കുവൈറ്റിലേക്ക് സ്ത്രീകളെ കടത്താൻ ശ്രമിച്ച കേസിൽ ഒളിവിലായിരുന്ന പ്രതി പോലീസ് പിടിയിൽ

  • 03/08/2023




നെടുമ്പാശേരി വിമാനത്താവളം വഴി തമിഴ്നാട് സ്വദേശികളായ സ്ത്രീകളെ കുവൈറ്റിലേക്ക് കടത്താൻ ശ്രമിച്ച കേസിൽ ഒളിവിലായിരുന്ന പ്രതി പോലീസ് പിടിയിൽ. നേരത്തെ സംഭവവുമായി ബന്ധപെട്ട് രണ്ട് പേരെ അറസ്റ്റ് ചെയ്തിരുന്നു. തമിഴ്നാട് തിരുച്ചിറപ്പിള്ളി തിരുവെരുമ്പൂർ മുഹമ്മദ് ഹനീബ(42) യെയാണ് എറണാകുളം റൂറൽ ജില്ലാ ക്രൈംബ്രാഞ്ച് അറസ്റ്റ് ചെയ്തത്.

ഏഴ് യുവതികളെ 2022 ജൂലൈ 17 നാണ് വിദേശത്തേക്ക് കടത്താൻ നെടുമ്പാശേരി വിമാനത്താവളത്തിൽ എത്തിച്ചത്. ഇതിന്‍റെ അന്വേഷണം ജില്ലാ പോലീസ് മേധാവി വിവേക് കുമാറിന്‍റെ മേൽ നോട്ടത്തിൽ നടന്നുവരികെയാണ് ഒളിവിൽ കഴിയുകയായിരുന്ന ഇയാളെ തിരിച്ചിറപ്പള്ളിയിൽ നിന്നും പിടികൂടിയത്. ഉൾഗ്രാമങ്ങളിൽ നിന്ന് നിരക്ഷരരും, സാമ്പത്തികമായി ഏറെ പിന്നോക്കം നിൽക്കുന്നതുമായ സ്ത്രീകളെ കണ്ടെത്തി അവർക്ക് സൗജന്യമായി പാസ്പോർട്ട്, വിസ, ടിക്കറ്റ്, മെഡിക്കൽ സൗകര്യം എന്നിവ ഇവർ ശരിയാക്കിക്കൊടുക്കും.

പിന്നാലെ ദുബായിലേക്കുള്ള വിസിറ്റ് വിസയുമായി ഇവരെ വിമാനത്താവളത്തിലെത്തിക്കും. ദുബായിലെത്തിയ ശേഷം കുവൈറ്റ് വിസയടിച്ച പേജ് പാസ്പോർട്ടിൽ തുന്നിച്ചേർത്ത് കുവൈറ്റിലേക്ക് കടത്തുന്നതായിരുന്നു തട്ടിപ്പുകാരുടെ തന്ത്രം. വിദ്യാഭ്യാസം കുറഞ്ഞ സ്ത്രീകൾക്ക് കുവൈറ്റിൽ നേരിട്ടെത്താൻ വെല്ലുവിളികള്‍ ഏറെയായതിനാല്‍ ഈ തന്ത്രം വ്യാപകമായി ഉപയോഗിക്കുന്നതെന്നാണ് പ്രതികൾ പറയുന്നത്. സ്ത്രീകളെ കുവൈറ്റിൽ എത്തിച്ച ശേഷം അവിടത്തെ ഏജൻറിന് കൈമാറുകയായിരുന്നു ലക്ഷ്യം.

മുപ്പതിനും നാൽപ്പതിനും മധ്യേ പ്രായമുള്ള സ്ത്രീകളെ വീട്ടു ജോലിക്കെന്നും പറഞ്ഞാണ് കൊണ്ടുപോകുന്നത്. വ്യാപകമായ അന്വേഷണത്തിനൊടുവിലാണ് പ്രതി പിടിയിലാകുന്നത്. ഡി.വൈ.എസ്.പി വി.രാജീവ്, എസ്.ഐമാരായ സന്തോഷ് ബേബി, എൻ.സാബു, എ.എസ്.ഐ ഇ.ബി.സുനിൽ കുമാർ, എസ്.സി.പി. ഒമാരായ പി.ആർ.ശ്രീരാജ്, എൻ.എസ്.സുധീഷ് തുടങ്ങിയവരാണ് അന്വേഷണ സംഘത്തിലുള്ളത്.

Related News

Medx zain മെഡിക്കൽ കെയറിൽ പുതിയ ലാബ് പ്രവർത്തനം ആരംഭിച്ച് Me ...
  • 31/01/2025
അഞ്ച് ദിവസത്തിനിടെ കുവൈത്ത് നാടുകടത്തിയത് 505 പേരെ
  • 31/01/2025
60 വയസ്സിനു മുകളിലുള്ള പ്രവാസികൾക്ക് ആശ്രിത വിസയിൽ നിന്ന് സ് ...
  • 31/01/2025
ജലീബ് ശുവൈഖിലെ മലിനീകരണ പ്രശ്നങ്ങളടക്കം പരിഹരിക്കാൻ സുപ്രധാന ...
  • 31/01/2025
അമീറിനെയും മറ്റ് ഗൾഫ് നേതാക്കളെയും അപമാനിച്ച കേസ്; പ്രതികളുട ...
  • 30/01/2025
ആഡംബര വാഹനങ്ങൾ മോഷ്ട്ടിച്ച് രൂപ മാറ്റം വരുത്തി വിൽക്കുന്ന ഏഷ ...
  • 30/01/2025
വ്യജ ഫിംഗർപ്രിൻ്റ് ഉപയോഗിച്ച് ഹാജർ; നാല് സർക്കാർ ജീവനക്കാർ അ ...
  • 30/01/2025
സിവിൽ ഐഡി അറിയിപ്പുകൾ ഇനി സഹേൽ വഴി
  • 30/01/2025
ബിറ്റ്കോയിൻ തട്ടിപ്പ്; കുവൈത്തിലെ വ്യാപാരികൾക്ക് 40 മില്യൺ ദ ...
  • 30/01/2025
കുഞ്ഞിനെ വാഷിംഗ് മെഷീനിലിട്ട് ക്രൂരമായി കൊന്ന ​ഗാർഹിക തൊഴിലാ ...
  • 30/01/2025
കുവൈത്തിൽ ബാങ്ക് അക്കൗണ്ട് തുറക്കുന്നതിന് മിനിമം ശമ്പളം; വ്യ ...
  • 30/01/2025
കുവൈറ്റ് ദേശീയ അവധി ആഘോഷങ്ങളിൽ അന്താരാഷ്ട്ര താരങ്ങൾ ഉൾപ്പെടെ ...
  • 29/01/2025