വൈദികന്‍ ചമഞ്ഞ് വിധവയായ വീട്ടമ്മയില്‍ നിന്ന് പണം തട്ടിയെടുത്തു; സ്റ്റേഷനിലെത്തിച്ചപ്പോള്‍ അസഭ്യവര്‍ഷം, മലമൂത്ര വിസര്‍ജനം

  • 12/02/2022

തിരുവനന്തപുരം: തിരുവനന്തപുരത്ത് വൈദികന്‍ ചമഞ്ഞ് വിധവയായ വീട്ടമ്മയില്‍ നിന്ന് പണം തട്ടിയയാളെ പിടികൂടി. കാഞ്ഞിരംകുളം ചാണി പണ്ടാരവിള കനാല്‍കോട്ടേജില്‍ ഷിബു എസ്.നായരാണ്(42) അറസ്റ്റിലായത്. പള്ളിയില്‍ നിന്ന്  ധനസഹായം നല്‍കാമെന്ന് വിശ്വസിപ്പിച്ചായിരുന്നു തട്ടിപ്പ് നടത്തിയത്. 

ജനുവരി 29-ന് രാവിലെ 10 മണിക്കാണ് സംഭവം. കുന്നത്തുകാല്‍, മാണിനാട് കുണ്ടറത്തല വിളാകം വീട്ടില്‍ പരേതനായ ബെഞ്ചമിന്റെ ഭാര്യ ശാന്തയെ(64) കബളിപ്പിച്ച് 14,700 രൂപയാണ് ഇയാള്‍ തട്ടിയെടുത്തത്. ബൈക്കിലെത്തിയ ഇയാള്‍ മണിവിള പള്ളിയിലെ പുരോഹിതനാണെന്ന് സ്വയം പരിചയപ്പെടുത്തി. നിര്‍ധന വിധവകള്‍ക്ക് ഇടവക ധനസഹായമായി 10 ലക്ഷം രൂപ നല്‍കുന്നുണ്ടെന്നും ശാന്തയുടെ പേരും ഈ പട്ടികയില്‍ ഉണ്ടെന്നും വിശ്വസിപ്പിച്ചു. 

തുക ലഭിക്കാനായി ഇടവകയുടെ അനാഥമന്ദിര ഫണ്ടിലേക്ക് 14,700 രൂപ മുന്‍കൂറായി അടയ്ക്കണമെന്നും ആവശ്യപ്പെട്ടു. ഒരു മാസത്തിന് മുമ്പ് മരിച്ച ഭര്‍ത്താവിന്റെ ചികിത്സ നടത്തി സാമ്പത്തിക ബാധ്യതയില്‍ കഴിഞ്ഞിരുന്ന വീട്ടമ്മ സഹായം കിട്ടുമെന്ന പ്രതീക്ഷയില്‍ അയല്‍വാസിയുടെ കൈയില്‍നിന്നു പണം കടം വാങ്ങി നല്‍കുകയായിരുന്നു. 

ഒരു മണിക്കൂറുനുള്ളില്‍ വരാമെന്നു പറഞ്ഞുപോയ ഷിബു പിന്നീട് തിരിച്ചുവന്നില്ല. തുടര്‍ന്നുള്ള അന്വേഷണത്തിലാണ് തട്ടിപ്പ് പുറത്തറിയുന്നത്. ശാന്തയുടെ പരാതിയില്‍ വെള്ളറട പോലീസ് നടത്തിയ അന്വേഷണത്തിലാണ് പ്രതി പിടിയിലായത്. സ്റ്റേഷനിലെത്തിച്ചപ്പോള്‍ സെല്ലില്‍ കിടന്ന് അസഭ്യം പറഞ്ഞ ഇയാള്‍ അവിടെ മലമൂത്ര വിസര്‍ജനം നടത്തിയ ശേഷം തങ്ങള്‍ക്ക് നേരേ വിസര്‍ജ്യം വലിച്ചെറിഞ്ഞെന്നും പോലീസുകാര്‍ പറയുന്നു. ഇയാളുടെ പേരില്‍ ജില്ലയിലെ വിവിധ പോലീസ് സ്റ്റേഷനുകളിലായി തട്ടിപ്പ്, മോഷണം ഉള്‍പ്പെടെ നിരവധി കേസുകളുണ്ടെന്ന് വെള്ളറട പോലീസ് കൂട്ടിച്ചേര്‍ത്തു. 

Related News

ഷാനിമോള്‍ ഉസ്മാന്റെ മുറിയിലെ പരിശോധന; വനിതാ കമ്മീഷന് പരാതി ന ...
  • 06/11/2024
തൂങ്ങിമരിച്ചെന്ന് പറഞ്ഞ് ആശുപത്രിയില്‍ എത്തിച്ചു, പോസ്റ്റ്മോ ...
  • 06/11/2024
ഈ ട്രോളി നിറയെ പണം ഉണ്ടായിരുന്നെങ്കില്‍....; നീല ട്രോളി ബാഗു ...
  • 06/11/2024
'റെയ്ഡിന് പിന്നില്‍ ബിജെപി-സിപിഎം ഒത്തുകളി'; ബാഗില്‍ പണമെന്ന ...
  • 06/11/2024
കുര്‍ബാന തര്‍ക്കത്തില്‍ ഇടപെട്ട് വത്തിക്കാന്‍; സഭാ തീരുമാനങ് ...
  • 06/11/2024
പാതിരാറെയ്ഡ്: പ്രതിഷേധം തെരുവിലേക്ക്; എസ് പി ഓഫീസിലേക്ക് യുഡ ...
  • 06/11/2024
തെച്ചിക്കോട്ടുകാവ് രാമചന്ദ്രന് റെക്കോര്‍ഡ് ഏക്കം: മുലയംപറമ്ബ ...
  • 06/11/2024
ദേശീയോദ്യാനത്തില്‍ നിന്ന് കാണാതായത് 25 കടുവകള്‍, അന്വേഷണം
  • 06/11/2024
പണപ്പെട്ടിയുമായി ഇറങ്ങി വരൂ എന്ന് കരയുന്ന 'സിപിഎം ബിജെപി' നേ ...
  • 05/11/2024
കോണ്‍ഗ്രസിന്റെ വനിതാ നേതാക്കള്‍ താമസിച്ചിരുന്ന ഹോട്ടലില്‍ പൊ ...
  • 05/11/2024
ട്രെയിനില്‍ ബോംബ് ഭീഷണി മദ്യലഹരിയില്‍; ആളെ തിരിച്ചറിഞ്ഞു, പത ...
  • 05/11/2024
കണ്ണൂര്‍ കലക്ടര്‍ക്കെതിരെ നടക്കുന്നത് അനാവശ്യ വ്യക്തിഹത്യ; അ ...
  • 05/11/2024