'ജനിമൃതികളുടെ കാവൽക്കാർ' കഥാസമാഹാരത്തിന്റെ കവർ പ്രകാശനം കുവൈറ്റിൽ നിർവഹിച്ചു

  • 15/05/2023


കുവൈറ്റ് സിറ്റി : ആഗോള മലയാളി നഴ്സുമാരുടെ കൂട്ടായ്മയായ എയിംനയുടെ ആഭിമുഖ്യത്തിൽ നഴ്സുമാരുടെ മാത്രം രചനകൾ ഉൾക്കൊള്ളിച്ചുള്ള
ലോകത്തെ ആദ്യ കഥാസമാഹാരം
ജനിമൃതികളുടെ കാവൽക്കാരുടെ കവർ പ്രകാശനം കുവൈറ്റിൽ നടന്നു. നൈറ്റിംഗേൽസ് ഓഫ് കുവൈറ്റ് നഴ്സസ് ദിനാഘോഷ വേദിയിൽ 
കിഡ്നി ഫെഡറേഷൻ ഓഫ് ഇന്ത്യ സ്ഥാപകൻ ഫാദർ ഡേവിഡ് ചിറമേൽ സാമൂഹ്യപ്രവർത്തകൻ
ബിജോയ് പാലക്കുന്നേലിന് നൽകിയാണ് പ്രകാശനം നിർവഹിച്ചത്. പുസ്തകത്തിൽ കഥകൾ എഴുതിയ കുവൈറ്റിൽ നിന്നുള്ള എഴുത്തുകാരായ സാജു സ്റ്റീഫൻ, റീനാ സാറാ വർഗീസ്, ജീനാ ഷൈജു എന്നിവർ വേദിയിൽ സന്നിഹിതരായിരുന്നു.

"ജാതിമതവർണ്ണവംശ ഭേദം നോക്കാതെ ലോകത്തിന്റെ നാനാ മൂലകളിലെ വേദനിക്കുന്നവരെയും കരയുന്നവരെയും പരിചരിക്കാനും സാന്ത്വനപ്പെടുത്താനും അവരോട് ചേർന്ന് നിൽക്കാനുമായി സ്വന്തം എന്ന് പറയാവുന്നതെല്ലാം എത്രയോ ദൂരെ ഉപേക്ഷിച്ച് സന്നിഹിതരായ ആളുകളുടെ സൃഷ്ടികൾ. അതിനാൽ നമുക്ക് ഈ കഥാസമ്പുടത്തെ താണു വീണു നമസ്കരിച്ച് സ്വാഗതം ചെയ്യാം. പാൽക്കടലിൽനിന്ന് മുക്കിയ ഏതാനും കൈക്കുമ്പിളുകൾ" എന്നാണ് അക്ഷര കുലപതി സി.രാധാകൃഷ്ണൻ തൻ്റെ അവതാരികയിൽ പുസ്തകത്തെ വിശേഷിപ്പിച്ചത്.

ആഗോള മലയാളി നഴ്സസ് കൂട്ടായ്മയുടെ സ്ഥാപകൻ സിനു ജോൺ കറ്റാനത്തിന്റെ നവീന ആശയത്തിൽ ഉരുതിരിഞ്ഞ ഒരു പദ്ധതിയായിരുന്നു 2012ൽ ആരംഭിച്ച എയിംന. നേഴ്സുമാരുടെ കലാപരമായ കഴിവുകൾ പ്രോത്സാഹിപ്പിക്കുവാനും ഒപ്പം തൊഴിൽ വിദ്യാഭ്യാസ മാർഗ്ഗനിർദ്ദേശങ്ങൾ നൽകുവാനുമായി രൂപീകൃതമായ ഈ സമൂഹമാധ്യമ കൂട്ടായ്മയിൽ നിലവിൽ മുപ്പതിലധികം രാജ്യങ്ങളിൽ നിന്നായി ഒന്നേകാൽ ലക്ഷത്തോളം അംഗങ്ങളുണ്ട്. നഴ്സുമാരുടെ മാത്രം കഥകൾ ഉൾക്കൊള്ളിച്ചുള്ള കഥാസമാഹാരം എന്നുള്ള ആശയത്തിൽ അധിഷ്ഠിതമായി വിവിധ രാജ്യങ്ങളിൽ നിന്ന് നഴ്സുമാർ അയച്ച കഥകളിൽ തെരഞ്ഞെടുത്ത 20- എണ്ണം ഉൾക്കൊള്ളിച്ചാണ് 'ജനിമൃതികളുടെ കാവൽക്കാർ' എയിംനയുടെ ആഭിമുഖ്യത്തിൽ രൂപകല്പന ചെയ്തത്. ഇതിൽ കുവൈറ്റിൽ നിന്നുള്ള മൂന്ന് രചയിതാക്കളുടെ കഥകളും ഉൾപ്പെടുത്തി.

       ജഹ്റ-2 ആശുപത്രിയിൽ നഴ്സായ സാജു സ്റ്റീഫൻ എഴുതിയ 'മുനമ്പ്' എന്ന കഥ പ്രവാസത്തിന്റെ സന്ദിഗ്തകളെയും അവസാനമില്ലാത്ത വേദനകളെയും വരച്ചു കാട്ടുന്നു. ഫഹദ് അൽ അഹമദ് ആരോഗ്യ കേന്ദ്രത്തിൽ ആരോഗ്യ കേന്ദ്രത്തിൽ ജോലി ചെയ്യുന്ന റീനാ സാറാ വർഗീസിന്റെ, 'സക്കറിയായുടെ മകൾ, സലോമ' ജീവിതത്തിന്റെ തീക്ഷ്ണവും തിക്തവുമായ അനുഭവങ്ങളിലൂടെ കടന്നുപോകുന്ന ഗ്രാമീണ ജീവിതങ്ങളുടെ നേർക്കാഴ്ചയാണ്. ഒരായുഷ്കാലത്ത് നിർവചിക്കാനാവാത്ത അസാധാരണവും വ്യത്യസ്തവുമായ ഇതിവൃത്തമാണ് അദാൻ ആശുപത്രിയിൽ നഴ്സായ ജീനാ ഷൈജു 'ശ്യാമ- എ ലിവിങ്ങ് എയ്ഞ്ചൽ' എന്ന കഥയിലൂടെ എഴുതിയിരിക്കുന്നത്.

ലോഗോസ് ബുക്ക്സ് പട്ടാമ്പിയാണ് പുസ്തകത്തിൻ്റെ പ്രസാധകർ.

Related News

പാലക്കാട് പ്രവാസി അസോസിയേഷൻ ഓഫ് കുവൈറ്റ് ബാലസമിതിയുടെ ആഭിമുഖ ...
  • 25/11/2024
ഉപതെരെഞ്ഞെടുപ്പ് വിജയം : ഒഐസിസി ആഹ്ലാദം പങ്കിട്ടു
  • 24/11/2024
അഹ്മദ് അൽ മഗ്‌രിബി കപ്പ് കെ.കെ.എം.എ അഖിലേന്ത്യാ സെവൻസ് പ്രീമ ...
  • 24/11/2024
'തംകീൻ-2024' മഹാ സമ്മേളനത്തിന് പ്രൗഢമായ സമാപനം
  • 23/11/2024
സ്പന്ദനം കുവൈത്ത് ഭാരവാഹികൾ
  • 23/11/2024
തിരുവല്ല പ്രവാസി അസോസിയേഷൻ ഫാമിലി പിക്കിനിക്കിന്റെ ഫ്‌ളൈയർ ...
  • 22/11/2024
ഡോ. യൂഹാനോൻ മാർ മിലിത്തിയോസ്‌ മെത്രാപ്പോലിത്തായ്ക്ക്‌ സ്വീകര ...
  • 22/11/2024
കെ.എം ഷാജിക്ക് കുവൈത്ത് കെഎംസിസി സ്വീകരണം നൽകി
  • 20/11/2024
കുവൈത്ത് കെഎംസിസി 'തംകീൻ-24' നവംബർ 22 ന്
  • 19/11/2024
19-ാമത് ഗര്‍ഷോം രാജ്യാന്തര പുരസ്കാര വിതരണം അർമേനിയയിൽ, കുവൈത ...
  • 19/11/2024
അൽ തൈസീർ ഖുർആൻ പഠിതാക്കളുടെ സംഗമം സംഘടിപ്പിച്ചു
  • 19/11/2024
തനിമ കുവൈത്ത്‌ - 18ആം ദേശീയ വടംവലി മത്സരവും പേൾ ഓഫ്‌ ദി സ്കൂ ...
  • 19/11/2024