ഓണപ്പൊലിമ-2023 ആഘോഷമാക്കി ഒ.ഐ.സി.സി കുവൈത്ത്

  • 01/10/2023

 

കുവൈറ്റ്‌ സിറ്റി: അബ്ബാസിയ ഇന്ത്യൻ സെൻട്രൽ സ്കൂൾ അങ്കണം തിങ്ങിനിറഞ്ഞ കാണികളെ സാക്ഷികളാക്കി ഓവർസീസ് ഇന്ത്യൻ കൾചറൽ കോൺഗ്രസ് (ഒഐസിസി) നാഷനൽ കമ്മിറ്റിയുടെ ഓണപ്പൊലിമ-2023 കണ്ണിനും കാതിനും കുളിർമയായി. 

പ്രസിഡൻറ് വർഗീസ് പുതുക്കുളങ്ങരയുടെ അധ്യക്ഷതയിൽ നടന്ന സാംസ്കാരിക സമ്മേളനം തൃക്കാക്കര എം എൽ എ ഉമാ തോമസ് ഉദ്ഘാടനം ചെയ്തു. മലയാളത്തനിമ പൂർണാർഥത്തിൽ നിലനിൽക്കുന്നത് വിദേശങ്ങളിലാണെന്ന് അവർ പറഞ്ഞു. പിറന്ന മണ്ണിനും വളർന്ന സംസ്കാരത്തിനും വില കൽപിക്കുന്നവരാണ് പ്രവാസികൾ. അത്തരം മനോഭാവമാണ് പ്രവാസ ലോകത്തും മലയാളത്തിൻറെ ഉത്സവങ്ങൾ ആവേശപൂർവം കൊണ്ടാടപ്പെടുന്നതിൻറെ കാരണമെന്നും ഉമാ തോമസ് പറഞ്ഞു.

പുതുപ്പള്ളി എം എൽ എ ചാണ്ടി ഉമ്മനെ ചടങ്ങിൽ ആദരിച്ചു. തിരഞ്ഞെടുപ്പ് വിജയത്തിന് ശേഷം വിദേശത്ത് ആദ്യമായി വന്നുചേരാൻ ഇടയായത് കുവൈത്തിൽ ആണെന്നത് സന്തോഷം നൽകുന്നുവെന്ന് അദ്ദേഹം പറഞ്ഞു. കുവൈത്തിലെ കോൺഗ്രസ് അനുകൂല പ്രവർത്തനങ്ങളെക്കുറിച്ച് പിതാവ് എന്നും ആവേശപൂർവം പറയുന്നത് കേൾക്കാറുണ്ട്. അങ്ങനെയുള്ളവർക്കിടയിലേക്ക് ആദ്യമായി കടന്നെത്തുവാൻ സാധിച്ചുവെന്നതിൽ ആഹ്ലാദമുണ്ടെന്നും അദ്ദേഹം പറഞ്ഞു.

ഒ.ഐ.സി.സി ഗ്ലോബൽ കമ്മിറ്റി ചെയർമാൻ ശങ്കരപിള്ള കുംബളത്ത്, എൻ. ബി. റ്റി. സി ചെയർമാൻ കെ.ജി. എബ്രഹാം, കെ.എം.സി.സി ജെനറൽ സെക്ക്രട്ടറി ഷറഫുദീൻ കണ്ണേത്ത്, മെഡക്സ് മെഡിക്കൽ കെയർ പ്രസിഡൻറ് & സി.ഇ.ഒ മോഹമ്മദ് അലി, വൈസ് പ്രസിഡൻറ്  ശാമുവേൽ ചാക്കോ കാട്ടുർകളിക്കൽ,ജനറൽ സെക്രട്ടറിമാരായ ബി. എസ്. പിള്ള, ജോയി ജോൺ തുരുത്തിക്കര, ബിനു ചെമ്പാലയം, സെക്രട്ടറിമാരായ മനോജ് ചണ്ണപ്പേട്ട, എം. എ. നിസ്സാം, റോയ് കൈതവന, ജോയ് കരവാളൂർ, ജോയിൻറ് ട്രഷറർ റിഷി ജേക്കബ്, ലേഡീസ് വിങ് ചെയർപേഴ്സൻ ലാൻസീ ബാബു, യൂത്ത് വിങ് ചെയർമാൻ ജോബിൻ ജോസ്, വെൽഫയർ വിങ് ചെയർമാൻ ആന്റൊ വാഴപ്പള്ളി, മീഡിയാ വിങ്ങ് ചെയർമാൻ ജോർജ്ജി ജോർജ് എന്നിവർ പ്രസംഗിച്ചു

കുവൈറ്റിൽ ഓ ഐ സി സി പുതുതായി ആരംഭിച്ച കെയർ റ്റീമിന്റെ ഉൽഘാടനവും ഐഡന്റിറ്റി കാർഡ്‌ വിതരണവും നടത്തപ്പെട്ടു. 

വിശ്രമ ജിവിതത്തിനായി നാട്ടിലേക്ക്‌ സ്തിര താമസത്തിനു പോകുന്ന നാഷണൽ സെക്ക്രട്ടറി റോയ്‌ കൈതവനക്ക്‌ മെമന്റൊ നൽകി യാത്രയയപ്പ്‌ നൽകി.

ഒ ഐ സി സി ലൈബ്രേറിയൻ മാണി ചാക്കോയെ മെമന്റൊ നൽകി ആദരിച്ചു.  

വിവിധ ജില്ലാക്കമ്മറ്റികൾ പങ്കെടുത്ത അത്തപ്പുക്കള മൽസരത്തിൽ വിജയികളായ തിരുവനന്തപുരം, കൊല്ലം, കണ്ണൂർ ജില്ലകൾക്കും, കൂപ്പൺ വിതരണത്തിലെ വിജയികളായ ആലപ്പുഴ, എർണ്ണാകുളം, കാസർഗ്ഗോട്‌ ജില്ലകൾക്കും വ്യ്ക്തിഗത വിജയികൾ ആയ സുരേന്ത്രൻ മുങ്ങത്ത്‌, കലേഷ്‌ ബി പിള്ള, വിജോ പി തോമസ്‌, നിബു ജേക്കബ്‌ എന്നിവർക്കും സമ്മാനങ്ങൾ വിതരണം ചെയ്തു.

അക്ബർ വയനാട്‌ സംവിധാനം ചെയ്ത ഉമ്മൻ ചാണ്ടി അനുസ്മരണ വിഡിയോ പ്രകാശനം ചെയ്തു.  ആലപ്പുഴ ജില്ലാ കമ്മറ്റി സംഘടിപ്പിച്ച ക്രിക്കറ്റ്‌ ടുർണ്ണമന്റ്‌ വിജയികൾക്ക്‌ ട്രോഫി സമ്മാനിച്ചു

സുപ്രസിദ്ദ പിന്നണി ഗായകരായ  ലക്ഷ്മി ജെയനും, അരുൺ ഗോപനും നേതൃത്വം നൽകിയ ഗാനമേളയും കുവൈറ്റിലെ പ്രശസ്തരായ കലാകാരന്മാർ അവതരിപ്പിച്ച്‌ വിവിധ കലാപരിപാടികളും അരങ്ങേറി.                     ജനറൽ സെക്രട്ടറി വർഗീസ്  മാരാമൺ സ്വാഗതവും, ട്രഷറർ രാജീവ് നടുവിലേമുറി നന്ദിയും രേഖപ്പെടുത്തി.

Related News

ഉപതെരെഞ്ഞെടുപ്പ് വിജയം : ഒഐസിസി ആഹ്ലാദം പങ്കിട്ടു
  • 24/11/2024
അഹ്മദ് അൽ മഗ്‌രിബി കപ്പ് കെ.കെ.എം.എ അഖിലേന്ത്യാ സെവൻസ് പ്രീമ ...
  • 24/11/2024
'തംകീൻ-2024' മഹാ സമ്മേളനത്തിന് പ്രൗഢമായ സമാപനം
  • 23/11/2024
സ്പന്ദനം കുവൈത്ത് ഭാരവാഹികൾ
  • 23/11/2024
തിരുവല്ല പ്രവാസി അസോസിയേഷൻ ഫാമിലി പിക്കിനിക്കിന്റെ ഫ്‌ളൈയർ ...
  • 22/11/2024
ഡോ. യൂഹാനോൻ മാർ മിലിത്തിയോസ്‌ മെത്രാപ്പോലിത്തായ്ക്ക്‌ സ്വീകര ...
  • 22/11/2024
കെ.എം ഷാജിക്ക് കുവൈത്ത് കെഎംസിസി സ്വീകരണം നൽകി
  • 20/11/2024
കുവൈത്ത് കെഎംസിസി 'തംകീൻ-24' നവംബർ 22 ന്
  • 19/11/2024
19-ാമത് ഗര്‍ഷോം രാജ്യാന്തര പുരസ്കാര വിതരണം അർമേനിയയിൽ, കുവൈത ...
  • 19/11/2024
അൽ തൈസീർ ഖുർആൻ പഠിതാക്കളുടെ സംഗമം സംഘടിപ്പിച്ചു
  • 19/11/2024
തനിമ കുവൈത്ത്‌ - 18ആം ദേശീയ വടംവലി മത്സരവും പേൾ ഓഫ്‌ ദി സ്കൂ ...
  • 19/11/2024
പ്രതീക്ഷ ഇന്ത്യൻ അസോസിയേഷൻ ഓണനിലാവ് 2024 സംഘടിപ്പിച്ചു
  • 18/11/2024