എഡ്യൂക്കേഷണൽ ആൻഡ് ചാരിറ്റബിൾ ട്രസ്റ്റ് ഓഫ് സാരഥി കുവൈറ്റ് 17- മത് വാർഷിക പൊതുയോഗം സംഘടിപ്പിച്ചു

  • 28/05/2023



എഡ്യൂക്കേഷണൽ ആൻഡ് ചാരിറ്റബിൾ ട്രസ്റ്റ് ഓഫ് സാരഥി കുവൈറ്റ് 2022 - 2023 പ്രവർത്തന വർഷത്തെ വാർഷിക യോഗം 2023 മെയ് 26 നു അബ്ബാസിയ ആർട്സ് സർക്കിൾ ഹാളിൽ വെച്ച് നടത്തുകയുണ്ടായി. 
ലോകത്തിന്റെ വിവിധ ഭാഗങ്ങളിൽ ഉള്ള അംഗങ്ങൾക്ക് പങ്കെടുക്കുവാനായി ഓൺലൈൻ സൗകര്യം ഒരുക്കിയിരുന്നു.

ട്രസ്റ്റ് ചെയർമാൻ ശ്രീ എൻ എസ് ജയകുമാറിന്റെ അദ്ധ്യക്ഷതയിൽ നടന്ന യോഗം സാരഥി വൈസ് പ്രസിഡന്റ് ശ്രീ ബിജു ഗംഗാധരൻ ഉദ്ഘാടനം ചെയ്തു. സാരഥി ട്രസ്റ്റിന്റെ വിദ്യാഭ്യാസ സ്ഥാപനമായ സാരഥി സെൻറർ ഫോർ എക്സലൻസ് (SCFE) ൻറെ പ്രവർത്തനങ്ങൾ വ്യാപിപ്പിക്കുന്നതിനായി കൂടുതൽ ബ്രാഞ്ചുകൾ തുടങ്ങുവാൻ സമയമായി എന്നും, കൂടുതൽ കോഴ്സുകൾ ആരംഭിക്കേണ്ടതിന്റെ ആവശ്യകതയും അദ്ദേഹം ഊന്നിപ്പറഞ്ഞു.

 SCFE academy യിലെ സൂക്ഷ്മതയേറിയ പരിശീലനത്താൽ 160 ൽ പരം ഉദ്യോഗാർത്ഥികൾക്ക് തങ്ങളുടെ സ്വപ്ന ജോലി ലഭിച്ചതിലൂടെ അവരുടെ കുടുംബങ്ങൾ സാമൂഹികമായും സാമ്പത്തികമായും ഉന്നതിയിലെത്തിയതായി സാരഥി ട്രസ്റ്റ് ചെയർമാൻ പറഞ്ഞു. സ്വന്തമായ ഒബ്സ്റ്റക്കിൾ ട്രെയിനിംഗ് സൗകര്യമുള്ള SCFE academy കേരളത്തിലെ അപൂർവ്വസ്ഥാപനങ്ങളിൽ ഒന്നാണെന്ന കാര്യവും അദ്ദേഹം പങ്കു വച്ചു. 

കേരളാ ഗവൺമെന്റിന്റെ ASAP അക്രഡിറ്റേഷൻ ഉള്ള SCFE, പ്രവാസികൾക്കായി ഓൺലൈൻ കോഴ്സുകളായ സൈബർ സെക്യൂരിറ്റി, MS ഓഫീസ്,
ലൈഫ് സ്കിൽ ഡെവലപ്മെൻറ് 
എന്നിവ കൂടാതെ NEET/JEE/KEEM/NDA/MNS കോമ്പോ കോഴ്സുകൾ, SSB ഇന്റർവ്യൂ, ഇന്ത്യൻ പ്രതിരോധ മേഖലയിലെ വിവിധ തസ്തികകളിലേക്ക് 
വിദ്യാർഥികൾക്കു വേണ്ട പരിശീലനവും കോച്ചിംഗും നടത്തി വരുന്നു.
ഇതോടൊപ്പം SCFE പഠിതാക്കൾക്കായി സാരഥി കുവൈറ്റ് നീക്കി വച്ചിട്ടുള്ള 50 ലക്ഷം രൂപയുടെ സ്കോളർഷിപ്പ് പദ്ധതിയിലൂടെ, സാമ്പത്തിക ബുദ്ധിമുട്ടനുഭവിക്കുന്നവർക്ക് അവസരം നൽകുന്നു.

എൻട്രൻസ് എക്സാമിന് തയ്യാറെടുക്കുന്നർക്കുവേണ്ടി 24/7 അദ്ധ്യാപകരുടെ സേവനം നേരിട്ട് ലഭിക്കുന്ന ഒരു ഓൺലൈൻ ആപ്ലിക്കേഷൻ SCFE യിലൂടെ ഒരുക്കിയിട്ടുമുണ്ട്.
 
സാരഥി കുവൈറ്റ് വനിതാവേദി ചെയർപേഴ്സൺ ശ്രീമതി പ്രീതി പ്രശാന്ത് ഭദ്രദീപം കൊളുത്തി, കുമാരി ഇർഷാ കരളത്ത്, കുമാരി ലിയാ കരളത്ത് എന്നിവരുടെ ദൈവദശക ആലാപനത്തോടെ ആരംഭിച്ച ചടങ്ങിന് ട്രസ്റ്റ് ജോയിന്റ് സെക്രട്ടറി ശ്രീ മുരുകദാസ് സ്വാഗതവും, അനുശോചന പ്രമേയം ശ്രീ ബിനു എം കെ യും അവതരിപ്പിച്ചു.

2022-23 ട്രസ്റ്റ് പ്രവർത്തനത്തിന്റെ വാർഷിക റിപ്പോർട്ടു സെക്രട്ടറി ശ്രീ ജിതിൻ ദാസും, സാമ്പത്തിക റിപ്പോർട്ട് ട്രസ്റ്റ് ട്രെഷറർ ശ്രീ ലിവിൻ രാമചന്ദ്രനും അവതരിപ്പിച്ചു അംഗീകാരം നേടി .

സാരഥി സെന്റർ ഫോർ എക്സലൻസിന്റെ (SCFE) സുഗമമായ നടത്തിപ്പിന് വേണ്ടിയുള്ള നാട്ടിലെ പ്രവർത്തനങ്ങൾക്ക് നേതൃത്വം നൽകുന്ന മാനേജർ ശ്രീ വിനീത്, അസിസ്റ്റന്റ് മാനേജർ ശ്രീമതി സജീന പി , കായിക അധ്യാപകൻ ശ്രീ പ്രതാപൻ, കുമാരി ശ്രുതി സതീശൻ എന്നിവർക്ക് മൊമെന്റോ നൽകി ആദരിച്ചു.

കുവൈറ്റിൽ സാരഥി ട്രസ്റ്റ് സംഘടിപ്പിച്ച "Sparkle 2023 " എന്ന കുട്ടികൾക്കായുള്ള ദ്വൈദിന ക്യാമ്പ് വിജയകരമായി കോർഡിനേറ്റ് ചെയ്ത ശ്രീ ഷനൂബ് ശേഖർ, ശ്രീമതി നിഷ ദിലീപ് കൂടാതെ SCFE വിജയകരമായി കുവൈറ്റിൽ നടത്തിവരുന്ന വിവിധ ക്ലാസുകൾ എടുക്കുന്ന ശ്രീ ജയൻ സദാശിവൻ, ശ്രീമതി ലിനി ജയൻ, ശ്രീ ഷനൂബ് ശേഖർ എന്നിവർക്കുള്ള ആശംസാഫലകവും നൽകുകയുണ്ടായി.

സാരഥി കുവൈറ്റിന്റെ 24-മത് വാർഷിക ആഘോഷമായ സാരഥീയം-2023 ന്റെ ആദ്യ ഫ്ലയർ സാരഥിയുടെ വാർഷിക സ്പോൺസർ ആയ BEC യുടെ മാർക്കറ്റിംഗ് മാനേജർ ശ്രീ രാമദാസ് നായർക്ക് സാരഥി വൈസ് പ്രസിഡന്റും പ്രോഗ്രാം ജനറൽ കൺവീനർ സുരേഷ് ബാബുവും ചേർന്ന് കൈമാറി.

വാർഷിക പൊതുയോഗത്തിനു പ്രസീഡിയം ആയി പ്രവർത്തിച്ചത് ശ്രീ സജീവ് നാരായണൻ, ശ്രീ സുരേഷ് വെള്ളാപ്പളളി, ശ്രീ സജീവ് കുമാർ എന്നിവരാണ്. ട്രസ്റ്റ് ട്രെഷറർ ശ്രീ ലിവിൻ രാമചന്ദ്രൻ 2023 - 2024 പ്രവർത്തന വർഷത്തേക്കുള്ള ഓഡിറ്റർമാരെ യോഗത്തിൽ അവതരിപ്പിച്ചു അംഗീകാരം നേടി, തുടർന്ന് ട്രസ്റ്റ് ജോയിന്റ് ട്രെഷറർ ശ്രീ ബിനു എം കെ നന്ദി പ്രകാശിപ്പിക്കുകയും ചെയ്തു.

സാരഥി ജനറൽ സെക്രട്ടറി ജയൻ സദാശിവൻ, സാരഥി ട്രഷറർ ശ്രീ ദിനു കമൽ, ശ്രീ അരുൺ സത്യൻ, അജി കുട്ടപ്പൻ, സൈജു ചന്ദ്രൻ, ബിജു എം പി, അശ്വിൻ, ജിക്കി സത്യദാസ്, ശ്രീമതിമാരായ പൗർണമി സംഗീത്, ആശ ജയകൃഷ്ണൻ, അനില ശ്രീനിവാസൻ, മാസ്റ്റർ അഭിരാം അജി എന്നിവർ പരിപാടിക്ക് വേണ്ട പിന്തുണ നൽകി സഹായിച്ചു.

Related News

ജേഴ്‌സി പ്രകാശനം ചെയ്തു
  • 26/04/2024
കുവൈറ്റ് വയനാട് അസോസിസേഷൻ പിക്നിക് സംഘടിപ്പിച്ചു
  • 26/04/2024
ഗ്രാൻഡ് ഹൈപ്പർമാർക്കറ്റിൻ്റെ ജലീബ് ഔട്ട്‌ലെറ്റിൽ ഇനി കൂടുതൽ ...
  • 25/04/2024
കുവൈത്ത് കെഎം.സി.സി. കണ്ണൂർ ജില്ലാകാമ്മിറ്റിയൊരുക്കിയ വോട്ട് ...
  • 25/04/2024
കുവൈത്ത് കെഎംസിസി മലപ്പുറം ; തിരഞ്ഞെടുപ്പ് കലാശക്കൊട്ട്
  • 24/04/2024
ഓവർസീസ് എൻ.സി. പി. ലോകസഭ തിരഞ്ഞെടുപ്പ് കൺവെൻഷൻ സംഘടിപ്പിച്ചു
  • 24/04/2024
കുവൈറ്റ് എലത്തൂർ അസ്സോസിയേഷൻ സ്നേഹ സംഗമം 2024 സംഘടിപ്പിച്ചു.
  • 23/04/2024
കുടുംബ സംഗമവും യാത്രയയപ്പ് സമ്മേളനവും സംഘടിപ്പിച്ചു
  • 23/04/2024
ആലപ്പുഴ ജില്ല പ്രവാസി അസോസിയേഷൻ കുവൈറ്റ് (അജ്പക്) തോമസ് ചാണ് ...
  • 23/04/2024
43-മത് ക്വുർആൻ വിജ്ഞാന പരീക്ഷ സംഘടിപ്പിക്കുന്നു
  • 22/04/2024
കെ എൽ കുവൈറ്റിന്റെ കരുതൽ: രണ്ട് സഹോദരിമാർ നാടണഞ്ഞു.
  • 22/04/2024
കുടുംബ സംഗമവും യാത്രയയപ്പ് സമ്മേളനവും സംഘടിപ്പിച്ചു
  • 22/04/2024