കുവൈറ്റ് സിറ്റി: മുൻ ആഭ്യന്തര മന്ത്രിയും സി പി എമ്മിന്റെ സമുന്നത നേതാവുമായിരുന്ന കോടിയേരി ബാലകൃഷ്ണന്റെ മൂന്നാം ചരമവാർഷിക ദിനത്തിൽ കേരള ആർട്ട് ലവേഴ്സ് അസോസിയേഷൻ - കല കുവൈറ്റിന്റെ നേതൃത്വത്തിൽ അനുസ്മരണ സമ്മേളനം സംഘടിപ്പിച്ചു. കല കുവൈറ്റ് പ്രസിഡന്റ്‌ മാത്യു ജോസഫിന്റെ അധ്യക്ഷതയിൽ ഒക്ടോബർ 1 ബുധനാഴ്ച അബുഹലീഫ കല സെന്ററിൽ നടന്ന സമ്മേളനത്തിൽ അബുഹലീഫ മേഖല സെക്രട്ടറി കെ ജി സന്തോഷ്‌ അനുസ്മരണ കുറിപ്പ് അവതരിപ്പിച്ചു. കല കുവൈറ്റ് നേതാക്കളായ, മലയാളം മിഷൻ കുവൈറ്റ് ചാപ്റ്റർ സെക്രട്ടറി ജെ സജി, ലോകകേരള സഭ അംഗം ആർ നാഗനാഥൻ, സി കെ നൗഷാദ് എന്നിവർ അനുസ്മരണ സമ്മേളനത്തിൽ സഖാവ് കോടിയേരിയെ സ്മരിച്ചു കൊണ്ട് സംസാരിച്ചു.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?