ദുബൈയില്‍ മദ്യത്തിന് മേല്‍ ചുമത്തിയിരുന്ന 30 ശതമാനം മുനിസിപ്പാലിറ്റി നികുതി എടുത്തുകളഞ്ഞു

  • 02/01/2023




ദുബൈ: ദുബൈയില്‍ മദ്യത്തിന് മേല്‍ ചുമത്തിയിരുന്ന 30 ശതമാനം മുനിസിപ്പാലിറ്റി നികുതി എടുത്തുകളഞ്ഞു. ഇതോടൊപ്പം വ്യക്തികള്‍ക്ക് മദ്യം ഉപയോഗിക്കാനായി അനുവദിച്ചിരുന്ന ലൈസന്‍സിന്റെ ഫീസും ഒഴിവാക്കിയിട്ടുണ്ട്. പുതുവര്‍ഷത്തില്‍ രണ്ട് തീരുമാനങ്ങളും പ്രാബല്യത്തില്‍ വന്നു. ഇതോടെ സ്ഥിര താമസക്കാര്‍ക്ക് സാധുതയുള്ള എമിറേറ്റ്സ് ഐ.ഡി ഉപയോഗിച്ചും സന്ദര്‍ശകര്‍ക്ക് അവരുടെ പാസ്‍പോര്‍ട്ടോ ഉപയോഗിച്ചും സൗജന്യമായി ലൈസന്‍സിന് അപേക്ഷിക്കാനാവും.

നികുതി എടുത്തുകളഞ്ഞതായുള്ള ദുബൈ ഭരണകൂടത്തിന്റെ അറിയിപ്പ് പ്രകാരം ജനുവരി ഒന്ന് മുതല്‍ വില്‍പന കേന്ദ്രങ്ങളില്‍ വിലയില്‍ മാറ്റം വന്നതായി മാരിടൈം ആന്റ് മര്‍ക്കെന്റൈയില്‍ ഇന്റര്‍നാഷണല്‍ (എംഎംഐ) ആന്റ് എമിറേറ്റ്സ് ലെഷര്‍ റീട്ടെയില്‍ സിഇഒ ടിറോണ്‍ റീഡ് പറഞ്ഞു. 21 വയസിന് മുകളില്‍ പ്രായമുള്ള മുസ്‍ലിം ഇതര മതവിഭാഗങ്ങളില്‍ ഉള്‍പ്പെടുന്നവര്‍ക്കാണ് ദുബൈയില്‍ മദ്യം ഉപയോഗിക്കാന്‍ ഔദ്യോഗിക ലൈസന്‍സ് അനുവദിക്കുന്നത്. 

സ്വകാര്യ സ്ഥലങ്ങളിലും ബാറുകള്‍ പോലെ ലൈസന്‍സുള്ള പൊതുസ്ഥലങ്ങളിലും മാത്രമാണ് മദ്യപിക്കാന്‍ അനുമതിയുള്ളത്. ലൈസന്‍സ് ലഭിക്കുന്നവര്‍ക്ക് ദുബൈ പൊലീസ് പ്രത്യേകം കാര്‍ഡ് അനുവദിക്കും. ടൂറിസം മേഖലയുടെ വളര്‍ച്ച കൂടുതല്‍ വര്‍ദ്ധിപ്പിക്കാനുള്ള നടപടികളുടെ ഭാഗമായാണ് മദ്യത്തിന്റെ നികുതി എടുത്തുകളഞ്ഞതും ലൈസന്‍സ് ഫീ ഒഴിവാക്കിയതുമെന്ന് പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്യുന്നു.

Related News

യൂണിയൻ കോപ് കമ്മ്യൂണിറ്റി കോൺട്രിബ്യൂഷൻ 8.508 മില്യൺ ദിർഹം
  • 22/09/2023
സ്റ്റോറുകളും ഇ-കൊമേഴ്സും റീട്ടെയിൽ വിപണി നിയന്ത്രിക്കുന്നു: ...
  • 08/09/2023
യുവതി ഷാര്‍ജയിൽ തൂങ്ങിമരിച്ചതിൽ ഭര്‍ത്താവിനും കുടുംബത്തിനുമെ ...
  • 28/07/2023
സ്വദേശികളും പ്രവാസികളും കൈവശമുള്ള വിലപിടിപ്പുള്ള വസ്തുക്കളെക ...
  • 27/07/2023
ശൈഖ് സഈദ് ബിന്‍ സായിദ് അല്‍ നഹ്യാന്‍ അന്തരിച്ചു
  • 27/07/2023
നെറ്റ്ഫ്‌ലിക്‌സിന്റെ പാസ്‍വേഡുകൾ പുറത്തുള്ളവരുമായി പങ്കുവെക് ...
  • 24/07/2023
ഇന്ത്യ യുഎഇ ഉഭയകക്ഷി വ്യാപാരം രൂപയിലും ദിർഹത്തിലും നടത്താൻ ധ ...
  • 15/07/2023
യുഎഇയിൽ എത്തി ഇന്ത്യൻ പ്രധാനമന്ത്രി: അബുദാബി കിരീടവകാശി ഷെയ് ...
  • 15/07/2023
പ്രധാനമന്ത്രി നരേന്ദ്ര മോദി ഇന്ന് യുഎഇയിൽ
  • 14/07/2023
സന്ദർശക വീസയിൽ യുഎഇയിലേക്ക് വരുന്നവർ ശ്രദ്ധിക്കേണ്ടത്...
  • 14/07/2023
യുഎഇയിലെ പെര്‍ഫ്യൂം ഫാക്ടറിയില്‍ വന്‍ തീപിടിത്തം
  • 11/07/2023
സ്വകാര്യ കമ്പനികളില്‍ സ്വദേശിവത്കരണത്തിന്റെ അര്‍ധ വാര്‍ഷിക ട ...
  • 08/07/2023