500 കോടിയുടെ നിധിയും 2000 ആനക്കൊമ്പുകളും എവിടെ? വീരപ്പന്‍ കൊല്ലപ്പെട്ടിട്ട് 17 വര്‍ഷം

  • 18/10/2021

മൂന്ന് പതിറ്റാണ്ടിലേറെക്കാലമായി പോലീസിന്റെയും അധികൃതരുടെയും കണ്ണുവെട്ടിച്ച് തമിഴ്‌നാട്, കേരളം, കര്‍ണാടകം എന്നീ സംസ്ഥാനങ്ങളില്‍ വിഹരിച്ച് ചന്ദനവും, ആനക്കൊമ്ബും മറ്റും കുപ്രസിദ്ധ കൊള്ളക്കാരനായിരുന്നു ഇന്ത്യയുടെ റോബിന്‍ ഹുഡ് എന്ന് സ്വയം അവരോധിതനായ 
വീരപ്പന്‍ അഥവാ കൂസു മുനിസ്വാമി വീരപ്പന്‍.

ബില്‍ഗിരിരങ്കന ബേട്ട, മാലെ മഹദേശ്വര ബേട്ട എന്നീ മലകള്‍, സത്യമംഗലം, ഗുണ്ടിയാല്‍ വനങ്ങള്‍ എന്നിവയായിരുന്നു വീരപ്പന്റെ പ്രധാന വിഹാര രംഗം. കേരളം, തമിഴ്‌നാട്, കര്‍ണ്ണാടകം എന്നീ സംസ്ഥാനങ്ങളുടെ അതിര്‍ത്തി പ്രദേശങ്ങളില്‍ 6,000ത്തോളം ച.കി.മീ വിസ്തൃതിയുള്ള വനങ്ങളില്‍ വീരപ്പന്‍ വിഹരിച്ചു. മൂന്നു സംസ്ഥാനങ്ങളിലെ പോലീസ് സേനയും ഇന്ത്യന്‍ അര്‍ദ്ധസൈനിക വിഭാഗവും വീരപ്പനെ പിടികൂടാന്‍ പരിശ്രമിച്ചു. ഒരു സമയത്ത് നൂറുകണക്കിനു അംഗങ്ങളുള്ള ഒരു ചെറിയ സൈന്യം തന്നെ വീരപ്പനു സ്വന്തമായി ഉണ്ടായിരുന്നു.2004 ഒക്ടോബര്‍ 18 നാണ് പ്രത്യേക ദൗത്യസേന വീരപ്പനെ ഏറ്റുമുട്ടലിലൂടെ വധിച്ചത്.

ഉയര്‍ന്ന പോലീസ് ഉദ്യോഗസ്ഥരും വനം വകുപ്പ് ഉദ്യോഗസ്ഥരും ഉള്‍പ്പടെ നൂറിലേറെപ്പേരെ വീരപ്പന്‍ കൊലപ്പെടുത്തിയിട്ടുണ്ട്. ആറായിരം ചതുരശ്ര മൈലില്‍ തന്റെ കാട്ടിലെ സാമ്രാജ്യം അടക്കി വാണ കാലത്ത് വീരപ്പന്‍ 2400 ഓളം ആനകളെയും വേട്ടയാടിയിട്ടുണ്ട് എന്നാണ് അനൌദ്യോഗിക കണക്ക്. ചന്ദനക്കടത്ത് വേറെ. 200ഓളം ആനകളെ കൊന്ന് ആനക്കൊമ്ബ് ഊരിയതിനും $2,600,000 ഡോളര്‍ വിലവരുന്ന ആനക്കൊമ്പ് അനധികൃതമഅയി കടത്തിയതിനും 10,000 ടണ്‍ ചന്ദനത്തടി മുറിച്ചു കടത്തിയതിനും ($22,000,000 ഡോളര്‍ വിലമതിക്കുന്നു) വീരപ്പന്റെ പേരില്‍ കേസെടുത്തിരുന്നു. യഥാര്‍ത്ഥ കണക്ക് ഇതിന്റെ പതിന്മടങ്ങ് വരും. ഒടുവില്‍ 2004 ല്‍ വീരപ്പന്‍ പോലീസുമായുള്ള ഏറ്റുമുട്ടലില്‍ കൊല്ലപ്പെടുകയായിരുന്നു.

വീരപ്പന്‍ കൊല്ലപ്പെട്ടിട്ട് ഇന്ന് 17 വര്‍ഷം തികയുകയാണ്. പക്ഷേ, വീരപ്പന്‍ സമ്ബാദിച്ച പണവും മറ്റ് സ്വത്തുക്കളും എവിടെയെന്ന് ഇന്നും ആര്‍ക്കും അറിയില്ല. 500 കോടിയുടെ സ്വത്തുക്കള്‍ പണമായും സ്വര്‍ണ്ണമായും ഉണ്ട് എന്നാണ് കരുതപ്പെടുന്നത്. കൂടാതെ 2000ത്തിലേറെ ആനകൊമ്ബുകള്‍ കാട്ടി വീരപ്പന്‍ ഒളിപ്പിച്ചിട്ടുണ്ടത്രേ. പണവും മറ്റ് സ്വത്തുക്കളും കാട്ടില്‍ ഒളിപ്പിക്കുന്നതിന് വീരപ്പന് പ്രത്യേക രീതികളുണ്ടായിരുന്നു. പണം ചാക്കിലും പ്ലാസ്റ്റിക് കവറിലും ആക്കി വെള്ളം കയറാത്ത പാറമടകളില്‍ കുഴിച്ചിടുകയായിരുന്നു വീരപ്പന്റെ രീതി. ആനകൊമ്ബ് ഒളിപ്പിച്ചിരുന്നതും ഇതേ രീതിയിലാണ്. കാട്ടില്‍ പലയിടത്തായി ഒളിപ്പിച്ച് വന്‍ നിധി ശേഖരം ഇപ്പോള്‍ എവിടെയെന്ന് ആര്‍ക്കും കണ്ടെത്താന്‍ കഴിഞ്ഞിട്ടില്ല.

വീരപ്പന് പുറമേ സ്വത്തുക്കള്‍ ഒളിപ്പിച്ച സ്ഥലങ്ങള്‍ അറിയാവുന്ന ഒരേ ഒരു വ്യക്തി സംഘത്തിലെ രണ്ടാമനായിരുന്നു. എന്നാല്‍ ഇയാളും പോലീസുമായി ഉണ്ടായ ഏറ്റുമുട്ടലില്‍ കൊല്ലപ്പെട്ടു. നിധിയുടെ രഹസ്യവും വീരപ്പനോടൊപ്പം കൂഴിച്ചു മൂടപ്പെട്ടുവെന്നാണ് വീരപ്പനെ കൊലപ്പെടുത്തിയ സംഘം പറഞ്ഞത്. അതേസമയം, വീരപ്പന്റെ മരണശേഷം സ്വത്തുക്കള്‍ സംഘാംഗങ്ങള്‍ വീതിച്ചെടുത്തുവെന്നും സ്ഥിരീകരിക്കാത്ത റിപ്പോര്‍ട്ടുകള്‍ ഉണ്ട്. വീരപ്പന്‍ യുഗം അവസാനിച്ചതിന് പിന്നാലെ നിരവധിപേര്‍ നിധിതേടി കാടുകയറിയെങ്കിലും നിരാശരായി മടങ്ങേണ്ടി വന്നു.

Related News

ഏഴ് ദിവസം മാത്രം പ്രായമുള്ള കുഞ്ഞിനെ പാലത്തില്‍ നിന്ന് വലിച് ...
  • 01/11/2024
വൃത്തിഹീനമായ ശുചിമുറി; യാത്രക്കാരന് ഇന്ത്യന്‍ റെയില്‍വേ 30,0 ...
  • 01/11/2024
ലഡാക്കില്‍ ഇന്ത്യ- ചൈന സൈനിക പിൻമാറ്റം പൂര്‍ണം; ദീപാവലി മധുര ...
  • 31/10/2024
അമാനുഷിക ശക്തിയുണ്ടെന്ന് എഞ്ചിനീയറിംഗ് വിദ്യാര്‍ത്ഥി, കോളേജ് ...
  • 29/10/2024
സല്‍മാനെയും സീഷനെയും കൊല്ലുമെന്ന് ഭീഷണി; 20കാരന്‍ അറസ്റ്റില് ...
  • 29/10/2024
'14 വര്‍ഷത്തെ വനവാസമല്ല, അഞ്ഞൂറ് വര്‍ഷത്തിന് ശേഷം രാമന്‍ വീട ...
  • 29/10/2024
മകന്‍ മരിച്ചത് അറിഞ്ഞില്ല; മാതാപിതാക്കള്‍ മൃതദേഹത്തിനൊപ്പം ക ...
  • 29/10/2024
സംവിധായകൻ രഞ്ജിത്തിനെതിരെ ബെംഗളൂരു പൊലീസ് കേസെടുത്തു; 2 ദിവസ ...
  • 28/10/2024
തിരുപ്പതി ക്ഷേത്രത്തിന് സമീപമുള്ള രണ്ട് ഹോട്ടലുകള്‍ക്ക് കൂടി ...
  • 27/10/2024
'എന്റെ സ്ഥാനാര്‍ത്ഥിത്വം പുനഃപരിശോധിക്കണം': ഹൈക്കമാന്റിനോട് ...
  • 27/10/2024
ഞാന്‍ രാഷ്ട്രീയത്തില്‍ കുട്ടിയായിരിക്കും പക്ഷേ പേടിയില്ല; ബി ...
  • 27/10/2024
ഹരിയാനയിലെ ആള്‍ക്കൂട്ടക്കൊല: യുവാവ് കഴിച്ചത് ബീഫല്ലെന്ന് ലാബ ...
  • 26/10/2024