ബ്ലഡ് ഡോണേഴ്സ് കേരള സ്ഥാപകനും പ്രസിഡന്റുമായിരുന്ന വിനോദ് ഭാസ്കറിന്റെ സ്മരണക്ക് അനുശോചന യോഗം സംഘടിപ്പിച്ചു

  • 21/07/2025


ബ്ലഡ് ഡോണേഴ്സ് കേരളയുടെ സ്ഥാപകനും സംസ്ഥാന പ്രസിഡന്റുമായിരുന്ന വിനോദ് ഭാസ്കറിന്റെ വേർപാടിൽ അനുശോചനം അറിയിച്ചുകൊണ്ട് ഇന്ന് ഹെവൻ ഓഡിറ്റോറിയത്തിൽ ബ്ലഡ് ഡോണേഴ്സ് കേരള - കുവൈറ്റ് ചാപ്റ്റർ യോഗം ചേർന്നു. സാമൂഹ്യ സേവനത്തിനും മനുഷ്യസ്നേഹത്തിനും ഒരുദാഹരണമായിരുന്ന അദ്ദേഹത്തിന്റെ ജീവിതം ഓർത്തെടുത്ത് കുവൈറ്റിലെ സാമൂഹിക പ്രമുഖരും BDK സന്നദ്ധ പ്രവർത്തകരും ഒരുമിച്ചെത്തി അദ്ദേഹത്തിന് ആദരാഞ്ജലി അർപ്പിച്ചു.

ഡോ. അനില (ഇന്ത്യൻ ഡോക്ടേഴ്സ് ഫോറം), റഫീക് ബാബു (പ്രവാസി വെൽഫെയർ), മാർട്ടിൻ (KUDA), ഷഹിദ് ലബ്ബ (KJPS ), കലേഷ് (OICC ) എന്നിവർ മറ്റ് സാമൂഹിക സംഘടനകളിൽ നിന്നുള്ള പ്രതിനിധികളോടൊപ്പം യോഗത്തിൽ പങ്കെടുത്തു അനുശോചനം അറിയിച്ചു. ബി.ഡി.കെ പ്രവർത്തകരായ മനോജ് മാവേലിക്കര, നളിനാക്ഷൻ, പ്രവീൺ, മുരളി, ലിനി, വിനീത് എന്നിവരും അനുശോചനം രേഖപ്പെടുത്തി.

 ചങ്ങനാശ്ശേരിയിലെ ഒരു സാധാരണ കെഎസ്ആർടിസി ബസ് കണ്ടക്ടർ ആയിരുന്ന 
വിനോദ് ഭാസ്കറുടെ ജീവിതവും, ബ്ലഡ് ഡോണേഴ്സ് കേരളയുടെ രൂപീകരണനാൾവഴികളും, അതിലൂടെ സംസ്ഥാനത്തിന്റെയും രാജ്യത്തിന്റെയും അതിർത്തികൾ കടന്ന് വിവിധ ഗൾഫ് രാജ്യങ്ങൾ ഉൾപ്പെടെ ലോകത്തിന്റെ പല ഭാഗങ്ങളിലേക്കും വ്യാപിച്ച രക്തദാന പ്രവർത്തനങ്ങളും, അദ്ദേഹത്തിന്റെ ആരോഗ്യപ്രശ്നങ്ങളുടെയും ദീർഘകാല ചികിത്സയുടെയും പശ്ചാത്തലവും യോഗത്തിനു സ്വാഗതമർപ്പിച്ചു സംസാരിച്ച നളിനാക്ഷൻ പങ്കുവെച്ചു.

നിമീഷ് കാവാലം അധ്യക്ഷത വഹിച്ച യോഗത്തിന് ജയൻ സദാശിവൻ നന്ദി രേഖപ്പെടുത്തി

രക്തസ്നേഹത്തിൻ്റെ മുഖമുദ്രയായ വിനോദ് ഭാസ്കറിന്റെ ഓർമ്മയിൽ കൂടുതൽ രക്തദാന പ്രവർത്തങ്ങളുമായി മുന്നോട്ടുപോകുമെന്ന് BDK Kuwait ഭാരവാഹികൾ അറിയിച്ചു.

Related News

വയനാട് എം.പി പ്രിയങ്കാ ഗാന്ധിയുടെ നേതൃത്വത്തിൽ 100 ഭവനം നിർമ ...
  • 21/07/2025
പ്രതീക്ഷ ഇന്ത്യൻ അസോസിയേഷൻ കുവൈറ്റ്, മംഗഫ് - ഫാഹേല് യൂണിറ്റി ...
  • 20/07/2025
കേരള അസോസിയേഷൻ സംഘടിപ്പിക്കുന്ന നാടൻപാട്ട് മത്സരം കതിർമണികൾ ...
  • 20/07/2025
കല കുവൈറ്റ് മാതൃഭാഷ പഠന പദ്ധതിയുമായി ബന്ധപ്പെട്ട് അധ്യാപകർക് ...
  • 19/07/2025
കുവൈത്ത് കെഎംസിസി കാസർഗോഡ് ജില്ലാ കമ്മിറ്റി; പ്രവേശനോത്സവം സ ...
  • 19/07/2025
അമ്മമനസ്സ് കുവൈറ്റ് പ്രവാസി അസോസിയേഷന് പുതിയ നേതൃത്വം
  • 19/07/2025
വികാര നിർഭരമായി ഒഐസിസി ഉമ്മൻ ചാണ്ടി - സി വി പദ്മരാജൻ അനുസ്മര ...
  • 19/07/2025
തിരുവല്ലയിലെ സംഗീത പ്രേമികൾക്ക്, വിസ്മയക്കാഴ്ചയൊരുക്കി, മെൻസ ...
  • 17/07/2025
നാടകകലയെയും കലാകാരന്മാരെയും പ്രോത്സാഹിപ്പിക്കുന്നതിന് വേണ്ടി ...
  • 16/07/2025
അനീഷ് ആനന്ദിന് യാത്രയയപ്പ് നൽകി
  • 16/07/2025
മുൻ മുഖ്യമന്ത്രി ഉമ്മൻ ചാണ്ടി ഒഐസിസി അനുസ്മരണ സമ്മേളനം ജൂലൈ ...
  • 16/07/2025
കെ.കെ.എം.എ കുടുംബ ക്ഷേമനിധി വിതരണം ചെയ്തു
  • 16/07/2025