ഇന്നോവറ്റീവ് ഇന്റർനാഷണൽ കെഫാക് സോക്കർ ലീഗ് മത്സരങ്ങൾ ഓഗസ്റ്റ് 18നു വെള്ളിയാഴ്ച ആരംഭിക്കും

  • 17/08/2023

വിരസമായ പ്രവാസി ഒഴിവു ദിനങ്ങൾ ഫുട്ബോൾ എന്ന എന്ന ലോക കായിക വിനോദത്തിലൂടെ വർണ്ണാഭമാക്കുക എന്ന ലക്ഷ്യത്തോടെ 2012ൽ ഏതാനും മലയാളീ ഫുട്ബോൾ ക്ലബ്ബ്കളും കൂട്ടായ്മകളും ചേർന്ന് രൂപീകരിച്ച KERALA EXPATS FOOTBALL ASSOCIATION KUWAIT (KEFAK) ഇന്ന് ഫുട്ബാളിനപ്പുറമുള്ള വാതായനങ്ങൾ തുറന്നിട്ട് കൊണ്ട് ആയിരത്തോളം വരുന്ന കളിക്കാരുടെയും മറ്റു അംഗങ്ങളുടെയും പ്രതീക്ഷകളുടെയും ആഷാഭിലാഷങ്ങളുടെയും സംഗമ വേദിയാണ്. ഗൾഫ് മേഖലയിൽ തന്നെ ഒരു വര്ഷത്തോളം നീണ്ടു നിൽക്കുന്ന വൈവിധ്യമാർന്ന ഫുട്ബോൾ മത്സരങ്ങൾ കഴിഞ്ഞ പത്തു വർഷമായി നടത്തുന്ന ഏക പ്രവാസി കൂട്ടായ്മ എന്നതും കേഫാക്കിന്റെ മാത്രം പ്രത്യേകത ആണ്. 18 അഫിലിയേറ്റഡ് ക്ലബുകളുടെ 36 ടീമുകളാണ് സോക്കർ ലീഗ്‌ , മാസ്റ്റേഴ്സ് ലീഗ് മത്സരങ്ങളിൽ 1000-ൽ അധികം കളിക്കാരാണ് ഓരോ വർഷവും കേഫാക്കിന്റെ കീഴിൽ അണി നിരക്കുന്നത്. ഇന്ത്യയിലും കേരളത്തിലും ഫുട്ബോൾ മേഖലയിൽ പ്രവർത്തിച്ചു കഴിവ് തെളിയിച്ച പ്രവാസ ജീവിതം നയിക്കുന്ന ഫുട്ബോൾ ആവേശം കെടാതെ സൂക്ഷിക്കുന്നവരാണ് ഈ കൂട്ടായ്മയുടെ ചുക്കാൻ പിടിക്കുന്നത് .

ജീവിത ഭാരം പേറി പ്രവാസത്തിലേക്കു കാലെടുത്തു വച്ച ഫുട്ബാളിനെ ജീവന് തുല്യം സ്നേഹിക്കുന്ന നിരവധി ഫുട്ബാൾ പ്രതിഭകളും ആരാധകരും കേഫാക്കിലൂടെ തങ്ങളുടെ ഫുട്ബോൾ വീര്യം ഒട്ടും കുറയാതെ നിലനിർത്തുന്നു.. കാര്യക്ഷമമായി പ്രവർത്തിക്കുന്ന 18 അഫിലിയേറ്റഡ് ക്ലബ്ബ് പ്രതിനിധികൾ അടങ്ങുന്ന മാനേജിങ് കമ്മിറ്റി നയിക്കുന്ന കെട്ടുറപ്പുള്ള സംഘടനാ പിൻബലമാണ് വര്ഷങ്ങളായി കേഫാക്കിനെ മുന്നോട്ട് നയിക്കുന്ന ചാലക ശക്തി. 

ഐ.എം വിജയൻ , മുഹമ്മദ് റാഫി , അനസ് എടത്തൊടിക , തുടങ്ങിയ ഇന്ത്യൻ ഫുട്ബോൾ താരങ്ങൾ മുതൽ കേരളത്തിലെയും കുവൈത്തിലെയും രാഷ്ട്രീയ, സാമൂഹിക സാംസ്‌കാരിക കലാ മേഖലകളിൽ പ്രവര്ത്തിക്കുന്ന പ്രമുഖരുടെ ഒരു നീണ്ട നിര തന്നെ കഴിഞ്ഞ ഒരു പതിറ്റാണ്ട് കാലയളവിൽ അതിഥികളായി കേഫാക്കിന്റെ മത്സര വേദികളിൽ തങ്ങളുടെ സാന്നിധ്യമറിയിച്ചിരുന്നു. 

മത്സരങ്ങളുടെ നടത്തിപ്പുമായി ബന്ധപ്പെട്ടു ഓരോ വർഷവും വൻ സാമ്പത്തിക ചെലവ് വരുന്ന കേഫാക്കിന് ജീവൻ നൽകുന്നത് ഫുട്ബോളിനെ ഇഷ്ട്ടപ്പെടുന്ന കുവൈത്തിലെ വിവിധ ബിസിനസ്സ് മേഖലകളിൽ പ്രവർത്തിക്കുന്ന സ്ഥാപനങ്ങളും 18 അഫിലിയേറ്റഡ് ക്ലബ്ബുകളുമാണ്. 

കേഫാക് തന്നെ രൂപീകരിച്ച അൻപതിലധികം വരുന്ന പരിശീലനം സിദ്ധിച്ച കേഫാക് റഫറീസ് പാനൽ ആണ് ഓരോ വർഷവും നടത്തപ്പെടുന്ന 350 ൽ അധികം വരുന്ന മത്സരങ്ങൾ നിയന്ത്രിക്കുന്നത്. 

കേഫാക്കിന്റെ പത്താം വാർഷികത്തോടനുബന്ധിച്ചു നാട്ടിൽ നിന്നുള്ള സിനിമ താരങ്ങൾ, മറ്റു പ്രമുഖ വ്യക്തിത്വങ്ങൾ എന്നിവരെ പങ്കെടുപ്പിച്ചു കൊണ്ട് 2024 മെയ് 31 നു മുമ്പ് മെഗാ ഇവന്റും നടത്തുന്നുണ്ട്.

18/06/2023 വെള്ളിയാഴ്ച്ച വൈകുന്നേരം 4 .30 മുതൽ കേഫാക് ലീഗ് മത്സരങ്ങളുടെ സ്ഥിരം വേദിയായ മിശ്രിഫിലെ PUBLIC AUTHORITY FOR SPORTS ഗ്രൗണ്ടിൽ വെച്ച് 2023 -24 കേഫാക് ലീഗിന് തുടക്കം കുറിക്കും. 

കുവൈത്തിലെ 6 പ്രമുഖ സ്കൂൾ ടീമുകളെ പങ്കെടുപ്പിച്ചു നടത്തുന്ന U-19 INTER-SCHOOL FOOTBALL TOURNAMENT ഈ വർഷത്തെ ഉത്ഘാടന ചടങ്ങിന്റെ മുഖ്യ ആകർഷണമായിരിക്കും.

കുവൈത്തിലെ പ്രമുഖ സംഘടനാ പ്രതിനിധികൾ , ഇന്ത്യൻ എംബസ്സി പ്രതിനിധികൾ എന്നിവർ ഉത്ഘാടന ചടങ്ങിൽ സംബന്ധിക്കും.

പ്രമുഖരായ ഇന്നോവറ്റീവ് ഇന്റർനാഷണൽ ഗ്രൂപ്പ്‌ കുവൈത്ത് ആണ് 2023-24 സീസണിലെ മുഖ്യ സ്പോൺസർമാർ.

Managing Committee,
Kerala Expats Association Kuwait (KUWAIT)

Related News

കല കുവൈറ്റ്‌ സംഘടിപ്പിക്കുന്ന സ. ഇ കെ നായനാർ അനുസ്മരണ സമ്മേള ...
  • 13/05/2024
മലപ്പുറം ജില്ലാ അസോസിയേഷൻ കുവൈറ്റ് ഏഴാം വാർഷികം - ഫിനിക്സ് മ ...
  • 13/05/2024
എയർ ഇന്ത്യാ എക്സ്പ്രസ്സ്; യാത്രക്കാർക്ക് നിയമ സഹായം ലഭ്യമാക് ...
  • 13/05/2024
ഫോക്ക് നിർമ്മിച്ചു നൽകിയ കുഴൽ കിണറുകളുടെ ഔദ്യോഗിക കൈമാറ്റ ചട ...
  • 11/05/2024
അബ്ദുൽ റഹ്മാൻ പുഞ്ചിരിക്ക് ഒഐസിസി കുവൈറ്റ് ആലപ്പുഴ ജില്ലാ കമ ...
  • 11/05/2024
ലീവിന് നാട്ടിൽ പോയ കുവൈറ്റ് പ്രവാസി അപകടത്തിൽ മരണപ്പെട്ടു
  • 10/05/2024
ഇന്ത്യന്‍ നഴ്‌സുമാരുടെ കൂട്ടായമ(NOK) 'നൈറ്റിംഗ്ഗേല്‍സ് ഗാല 2 ...
  • 09/05/2024
കെ.എഫ്.സി.ൽ സീസൺ 10 ൽ ടീം കണ്ണൂർ ക്രിക്കറ്റ്‌ ക്ലബ്‌ കൂവൈത്ത ...
  • 09/05/2024
ട്രാക്ക് സാമ്പത്തിക സഹായം കൈമാറി
  • 07/05/2024
കെ . കെ. ഐ.സി ത്രിദിന ഇസ് ലാമിക്‌ റെസിഡൻഷൽ പഠനക്യാമ്പ് സംഘടി ...
  • 07/05/2024
കാഴ്ച്ചകാരുടെ മനം കവർന്ന സർഗോത്സവ വേദിയായി ബാലകലാമേള 2024
  • 07/05/2024
കായംകുളം NRIs-ന്‍റെ ഇരുപതാം വാർഷികത്തിൽ സൂര്യാ കൃഷ്‍ണമൂർത്തി ...
  • 06/05/2024