സൗദി അറേബ്യയിൽ കൂടുതൽ തൊഴിൽ മേഖലകളിൽ സ്വദേശിവത്​കരണം നടപ്പാക്കും

  • 19/02/2021



ജിദ്ദ: സൗദി അറേബ്യയിൽ കൂടുതൽ തൊഴിൽ മേഖലകളിൽ സ്വദേശിവത്​കരണം നടപ്പാക്കുന്നതായി മാനവ വിഭവശേഷി സാമൂഹിക വികസന മന്ത്രി എൻജി. അഹ്​മദ്​ അൽരാജിഹി പറഞ്ഞു. നിയമം, വിദ്യാഭ്യാസം, റസ്​റ്റാറൻറുകൾ, കഫേകൾ, ഹൈപർമാർക്കറ്റുകൾ എന്നീ രംഗത്തെ ജോലികളിൽ സ്വദേശിവത്​ക്കരണം ഉടൻ ആരംഭിക്കുമെന്ന്​ അദ്ദേഹം പറഞ്ഞു.

കരാറുകാരുടെയും കൺസൾട്ടിങ്​ പ്രഫഷനലുകളുടെയും ദേശീയ സമിതി അംഗങ്ങളുമായുള്ള കൂടിക്കാഴ്​ചക്കിടയിലാണ് മന്ത്രി​ ഇക്കാര്യം പറഞ്ഞത്​. സ്വദേശികൾക്ക്​ എല്ലാ വകുപ്പുകളിലും കൂടുതൽ തൊഴിലവസരങ്ങൾ ഒരുക്കാനുള്ള ശ്രമം തുടരുകയാണ്​. യൂനിവേഴ്​സിറ്റി വിദ്യാർഥികളെ ശാക്തീകരിക്കാനും ഒഴിവുസമയങ്ങളിൽ തൊഴിൽ വിപണിയിൽ അവരെ ഉൾപ്പെടുത്താനും ശ്രമിക്കും.

മന്ത്രാലയങ്ങൾ, അർധ ഗവൺമെൻറ്​ സ്ഥാപനങ്ങൾ, സ്വകാര്യമേഖലയുമായി കരാറുണ്ടാക്കിയ സ്ഥാപനങ്ങൾ എന്നിവിടങ്ങളിൽ സെക്യൂരിറ്റി ജോലിയിലേർപ്പെടുന്നവരുടെ സ്ഥിതി മെച്ചപ്പെടുത്തുന്നതിനുള്ള പഠനം പൂർത്തിയാക്കിയിട്ടുണ്ട്​. അവർക്ക്​ മിനിമം വേതനം നിശ്ചയിച്ചിരിക്കുന്നു​. കരാർ ബന്ധം മെച്ചപ്പെടുത്തുന്ന പദ്ധതി​​​​​​​​​​ സ്വദേശികളുമായി കരാറുണ്ടാക്കുന്നത്​ വർധിപ്പിക്കുമെന്നും വ്യക്തമാക്കി. സ്വകാര്യമേഖലയുമായി സഹകരിച്ച്​ തൊഴിൽ വിപണിക്കാവശ്യമായ പദ്ധതികൾ രൂപപ്പെടുത്താൻ മന്ത്രാലയം ശ്രമിച്ചിട്ടുണ്ട്​. ഇതിനായി നിരവധി ശിൽപശാലകൾ സംഘടിപ്പിച്ചു. 

സൗദിയിലെ തൊഴിൽ വിപണി വികസിപ്പിക്കുക, അതി​െൻറ കാര്യക്ഷമത വർധിപ്പിക്കുക, ആഗോള തൊഴിൽ വിപണികളെ ആകർഷിക്കുക, ഉയർന്ന മത്സരശേഷിയുണ്ടാക്കുക, കഴിവുള്ളവരെ വിപണിയിലേക്ക്​ ആകർഷിക്കുക എന്നിവ ലക്ഷ്യമിട്ടാണിതെല്ലാം​. 2019 - -2020 കാലഘട്ടത്തിൽ വിവിധ സ്വദേശീവത്​കരണ പരിപാടികളിലുടെ നല്ല ഫലങ്ങൾ കൈവരിക്കാനായിട്ടുണ്ട്​​. 

4,20,000ലധികം സ്വദേശി പുരുഷന്മാർക്കും സ്​ത്രീകൾക്കും തൊഴിൽ നൽകാനായി​. മന്ത്രാലയത്തിന്റെ പുതിയ സർവിസ്​ പോർട്ടലായ 'ഖുവാ'യുടെ സേവനങ്ങൾ ഉപയോഗപ്പെടുത്തണമെന്ന്​ സ്ഥാപനങ്ങളോട്​ മന്ത്രി ആവശ്യപ്പെട്ടു. ഓൺലൈനിൽ സേവനങ്ങൾ എളുപ്പമാക്കിയതിനാൽ ഓഫീസുകളെത്തി നടപടികൾ പൂർത്തിയാക്കേണ്ട ആവശ്യമില്ലെന്നും മന്ത്രി പറഞ്ഞു.

Related News

ഒറ്റ വിസയിൽ ഗൾഫ് രാജ്യങ്ങൾ മുഴുവൻ സന്ദർശിക്കാം: ടൂറിസ്റ്റുകള ...
  • 30/09/2023
അല്‍ അഖ്‌സ മസ്ജിദില്‍ ഇസ്രയേല്‍ അതിക്രമിച്ച് കയറിയ സംഭവത്തെ ...
  • 29/07/2023
ഹജ് വേളയിൽ ഹറമൈൻ അതിവേഗ റെയിൽവേ ഉപയോഗിക്കുന്ന യാത്രക്കാരുടെ ...
  • 15/07/2023
വിദേശ ഉംറ തീര്‍ത്ഥാടകര്‍ക്ക് പുതിയ നിര്‍ദ്ദേശങ്ങള്‍; ഒറ്റയ്ക ...
  • 11/07/2023
ജിദ്ദ അന്താരാഷ്ട്ര വിമാനത്താവളത്തില്‍ വന്‍ മയക്കുമരുന്ന് വേട ...
  • 10/07/2023
റിയാദ് വിമാനത്താവളത്തിൽ പാർക്കിങ് ഫീസ് ഇരട്ടിയോളം വര്‍ദ്ധിപ് ...
  • 04/07/2023
ആഭ്യന്തര ഹജ്ജ് തീർഥാടകർക്ക് ഡിജിറ്റൽ കാർഡ്
  • 27/06/2023
ഹജ്ജ് തീർഥാടകരുടെ യാത്രക്ക് ഇതാദ്യമായി ഇത്തവണ ‘സെൽഫ് ഡ്രൈവിങ ...
  • 24/06/2023
മസ്ജിദുകളുടെ മിനാരങ്ങളിലും ടെലികോം വയർലെസ് ടവറുകൾ സ്ഥാപിക്കു ...
  • 23/06/2023
എയർ ടാക്‌സി പരീക്ഷണം വിജയകരമായി പൂർത്തിയാക്കി സൗദി
  • 22/06/2023
അനുമതിപത്രമില്ലാത്തവരെ മക്കയിലേക്ക് പ്രവേശിക്കാൻ സഹായിക്കുന് ...
  • 14/06/2023
ഒരാഴ്ചയ്ക്കിടെ സൗദിയിൽ താമസ, തൊഴിൽ നിയമങ്ങളും അതിർത്തി സുരക് ...
  • 14/06/2023