ധനകാര്യ ഇടപാടുകൾക്ക് ഡിജിറ്റൽ തിരിച്ചറിയൽ സംവിധാനം ഉപയോഗിക്കണമെന്ന് യുഎഇ

  • 13/01/2023



അബുദാബി:∙ ധനകാര്യ ഇടപാടുകൾക്ക് ഡിജിറ്റൽ തിരിച്ചറിയൽ സംവിധാനം ഉപയോഗിക്കണമെന്ന് യുഎഇ സെൻട്രൽ ബാങ്ക് ആവശ്യപ്പെട്ടു. കള്ളപ്പണം വെളുപ്പിക്കൽ, തീവ്രവാദത്തിന് ധനസഹായം നൽകൽ എന്നിവയ്ക്കെതിരെയുള്ള പുതിയ മാർഗനിർദേശങ്ങളിലാണ് ഇക്കാര്യം വ്യക്തമാക്കിയത്. ബാങ്കുകൾ, ബ്രോക്കർമാർ, ഫിനാൻസ് കമ്പനികൾ, എക്‌സ്‌ചേഞ്ച് ഹൗസുകൾ, ഇൻഷുറൻസ് കമ്പനികൾ, ഏജന്റുമാർ എന്നിവ ഉൾപ്പെടെ ലൈസൻസുള്ള ധനകാര്യ സ്ഥാപനങ്ങൾക്കാണ് മാർഗനിർദേശം നൽകിയത്.

നിയമവിരുദ്ധ ഇടപാടുകളുടെ അപകടസാധ്യത ബോധ്യപ്പെടുത്തുന്നതിനൊപ്പം നിയമപരമായ സുരക്ഷ ഉറപ്പാക്കുകയും വേണമെന്നും ആവശ്യപ്പെട്ടു. അംഗീകൃത ധനകാര്യ സ്ഥാപനങ്ങൾ ഇടപാടുകാരുടെ തിരിച്ചറിയിൽ രേഖകളുടെ ഡിജിറ്റൽ പകർപ്പ് പരിശോധിക്കണം. സൈബർ ആക്രമണങ്ങൾ വർധിച്ച പശ്ചാത്തലത്തിൽ മോഷ്ടിച്ചതും വ്യാജമായി നിർമിച്ചതുമായ ഐഡികൾ തിരിച്ചറിയാനും അപകട സാധ്യത കുറയ്ക്കാനും ഡിജിറ്റൽ പ്രൂഫിങ് സഹായകമാകും.

നിയമം പാലിക്കുന്നുണ്ടെന്ന് ഉറപ്പാക്കാൻ സെൻട്രൽ ബാങ്ക് ധനകാര്യ സ്ഥാപനങ്ങളെ നിരന്തരം നിരീക്ഷിക്കുന്നുണ്ടെന്ന് യുഎഇ സെൻട്രൽ ബാങ്ക് ഗവർണർ ഖാലിദ് ബലാമ പറഞ്ഞു. നിയമവിരുദ്ധ പ്രവർത്തനങ്ങളും ഇതുവഴി തടയാം. നിയമം ലംഘിച്ച ഏതാനും സ്ഥാപനങ്ങൾക്ക് കഴിഞ്ഞ വർഷം പിഴ ചുമത്തിയെന്നും വെളിപ്പെടുത്തി. കഴിഞ്ഞ മാസം ഇൻഷുറൻസ് മേഖലയിൽ പ്രവർത്തിക്കുന്ന കമ്പനികൾക്കും പുതിയ മാർഗനിർദേശങ്ങൾ പുറത്തിറക്കിയിരുന്നു.

Related News

യൂണിയൻ കോപ് കമ്മ്യൂണിറ്റി കോൺട്രിബ്യൂഷൻ 8.508 മില്യൺ ദിർഹം
  • 22/09/2023
സ്റ്റോറുകളും ഇ-കൊമേഴ്സും റീട്ടെയിൽ വിപണി നിയന്ത്രിക്കുന്നു: ...
  • 08/09/2023
യുവതി ഷാര്‍ജയിൽ തൂങ്ങിമരിച്ചതിൽ ഭര്‍ത്താവിനും കുടുംബത്തിനുമെ ...
  • 28/07/2023
സ്വദേശികളും പ്രവാസികളും കൈവശമുള്ള വിലപിടിപ്പുള്ള വസ്തുക്കളെക ...
  • 27/07/2023
ശൈഖ് സഈദ് ബിന്‍ സായിദ് അല്‍ നഹ്യാന്‍ അന്തരിച്ചു
  • 27/07/2023
നെറ്റ്ഫ്‌ലിക്‌സിന്റെ പാസ്‍വേഡുകൾ പുറത്തുള്ളവരുമായി പങ്കുവെക് ...
  • 24/07/2023
ഇന്ത്യ യുഎഇ ഉഭയകക്ഷി വ്യാപാരം രൂപയിലും ദിർഹത്തിലും നടത്താൻ ധ ...
  • 15/07/2023
യുഎഇയിൽ എത്തി ഇന്ത്യൻ പ്രധാനമന്ത്രി: അബുദാബി കിരീടവകാശി ഷെയ് ...
  • 15/07/2023
പ്രധാനമന്ത്രി നരേന്ദ്ര മോദി ഇന്ന് യുഎഇയിൽ
  • 14/07/2023
സന്ദർശക വീസയിൽ യുഎഇയിലേക്ക് വരുന്നവർ ശ്രദ്ധിക്കേണ്ടത്...
  • 14/07/2023
യുഎഇയിലെ പെര്‍ഫ്യൂം ഫാക്ടറിയില്‍ വന്‍ തീപിടിത്തം
  • 11/07/2023
സ്വകാര്യ കമ്പനികളില്‍ സ്വദേശിവത്കരണത്തിന്റെ അര്‍ധ വാര്‍ഷിക ട ...
  • 08/07/2023