്ക് പിന്തുണ അറിയിച്ചിരുന്നു. സൗദി അറേബ്യയുടെ  നീതിന്യായ വ്യവസ്ഥയിൽ പൂർണമായും വിശ്വാസമുണ്ടെന്നും, നിയമങ്ങൾ സുതാര്യമായും നിഷ്പക്ഷമായും നടപ്പിലാക്കുന്നതിൽ രാജ്യത്തിന്റെ പ്രതിബദ്ധതയ്ക്കും പിന്തുണ നൽകുന്നതായും യുഎഇ വിദേശകാര്യ അന്താരാഷ്ട്ര സഹകരണ മന്ത്രാലയം വ്യക്തമാക്കി.

ജമാൽ ഖഷോഗിയുടെ കൊലപാതകവുമായി ബന്ധപ്പെട്ട് അമേരിക്കൻ കോൺഗ്രസിലെത്തിയ റിപ്പോർട്ടിലെ വിവരങ്ങൾ സൗദി അറേബ്യ പൂർണമായും നിഷേധിച്ചിരുന്നു. രാജ്യനേതൃത്വത്തെ കുറിച്ച് റിപ്പോർട്ടിലെ നിഷേധാത്മകവും തെറ്റായതുമായ നിഗമനങ്ങൾ അംഗീകരിക്കാനാവില്ലെന്ന് സൗദി വിദേശകാര്യമന്ത്രാലയം പ്രസ്താവനയിൽ വ്യക്തമാക്കി. സൗദി ഭരണകൂടം ഈ റിപ്പോർട്ട് ഒരു രീതിയിലും അംഗീകരിക്കില്ലെന്ന് മന്ത്രാലയം അറിയിച്ചു. രാജ്യത്തെ നിയമങ്ങളും മൂല്യങ്ങളും ലംഘിച്ച ഗുരുതരമായ കുറ്റകൃത്യമാണിതെന്ന് സൗദി അധികാരികൾ മുമ്പ് പ്രസ്താവന നടത്തിയ കാര്യം മന്ത്രാലയം ഓർമ്മപ്പെടുത്തി. കുറ്റവാളികൾക്കെതിരെ നിയമനടപടികൾ സ്വീകരിക്കുകയും കോടതി അന്തിമ വിധി പുറപ്പെടുവിക്കുകയും ചെയ്തെന്നും കുറ്റവാളികൾക്ക് ശിക്ഷ നൽകിയത് ജമാൽ ഖഷോഗിയുടെ കുടുംബം സ്വാഗതം ചെയ്തിട്ടുണ്ടെന്നും പ്രസ്താവനയിൽ വിശദമാക്കി.

Related News

ഒമാൻ എയർ തിരുവനന്തപുരത്ത് നിന്ന് മസ്‌കറ്റിലേക്ക് നേരിട്ടുള്ള ...
  • 01/10/2023
അന്തരീക്ഷ താപനില വര്‍ദ്ധിക്കുന്നു: വിഷപ്പാമ്പുകളുടെ സാന്നിദ് ...
  • 15/06/2023
ഒമാനില്‍ കനത്ത മഴയ്ക്കൊപ്പം റോഡിലേക്ക് പാറകള്‍ ഇടിഞ്ഞുവീണു; ...
  • 10/04/2023
മെസിക്ക് മുന്നിൽ വമ്പനൊരു ഓഫർ വെച്ച് ഒമാൻ അഭിഭാഷകൻ
  • 24/12/2022
ലഗേജ് ഭാരം വര്‍ധിപ്പിച്ച് ഗോ ഫസ്റ്റ് എയര്‍ലൈന്‍; പരിമിതകാല ഓ ...
  • 06/11/2022
മസ്‍കറ്റിൽ നിന്ന് തിരുവനന്തപുരത്തേക്ക് പുറപ്പെട്ട എയർ ഇന്ത്യ ...
  • 29/10/2022
ജിസിസി വീസയുള്ളവർക്ക് യാത്ര ലളിതമാക്കി ഒമാൻ; മലയാളികൾക്കും ഗ ...
  • 26/10/2022
ഒമാനില്‍ രാജകീയ ചിഹ്നം വാണിജ്യ ഉത്പന്നങ്ങളില്‍ ഉപയോഗിക്കുന്ന ...
  • 18/10/2022
ഒമാന്‍ സന്ദര്‍ശനത്തിനായി യുഎഇ പ്രസിഡൻ്റ് മസ്‍കത്തിലെത്തി
  • 28/09/2022
ഒമാനിലെ റെസ്‌റ്റോറന്റുകളിലും കഫേകളിലും പരിശോധന; 92 കിലോ പഴകി ...
  • 16/09/2022
മസ്‌കറ്റില്‍ നിന്ന് കേരള സെക്ടറുകളില്‍ ഉള്‍പ്പെടെ എയര്‍ ഇന്ത ...
  • 12/09/2022
ടിക്കറ്റ് നിരക്കിൽ വർധന; ഒമാന്‍ വഴി യാത്ര ചെയ്ത് യുഎഇ പ്രവാസ ...
  • 20/08/2022