സാന്ത്വനം കുവൈറ്റ്‌ പാലിയേറ്റീവ് സെന്റർ & കമ്മ്യൂണിറ്റി ഹാൾ, പശുപ്പാറ ഉത്ഘാടനം സെപ്റ്റംബർ 13നു

  • 12/09/2025



ജീവകാരുണ്യ രംഗത്ത് കഴിഞ്ഞ 25 വർഷമായി നിസ്തുല സേവനം നടത്തുന്ന കുവൈറ്റ് മലയാളി സംഘടനയായ സാന്ത്വനം കുവൈറ്റും, 27 വർഷമായി ഇടുക്കി ജില്ലയിലെ ഉപ്പുതറ പഞ്ചായത്തിൽ പശുപ്പാറയിൽ പ്രവർത്തിച്ചുവരുന്ന പശുപ്പാറ പീപ്പിൾസ് ക്ലബ്‌ & ലൈബ്രറിയും ചേർന്ന് പശുപ്പാറയിൽ നിർമ്മിച്ച പാലിയേറ്റീവ് സെന്ററിന്റെയും കമ്മ്യൂണിറ്റി ഹാൾ & ലൈബ്രറിയുടെയും ഉദ്ഘാടനം 2025 സെപ്റ്റംബർ 13 ശനിയാഴ്ച രാവിലെ 11 മണിക്ക് പശുപ്പാറയിൽ ബഹു. ജലവിഭവ വകുപ്പ്‌ മന്ത്രി ശ്രീ. റോഷി അഗസ്റ്റ്യൻ നിർവ്വഹിക്കും. സാന്ത്വനം കുവൈറ്റ്‌ പ്രസിഡന്റ്‌ ജ്യോതിദാസ്‌ പി.എൻ. യോഗത്തിൽ അദ്ധ്യക്ഷത വഹിക്കും.

സാന്ത്വനം കുവൈറ്റിന്റെ സ്പെഷ്യൽ പദ്ധതിയുടെ ഭാഗമായി, 38 ലക്ഷം രൂപ മുടക്കിയാണ് ഈ സംരംഭം പൂർത്തിയാക്കിയിരിക്കുന്നത്. 2024 ജൂലൈ ഏഴാം തീയതി അന്തരിച്ച ബഹു. എം.എൽ.എ. ശ്രീ വാഴൂർ സോമൻ ശിലാസ്ഥാപനം നിർവഹിച്ചു. ഒരു വർഷം കൊണ്ട് ബിൽഡിംഗ് നിർമ്മാണം പൂർത്തിയായി.

ഇതോടനുബന്ധിച്ച്‌, റഫറൻസ് ലൈബ്രറിയുടെ ഉദ്ഘാടനം ജില്ലാ പഞ്ചായത്ത് പ്രസിഡന്റ് ശ്രീ രാരിച്ചൻ നീരാനാംകുന്നേൽ നിർവഹിക്കും. ഓണക്കിറ്റ് വിതരണം കട്ടപ്പന ബ്ലോക്ക് പഞ്ചായത്ത് പ്രസിഡന്റ് ശ്രീ വി പി ജോണും, വിവിധ അവാർഡുകളുടെ വിതരണം ഉപ്പുതറ ഗ്രാമപഞ്ചായത്ത് പ്രസിഡണ്ട് ശ്രീ ജെയിംസ് ജേക്കബും, വായനാ വസന്തത്തിന്റെ ഉദ്ഘാടനം ഇടുക്കി ജില്ലാ ലൈബ്രറി കൗൺസിൽ പ്രസിഡന്റ് ശ്രീ കെ എം ബാബുവും നിർവഹിക്കും. 

കലാസന്ധ്യയുടെ ഉദ്ഘാടനം മലനാട് സർവീസ് സഹകരണ ബാങ്കിന്റെ പ്രസിഡന്റ് അഡ്വക്കേറ്റ് സിറിയക് തോമസ് നിർവഹിക്കുന്നതും, ജില്ലാ പഞ്ചായത്ത് മെമ്പർ ശ്രീ കെ ടി ബിനു മുഖ്യപ്രഭാഷണം നടത്തുന്നതും ആണ്. വിവിധ പഞ്ചായത്ത് മെമ്പർമാർ, സാമൂഹ്യ സാംസ്കാരിക പ്രവർത്തകർ, മത പുരോഹിതന്മാർ തുടങ്ങിയവർ യോഗത്തിൽ പങ്കെടുക്കും.

അന്നേദിവസം യോഗത്തിലെത്തിച്ചേരുന്ന മുഴുവനാളുകൾക്കും സ്നേഹവിരുന്ന്, വിവിധ കലാപരിപാടികൾ, കരോക്കെ ഗാനമേള എന്നിവയും ഉണ്ടായിരിക്കുന്നതാണെന്ന് പശുപ്പാറ പീപ്പിൾസ് ക്ലബ്ബ് പ്രസിഡന്റ് അഭിലാഷ് കെ ബി, സെക്രട്ടറി രാജൻ ആർ, സാന്ത്വനം കുവൈറ്റ്‌ പ്രസിഡന്റ്‌ ജോതിദാസ്‌, സെക്രട്ടറി സന്തോഷ്‌ കുമാർ പി. എന്നിവർ അറിയിച്ചു.

Related News

കെ.കെ.ഐ.സി.മദ്രസ്സ ടീച്ചേർസ് ട്രെയിനിങ് ക്യാമ്പ് സംഘടിപ്പിച് ...
  • 11/09/2025
ചലച്ചിത്ര-നാടക നടൻ സന്തോഷ്‌ കീഴാറ്റൂരിന് കല കുവൈറ്റ്‌ ഭാരവാഹ ...
  • 11/09/2025
ഇടുക്കി അസോസിയേഷൻ കുവൈറ്റ് വിപുലമായ ഓണാഘോഷം നടത്തി
  • 08/09/2025
കെകെ ഐസി അബ്ബാസിയ മദ്രസ ഓറിയന്റേഷൻ സംഘടിപ്പിച്ചു
  • 08/09/2025
കുവൈറ്റ്‌ കെഎംസിസി സംസ്ഥാന മതകാര്യ സമിതി പ്രവാചകപ്രകീർത്തന സ ...
  • 08/09/2025
കേര മഴവില്ല് - 2025
  • 08/09/2025
തൃശ്ശൂർ അസോസിയേഷൻ ഓഫ് കുവൈത്ത് " തൃശ്ശൂർ തിരുവോണം – 2025” സം ...
  • 07/09/2025
സം​രം​ഭ​കർക്ക് പുതിയ ദിശാബോധം നൽകി ബിസിനസ് കോൺക്ലേവ്
  • 07/09/2025
വിശ്വാസം മനുഷ്യരെ ധാർമിക മൂല്യബോധമുള്ളവരാക്കുന്നു – ശൈഖ് സത് ...
  • 07/09/2025
ഓണം പ്രദർശന ക്രിക്കറ്റ് മത്സരം ടീം വാമനൻ ജേതാക്കളായി
  • 07/09/2025
സാൽമിയ ഇസ്‌ലാഹീ മദ്രസയിൽ ‘അൽബിദായ’ ഓറിയന്റേഷൻ ഡേ സംഘടിപ്പിച് ...
  • 07/09/2025
കെ. കെ. എം. എ അനുമോദനവും അവാർഡ് ദാനവും സംഘടിപ്പിച്ചു
  • 04/09/2025