കുവൈറ്റ് സെന്റ് ഗ്രീഗോറിയോസ് ഓർത്തഡോക്സ് യുവജന പ്രസ്ഥാനത്തിന്റെ പ്രവർത്തനോത്ഘാടനം നിർവ്വഹിച്ചു

  • 19/05/2023



സെന്റ് ഗ്രീഗോറിയോസ് ഓർത്തഡോക്സ് ക്രൈസ്തവ യുവജനപ്രസ്ഥാനത്തിന്റെ 2023-24 വർഷത്തെ പ്രവർത്തനോത്ഘാടനവും, വർണ്ണോത്സവ് ചിത്ര രചനാ മൽസരവും അബ്ബാസിയ സെന്റ് ബസേലിയോസ് ചാപ്പലിൽ വെച്ച് നടന്നു. യുവജനപ്രസ്ഥാനത്തിന്റെ പതാക ഉയർത്തികൊണ്ട് ആരംഭിച്ച പരിപാടികളുടെ ഉത്ഘാടനം കിഡ്നി ഫൗണ്ടേഷൻ ഓഫ് ഇന്ത്യയുടെ ചെയർമാൻ ഫാ. ഡേവിസ് ചിറമേൽ ഭദ്രദീപം തെളിയിച്ചു കൊണ്ട് നിർവ്വഹിച്ചു. കുവൈറ്റ് മഹാ ഇടവക വികാരിയും യുവജനപ്രസ്ഥാനം യൂണിറ്റ് പ്രസിഡണ്ടുമായ ഫാ. ഡോ. ബിജു ജോർജ് പാറയ്ക്കൽ അദ്ധ്യക്ഷത വഹിച്ച ചടങ്ങിൽ യുവജനപ്രസ്ഥാനം കേന്ദ്ര കമ്മിറ്റിയംഗവും, യൂണിറ്റ് സെക്രട്ടറിയുമായ ദീപ് ജോൺ സ്വാഗതവും, ലേ-വൈസ് പ്രസിഡന്‌റ് ജോബി ജോൺ കളീക്കൽ നന്ദിയും രേഖപ്പെടുത്തി. 

മഹാ ഇടവക സഹവികാരിയും, പ്രസ്ഥാനത്തിന്റെ വൈസ് പ്രസിഡണ്ടുമായ ഫാ. ലിജു കെ. പൊന്നച്ചൻ, ഇടവക ട്രസ്റ്റി ജോജി പി. ജോൺ, സെക്രട്ടറി ജിജു പി. സൈമൺ, സഭാ മാനേജിംഗ് കമ്മിറ്റിയംഗം തോമസ് കുരുവിള, ഭദ്രാസന കൗൺസിലംഗം ദീപക് അലക്സ് പണിക്കർ, പ്രസ്ഥാനത്തിന്റെ കുവൈറ്റ് സോണൽ സെക്രട്ടറി സോജി വർഗ്ഗീസ്, യൂണിറ്റ് മുൻ സെക്രട്ടറിയും, സോണൽ പ്രതിനിധിയുമായ ജോമോൻ ജോർജ്ജ് എന്നിവർ ആശംസകൾ അറിയിച്ചു.

കാലം ചെയ്ത ഭാഗ്യസ്മരണാർഹനായ സഭാരത്നം ഡോ. ഗീവർഗീസ് മാർ ഒസ്താത്തിയോസ് തിരുമേനി സ്ഥാപിച്ച, സെന്റ് തോമസ് ഓർത്തഡോക്സ് മിഷൻ സെന്ററിന്റെ ജീവകാരുണ്യ പദ്ധതിയായ വിധവാ പെൻഷൻ സഹായ നിധി ഏറ്റെടുത്ത് നടത്തുന്നതിന്‌റെ ഭാഗമായി അതിന്‌റെ ആദ്യ ഗഡു ട്രഷറാർ ജോമോൻ കളീക്കലിൽ നിന്നും പ്രസിഡണ്ട് ഫാ. ഡോ. ബിജു പാറയ്ക്കൽ ഏറ്റുവാങ്ങി.

അന്തർദേശിയ നേഴ്സസ് ദിനാചരണത്തിന്റെ ഭാഗമായി ഇടവകയിലെ ആതുര സേവന രംഗത്ത് സാന്ത്വന ശുശ്രൂഷ നിർവഹിക്കുന്നവരെ ചടങ്ങിൽ ആദരിക്കുകയും, തുടർന്ന് ഇടവകാംഗങ്ങളായ മുതിർന്നവർക്കും, കുട്ടികൾക്കുമായി വർണ്ണോത്സവ് എന്ന പേരിൽ സംഘടിപ്പിച്ച ചിത്രരചനാ മൽസരത്തിന്റെ ക്രമീകരണങ്ങൾക്ക് പ്രശസ്ത കലാകാരനായ സുനിൽ കുളനട നേതൃത്വം നൽകി.

യുവജനപ്രസ്ഥാനത്തിൽ പുതിയതായി അംഗത്വമെടുത്തവരെ ഫാ. ബിജു ജോർജ്ജ് പാറക്കൽ, ഫാ. ലിജു കെ പൊന്നച്ചൻ എന്നിവർ ചേർന്ന് സ്വീകരിച്ചു. പ്രസ്ഥാനം ഭാരവാഹികളായ ഷൈൻ ജോസഫ് സാം, അനു ഷെൽവി, സുമോദ് മാത്യൂ എന്നിവർ പരിപാടികൾക്ക് നേതൃത്വം നൽകി.

Related News

പാലക്കാട് പ്രവാസി അസോസിയേഷൻ ഓഫ് കുവൈറ്റ് ബാലസമിതിയുടെ ആഭിമുഖ ...
  • 25/11/2024
ഉപതെരെഞ്ഞെടുപ്പ് വിജയം : ഒഐസിസി ആഹ്ലാദം പങ്കിട്ടു
  • 24/11/2024
അഹ്മദ് അൽ മഗ്‌രിബി കപ്പ് കെ.കെ.എം.എ അഖിലേന്ത്യാ സെവൻസ് പ്രീമ ...
  • 24/11/2024
'തംകീൻ-2024' മഹാ സമ്മേളനത്തിന് പ്രൗഢമായ സമാപനം
  • 23/11/2024
സ്പന്ദനം കുവൈത്ത് ഭാരവാഹികൾ
  • 23/11/2024
തിരുവല്ല പ്രവാസി അസോസിയേഷൻ ഫാമിലി പിക്കിനിക്കിന്റെ ഫ്‌ളൈയർ ...
  • 22/11/2024
ഡോ. യൂഹാനോൻ മാർ മിലിത്തിയോസ്‌ മെത്രാപ്പോലിത്തായ്ക്ക്‌ സ്വീകര ...
  • 22/11/2024
കെ.എം ഷാജിക്ക് കുവൈത്ത് കെഎംസിസി സ്വീകരണം നൽകി
  • 20/11/2024
കുവൈത്ത് കെഎംസിസി 'തംകീൻ-24' നവംബർ 22 ന്
  • 19/11/2024
19-ാമത് ഗര്‍ഷോം രാജ്യാന്തര പുരസ്കാര വിതരണം അർമേനിയയിൽ, കുവൈത ...
  • 19/11/2024
അൽ തൈസീർ ഖുർആൻ പഠിതാക്കളുടെ സംഗമം സംഘടിപ്പിച്ചു
  • 19/11/2024
തനിമ കുവൈത്ത്‌ - 18ആം ദേശീയ വടംവലി മത്സരവും പേൾ ഓഫ്‌ ദി സ്കൂ ...
  • 19/11/2024