കുവൈത്തിൽ ട്രാഫിക് നിയമലംഘനങ്ങൾക്കെതിരെ വ്യാപക പരിശോധന; ഒരാഴ്ചക്കിടെ 26,168 നിയമലംഘനങ്ങൾ

  • 05/08/2025



കുവൈത്ത് സിറ്റി: ആഭ്യന്തര മന്ത്രാലയത്തിലെ ട്രാഫിക്, ഓപ്പറേഷൻസ് വിഭാഗം രാജ്യത്തുടനീളം സുരക്ഷാ-ട്രാഫിക് പരിശോധനകൾ ശക്തമാക്കി. ട്രാഫിക്, ഓപ്പറേഷൻസ് ആക്ടിംഗ് അസിസ്റ്റന്റ് അണ്ടർസെക്രട്ടറി ബ്രിഗേഡിയർ ജനറൽ ജമാൽ അൽ ഫൗദാരിയുടെ നേതൃത്വത്തിലാണ് ആഭ്യന്തര, ബാഹ്യ റോഡുകളിലും എല്ലാ ഗവർണറേറ്റുകളിലും പരിശോധന നടത്തിയത്.

കഴിഞ്ഞ ഒരാഴ്ചക്കിടെ ജനറൽ ട്രാഫിക് ഡിപ്പാർട്ട്‌മെന്റ് നടത്തിയ പരിശോധനകളിൽ 26,168 ട്രാഫിക് ടിക്കറ്റുകൾ നൽകി. നിയമവിരുദ്ധമായി വാഹനമോടിച്ച 29 പേരെ അറസ്റ്റ് ചെയ്തു. കൂടാതെ, 29 വാഹനങ്ങളും അഞ്ച് മോട്ടോർ സൈക്കിളുകളും കണ്ടുകെട്ടി. ലൈസൻസില്ലാതെ വാഹനമോടിച്ച 63 കുട്ടികളെ ജുവനൈൽ പ്രോസിക്യൂഷൻ ഓഫീസിലേക്ക് റഫർ ചെയ്തു. ഗതാഗത, സുരക്ഷാ സാഹചര്യങ്ങൾ നിയന്ത്രിക്കുന്നതിന്റെ ഭാഗമായാണ് ഈ നടപടികൾ സ്വീകരിക്കുന്നത്.

Related News