പണം നല്‍കിയില്ല, ബന്ധം വീട്ടിലറിഞ്ഞു; സ്ത്രീയെ ശ്വാസംമുട്ടിച്ച് കൊന്ന് ട്രാക്കില്‍ കിടത്തിയത് സുഹൃത്ത്

  • 30/12/2021

കടയ്ക്കാവൂര്‍: വര്‍ക്കല അയന്തിയില്‍ എല്‍.ഐ.സി. ഏജന്റായ 54-കാരിയെ തീവണ്ടിയിടിച്ച് മരിച്ചനിലയില്‍ കണ്ടെത്തിയ സംഭവം കൊലപാതകമെന്ന് തെളിഞ്ഞു. വക്കം പുളിവിളാകം വീട്ടില്‍ ജെസി (54) യുടെ മൃതദേഹമാണ് 19-ന് രാവിലെ അയന്തി പാലത്തിനുസമീപം റെയില്‍വേ ട്രാക്കില്‍ കണ്ടെത്തിയത്. ജെസിയുമായി അടുപ്പമുണ്ടായിരുന്ന കടയ്ക്കാവൂര്‍ മണനാക്ക് ഭജനമഠം കിഴക്കതില്‍ പുത്തന്‍വീട്ടില്‍ മോഹനന്‍ (56) സംഭവത്തില്‍ അറസ്റ്റിലായി. ഇയാള്‍ ഇവരെ ശ്വാസംമുട്ടിച്ച് കൊലപ്പെടുത്തിയ ശേഷം ആഭരണങ്ങള്‍ കൈക്കലാക്കി റെയില്‍വേ ട്രാക്കില്‍ ഉപേക്ഷിക്കുകയായിരുന്നുവെന്ന് അന്വേഷണത്തില്‍ തെളിഞ്ഞു. 

തന്റെ കടബാധ്യത തീര്‍ക്കാന്‍ മോഹനന്‍ ജെസിയോട് പണം ആവശ്യപ്പെട്ടിരുന്നു. എന്നാല്‍ ജെസി പണം കൊടുത്തില്ല. ഇതില്‍ മോഹനന് വിരോധമുണ്ടായിരുന്നു. ഇതിനിടെ ജെസിയുമായുള്ള അടുപ്പം മോഹനന്റെ വീട്ടിലറിഞ്ഞു. കുടുംബത്തില്‍ പ്രശ്‌നമായതോടെ ജെസിയെ ഏതെങ്കിലും വിധത്തില്‍ ഒഴിവാക്കാന്‍ മോഹനന്‍ തീരുമാനിക്കുകയായിരുന്നു. ഇന്‍ഷുറന്‍സ് പോളിസി ഏര്‍പ്പാടാക്കി നല്കാമെന്ന് പറഞ്ഞ് 18-ന് വൈകീട്ട് മോഹനന്‍ ജെസിയെ അയന്തിയിലേക്ക് വിളിച്ചുവരുത്തി. റെയില്‍വേ ട്രാക്കിലൂടെ ജെസി നടന്നുവരുമ്പോള്‍ മോഹനന്‍ പിന്നിലൂടെയെത്തി ജെസിയുടെ സാരി കഴുത്തില്‍ച്ചുറ്റി ശ്വാസംമുട്ടിച്ച് കൊലപ്പെടുത്തി. തുടര്‍ന്ന് ആഭരണങ്ങള്‍ കൈക്കലാക്കിയശേഷം മൃതദേഹം ട്രാക്കില്‍ എടുത്തുകിടത്തി. മൃതദേഹത്തിലൂടെ തീവണ്ടി കടന്നുപോയതിനുശേഷം മോഹനന്‍ ഓട്ടോറിക്ഷയില്‍ രക്ഷപ്പെട്ടു.

ജെസി രാവിലെ വീട്ടില്‍ നിന്നുപോയിട്ട് മടങ്ങിയെത്തിയില്ലെന്ന് കാട്ടി 18-ന് രാത്രിയില്‍ ഇവരുടെ മകള്‍ കടയ്ക്കാവൂര്‍ പോലീസില്‍ പരാതി നല്കിയിരുന്നു. പോലീസ് അന്വേഷിക്കുന്നതിനിടെയാണ് 19-ന് രാവിലെ അയന്തി പാലത്തിനുസമീപം മൃതദേഹം കണ്ടെത്തിയത്. ജെസിയുടെ മരണം ആത്മഹത്യയാണെന്നായിരുന്നു ആദ്യ വിലയിരുത്തല്‍. പരാതിയെത്തുടര്‍ന്നുള്ള പോലീസിന്റെ അന്വേഷണത്തില്‍ 18-ന് രാത്രിയില്‍ സംഭവസ്ഥലത്തുനിന്നു ഓട്ടോറിക്ഷ പോയതായി വിവരം ലഭിച്ചിരുന്നു. തുടര്‍ന്ന് പ്രദേശത്തെ സി.സി.ടി.വി.ദൃശ്യങ്ങള്‍ പരിശോധിച്ച് ഓട്ടോറിക്ഷ കണ്ടെത്തി. മൊബൈല്‍ ഫോണ്‍ ടവറുകള്‍ കേന്ദ്രീകരിച്ചുള്ള വിവരങ്ങള്‍ കൂടി ശേഖരിച്ചാണ് പ്രതിയെ കണ്ടെത്തിയത്. ജെസിയുടെ ആഭരണങ്ങള്‍ മോഹനന്റെ വീട്ടില്‍നിന്നു പോലീസ് കണ്ടെത്തി. പ്രതിയെ കോടതിയില്‍ ഹാജരാക്കി.

Related News

അമ്മയും മകനും മരിച്ച നിലയില്‍; മൃതദേഹം വീടിനുള്ളിലും ടെറസിനു ...
  • 31/10/2024
കാറില്‍ നിന്ന് ഇറങ്ങിയപ്പോള്‍ ഗുണ്ടകള്‍ ആക്രമിച്ചു; പൂരനഗരിയ ...
  • 31/10/2024
തിരുവനന്തപുരത്ത് പത്താം ക്ലാസ് വിദ്യാര്‍ത്ഥിനി കൂട്ടബലാത്സംഗ ...
  • 30/10/2024
ഉപതെരഞ്ഞെടുപ്പ് പ്രചാരണം വാശിയേറിയ രണ്ടാം ഘട്ടത്തില്‍; കളം ന ...
  • 30/10/2024
പാലക്കാട് കെ മുരളീധരനെ ഡിസിസി നിര്‍ദ്ദേശിച്ചിരുന്നുവെന്ന് കെ ...
  • 30/10/2024
ഉരുള്‍പൊട്ടല്‍ ദുരന്തമുണ്ടായി 3 മാസം മാത്രം, പുനരധിവാസത്തിനാ ...
  • 29/10/2024
ഗുണനിലവാരമില്ലാത്ത പെയിന്റ് നല്‍കി കബളിപ്പിച്ചു; കമ്ബനിക്ക് ...
  • 29/10/2024
മോഷണം കൊണ്ട് പൊറുതിമുട്ടിയപ്പോള്‍ വീട്ടില്‍ സിസിടിവി ക്യാമറ ...
  • 29/10/2024
പറഞ്ഞത് അഴിമതിക്കെതിരെ, എഡിഎമ്മിന് മനോവേദനയുണ്ടാക്കാൻ ഉദ്ദേശ ...
  • 29/10/2024
കൂറുമാറ്റത്തിന് 100 കോടി കോഴ; അന്വേഷിക്കാന്‍ നാലംഗ കമ്മീഷനെ ...
  • 29/10/2024
'ദിവ്യയെ കസ്റ്റഡിയിലെടുത്തത് പാര്‍ട്ടി ഗ്രാമത്തില്‍ നിന്ന്, ...
  • 29/10/2024
പ്രത്യേക സംക്ഷിപ്ത വോട്ടര്‍ പട്ടിക പുതുക്കല്‍; കരട് വോട്ടര്‍ ...
  • 29/10/2024