വേനലവധിക്കാലത്തെ യാത്രാത്തിരക്ക് നേരിടാൻ സർവീസുകളുടെ എണ്ണം വർധിപ്പിച്ച് വിമാനകമ്പനികൾ

  • 01/07/2022



ദുബായ് : വേനലവധിക്കാലത്തെ യാത്രാത്തിരക്ക് നേരിടാൻ ഒട്ടുമിക്ക വിമാനക്കമ്പനികളും സർവീസുകളുടെ എണ്ണം വർധിപ്പിച്ചു. ഇന്ത്യയിലെ മുൻനിര വിമാനക്കമ്പനിയായ എയർ ഇന്ത്യ ദുബായിൽനിന്ന് ഡൽഹിവരെയുള്ള സെക്ടറിൽ വിമാനങ്ങളുടെ എണ്ണം വർധിപ്പിച്ചതായി വ്യാഴാഴ്ച അറിയിച്ചു. 

ഈ രണ്ട് ലക്ഷ്യസ്ഥാനങ്ങൾക്കിടയിൽ 18 ബോയിങ് 787-8 ഡ്രീംലൈനറുകളും ഒരു എയർബസും അധികമായി ബുധനാഴ്ച മതുൽ സർവീസ് നടത്തുന്നതായി എയർ ഇന്ത്യയുടെയും എയർ ഇന്ത്യ എക്സ്പ്രസിന്റെയും ഗൾഫ്, മിഡിലീസ്റ്റ്, ആഫ്രിക്ക എന്നിവയുടെ റീജണൽ മാനേജർ പി.പി.സിങ് പറഞ്ഞു. ആദ്യദിനം ദുബായിൽനിന്ന് 246 യാത്രക്കാരാണ് ഡൽഹിയിലേക്ക് പറന്നത്. 

തിരക്കേറിയതോടെ വ്യാഴാഴ്ച അധികവിമാനത്തിൽ സീറ്റും ലഭ്യമായിരുന്നില്ല. ഒരു വശത്തേക്ക് മാത്രമായി 1130 ദിർഹമാണ് ടിക്കറ്റ് നിരക്ക്. ബിസിനസ് ക്ലാസ് നിരക്ക് 2030 ദിർഹമാണ്. അധികവിമാനത്തിലുള്ള ബുക്കിങ് അടുത്ത ഒക്ടോബർ വരെ ലഭ്യമായിരിക്കും.

രാജ്യത്തെ ഒട്ടുമിക്ക സ്കൂളുകളിലും വെള്ളിയാഴ്ച മുതൽ വേനലവധി ആരംഭിച്ചുകഴിഞ്ഞു. യു.എ.ഇ.യിൽനിന്ന് ഇന്ത്യയിലേക്കാണ് ഇക്കാലയളവിൽ യാത്രക്കാർ അധികമുള്ളത്. ജൂലായ് പകുതിവരെ വിമാനയാത്രാനിരക്കും ആറിരട്ടിയാണ്. മിക്ക വിമാനങ്ങളിലും സീറ്റും കിട്ടാനില്ല.

അതേസമയം, യാത്രാത്തിരക്ക് മുൻകൂട്ടി കണ്ട് വിമാനക്കമ്പനികൾ ഒട്ടേറെ സർവീസുകളും വാഗ്ദാനം ചെയ്യുന്നുണ്ട്. എമിറേറ്റ്‌സ് വിമാനത്തിൽ നാട്ടിൽനിന്ന് ദുബായിലേക്കുള്ള ടിക്കറ്റ് എടുക്കുന്നവർക്ക് ബുർജ് ഖലീഫയിൽ പ്രവേശിക്കാൻ സൗജന്യ ടിക്കറ്റ് ഉൾപ്പെടെ ഒട്ടേറെ ഓഫറുകളാണ് പ്രഖ്യാപിച്ചിരിക്കുന്നത്. തടസ്സങ്ങളിലാത്ത യാത്രാനുഭവം സാധ്യമാക്കുന്നതിനും ഇത്തിഹാദ് എയർലൈൻസ് ആവശ്യമായ മുൻകരുതൽ നടപടികൾ സ്വീകരിച്ചിട്ടുണ്ട്. വിമാനയാത്രക്കാരുടെ ലഗേജ് വീട്ടിലെത്തി ശേഖരിക്കാനുള്ള ഓഫ് എയപോർട്ട് ചെക്ക് ഇൻ സർവീസും അബുദാബിയിൽ അടുത്തമാസം പകുതിയോടെ പ്രാബല്യത്തിലാകും.

Related News

യൂണിയൻ കോപ് കമ്മ്യൂണിറ്റി കോൺട്രിബ്യൂഷൻ 8.508 മില്യൺ ദിർഹം
  • 22/09/2023
സ്റ്റോറുകളും ഇ-കൊമേഴ്സും റീട്ടെയിൽ വിപണി നിയന്ത്രിക്കുന്നു: ...
  • 08/09/2023
യുവതി ഷാര്‍ജയിൽ തൂങ്ങിമരിച്ചതിൽ ഭര്‍ത്താവിനും കുടുംബത്തിനുമെ ...
  • 28/07/2023
സ്വദേശികളും പ്രവാസികളും കൈവശമുള്ള വിലപിടിപ്പുള്ള വസ്തുക്കളെക ...
  • 27/07/2023
ശൈഖ് സഈദ് ബിന്‍ സായിദ് അല്‍ നഹ്യാന്‍ അന്തരിച്ചു
  • 27/07/2023
നെറ്റ്ഫ്‌ലിക്‌സിന്റെ പാസ്‍വേഡുകൾ പുറത്തുള്ളവരുമായി പങ്കുവെക് ...
  • 24/07/2023
ഇന്ത്യ യുഎഇ ഉഭയകക്ഷി വ്യാപാരം രൂപയിലും ദിർഹത്തിലും നടത്താൻ ധ ...
  • 15/07/2023
യുഎഇയിൽ എത്തി ഇന്ത്യൻ പ്രധാനമന്ത്രി: അബുദാബി കിരീടവകാശി ഷെയ് ...
  • 15/07/2023
പ്രധാനമന്ത്രി നരേന്ദ്ര മോദി ഇന്ന് യുഎഇയിൽ
  • 14/07/2023
സന്ദർശക വീസയിൽ യുഎഇയിലേക്ക് വരുന്നവർ ശ്രദ്ധിക്കേണ്ടത്...
  • 14/07/2023
യുഎഇയിലെ പെര്‍ഫ്യൂം ഫാക്ടറിയില്‍ വന്‍ തീപിടിത്തം
  • 11/07/2023
സ്വകാര്യ കമ്പനികളില്‍ സ്വദേശിവത്കരണത്തിന്റെ അര്‍ധ വാര്‍ഷിക ട ...
  • 08/07/2023