ശരീഅത്ത് കാലഹരണപ്പെടാത്ത ജീവിതദർശനം: കെ.കെ.ഐ.സി. ഫഹാഹീൽ സോൺ സമ്മേളനം

  • 15/08/2023


ജീവിതത്തിന്റെ നിഖിലമേഖലകളിലും സുസ്ഥിതി ഉറപ്പുവരുത്താൻ സാധിക്കുന്ന സമഗ്രവും സാർവകാലികവുമായ ജീവിതദർശനമാണ് ഇസ്ലാമികശരീഅത്തെന്നും ശരീഅത്ത് പരിഷ്കരണമല്ല അതിൻറെ ശരിയായ പ്രയോഗവൽകരണമാണ് ആധുനികകാലത്തിന്റെതേട്ടമെന്നും കുവൈത്ത് കേരള ഇസ്ലാഹീ സെൻറർ ഫഹാഹീൽ സോൺ സംഗമം അഭിപ്രായപ്പെട്ടു. 

വിവാഹം, അനന്തരാവകാശം, ശിക്ഷാവിധികൾ എന്നിവയിലൊതുങ്ങുന്നതല്ല, മറിച്ച് വ്യക്തി, കുടുംബം, സമൂഹം, രാഷ്ട്രം എന്നിങ്ങനെ നാനാതലങ്ങളിൽ ജീവിതത്തിൻ്റെ സകല കർമമണ്ഡങ്ങ ളുമായും സംവദിക്കുന്നതാണ് ശരീഅത്ത് നിയമങ്ങൾ. മനുഷ്യൻ്റെ പ്രകൃതവും വ്യക്തിയുടെ ആവശ്യങ്ങളും സമൂഹത്തിൻ്റെ പൊതുനന്മയും പരിഗണിച്ചുള്ള ദൈവികനിയമങ്ങളായതിനാൽ അത് നിത്യപ്രസക്തമാണ്. 

അടിസ്ഥാനതത്വങ്ങളിൽനിന്ന് വ്യതിചലിക്കാതെ പുതിയ സമസ്യകളെ അഭിമുഖീകരിക്കാനും പരിഹരിക്കാനും സാധിക്കുംവിധമാണ് ശരീഅത്തിൻ്റെ നിയമഘടനയുള്ളത്. 

ശരീഅത്തിൻ്റെ പ്രയോഗപൂർണത വിശ്വാസബന്ധിതമാണ്. എന്നാൽ അതിൻ്റെ തത്വങ്ങളും മൂല്യങ്ങളും നടപ്പാക്കുക വഴി ഏതൊരു സമൂഹത്തിനും സുരക്ഷയും ക്ഷേമവും സ്വായത്തമാക്കാൻ സാധിക്കുമെന്ന് ശരീഅത്തും ആധുനികസമൂഹവും എന്ന പാനൽ ഡിസ്കഷനിൽ പങ്കെടുത്തു കൊണ്ട് പ്രഭാഷകർ വിശദീകരിച്ചു.  

ഫഹാഹീൽ സൂഖ് സബാഹിലെ ഫഹാഹീൽ ഓഡിറ്റോറിയത്തിൽ സംഘടിപ്പിച്ച സംഗമം കെ.കെ.ഐ.സി. ജനറൽ സെക്രട്ടറി സുനാഷ് ശുകൂർ ഉദ്ഘാടനം ചെയ്തു. പി.എൻ. അബ്ദുറഹ്മാൻ, അബ്ദുസ്സലാം സലാഹി, കെ.സി. നജീബ്, അശ്റഫ് എകരൂൽ, അബ്ദുറഹ്മാൻ തങ്ങൾ എന്നിവർ ചർച്ചയിൽ പങ്കെടുത്ത് സംസാരിച്ചു. 

ഫഹാഹീൽ സോൺ പ്രസിഡൻറ് അബൂബക്കർ കോയ അധ്യക്ഷത വഹിച്ചു. സോൺ ജനറൽ സെക്രട്ടറി അൻവർ കാളികാവ് സ്വാഗതവും ഫഹാഹീൽ യൂണിറ്റ് ജനറൽ സെക്രട്ടറി തൻവീർ നന്ദിയും പറഞ്ഞു.

Related News

ഉപതെരെഞ്ഞെടുപ്പ് വിജയം : ഒഐസിസി ആഹ്ലാദം പങ്കിട്ടു
  • 24/11/2024
അഹ്മദ് അൽ മഗ്‌രിബി കപ്പ് കെ.കെ.എം.എ അഖിലേന്ത്യാ സെവൻസ് പ്രീമ ...
  • 24/11/2024
'തംകീൻ-2024' മഹാ സമ്മേളനത്തിന് പ്രൗഢമായ സമാപനം
  • 23/11/2024
സ്പന്ദനം കുവൈത്ത് ഭാരവാഹികൾ
  • 23/11/2024
തിരുവല്ല പ്രവാസി അസോസിയേഷൻ ഫാമിലി പിക്കിനിക്കിന്റെ ഫ്‌ളൈയർ ...
  • 22/11/2024
ഡോ. യൂഹാനോൻ മാർ മിലിത്തിയോസ്‌ മെത്രാപ്പോലിത്തായ്ക്ക്‌ സ്വീകര ...
  • 22/11/2024
കെ.എം ഷാജിക്ക് കുവൈത്ത് കെഎംസിസി സ്വീകരണം നൽകി
  • 20/11/2024
കുവൈത്ത് കെഎംസിസി 'തംകീൻ-24' നവംബർ 22 ന്
  • 19/11/2024
19-ാമത് ഗര്‍ഷോം രാജ്യാന്തര പുരസ്കാര വിതരണം അർമേനിയയിൽ, കുവൈത ...
  • 19/11/2024
അൽ തൈസീർ ഖുർആൻ പഠിതാക്കളുടെ സംഗമം സംഘടിപ്പിച്ചു
  • 19/11/2024
തനിമ കുവൈത്ത്‌ - 18ആം ദേശീയ വടംവലി മത്സരവും പേൾ ഓഫ്‌ ദി സ്കൂ ...
  • 19/11/2024
പ്രതീക്ഷ ഇന്ത്യൻ അസോസിയേഷൻ ഓണനിലാവ് 2024 സംഘടിപ്പിച്ചു
  • 18/11/2024