കുവൈറ്റ് സിറ്റി: കേരള ആർട്ട് ലവേഴ്സ് അസോസിയേഷൻ - കല കുവൈറ്റ് "കലാമേള 2025" സംഘടിപ്പിച്ചു. ജൂൺ 12, 13 തീയതികളിലായി അബ്ബാസിയ കല സെന്ററിൽ വച്ച് നടന്ന കലാമേള, കല കുവൈറ്റ് വൈസ് പ്രസിഡന്റ്‌ പ്രവീൺ പി വി യുടെ അധ്യക്ഷതയിൽ പ്രസിഡന്റ്‌ മാത്യു ജോസഫ് ഉദ്ഘാടനം ചെയ്തു. കലാവിഭാഗം സെക്രട്ടറി നിഷാന്ത് ജോർജ് ആശംസയർപ്പിച്ച് സംസാരിച്ചു. കഴിഞ്ഞ ദിവസം അഹമ്മദാബാദിലുണ്ടായ വിമാന അപകടത്തിൽ മരണപ്പെട്ടവർക്ക് ആദരാഞ്ജലികൾ അർപ്പിച്ചു കൊണ്ട് അബ്ബാസിയ മേഖല സെക്രട്ടറി പി പി സജീവൻ അവതരിപ്പിച്ച അനുശോചന പ്രമേയത്തോടെയാണ് ഉദ്‌ഘാടന ചടങ്ങ് ആരംഭിച്ചത്. കല കുവൈറ്റ് ജോയിന്റ് സെക്രട്ടറി പ്രസീദ് കരുണാകരൻ സ്വാഗതം ആശംസിച്ച ചടങ്ങിൽ കലാമേളയുടെ ജനറൽ കൺവീനർ ബിജു ജോസ് നന്ദി രേഖപ്പെടുത്തി. ജൂൺ 12ന് വൈകുന്നേരം 6 മണിക്ക് തുടങ്ങിയ കലാമേള 13ന് വൈകുന്നേരം 9 മണിയോടെ അവസാനിച്ചു. ഏറ്റവും കൂടുതൽ പോയിന്റുമായി അബ്ബാസിയ മേഖല ഓവറോൾ കിരീടം സ്വന്തമാക്കി. അവസാന മത്സരം വരെ ഒപ്പത്തിനൊപ്പം മുന്നേറിയ അബുഹലീഫ മേഖലയെ രണ്ടാം സ്ഥാനത്തേക്ക് പിന്തള്ളിയാണ് അബ്ബാസിയ മേഖല ഓവറോൾ കിരീടം സ്വന്തമാക്കിയത്. വ്യക്തിഗത വിഭാഗത്തിൽ ഏറ്റവും കൂടുതൽ പോയിന്റ് നേടിയ സാൽമിയ മേഖലയിലെ ജലീൽ നിനർഖാൻ ചാമ്പ്യൻ ട്രോഫി കരസ്ഥമാക്കി.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?