മുഖ്യമന്ത്രി പിണറായി വിജയൻ കുവൈറ്റ് സന്ദർശിക്കുന്നു — കുവൈറ്റ് മലയാളി സമൂഹത്തിന്റെ തയ്യാറെടുപ്പ് യോഗം ഒക്ടോബർ 11ന്

  • 08/10/2025



കുവൈറ്റ് സിറ്റി: കുവൈറ്റ് സന്ദർശിക്കുന്ന കേരളത്തിന്റെ മുഖ്യമന്ത്രി ശ്രീ. പിണറായി വിജയന് സ്വീകരണം നൽകുന്നതുമായി ബന്ധപ്പെട്ട് കുവൈറ്റിൽ നിന്നുള്ള ലോക കേരളസഭാംഗങ്ങളും മലയാളം മിഷൻ കുവൈറ്റ് ചാപ്റ്ററും ചേർന്ന് കുവൈറ്റ് മലയാളി സമൂഹത്തിന്റെ യോഗം വിളിച്ചു ചേർക്കുന്നു. മുഖ്യമന്ത്രി നവംബർ 7-ന് കുവൈറ്റ് സന്ദർശിക്കുകയാണ്. 1998-നുശേഷം ആദ്യമായാണ് ഒരു മുഖ്യമന്ത്രി കുവൈറ്റ് സന്ദർശിക്കുന്നത്. കുവൈറ്റ് മലയാളി സമൂഹത്തെ നേരിൽ കാണുകയും അവരുടെ പ്രശ്നങ്ങൾ കേൾക്കുകയും ചെയ്യുന്നതിനാണ് മുഖ്യമന്ത്രിയുടെ ഈ സന്ദർശനം ലക്ഷ്യമിടുന്നത്. മുഖ്യമന്ത്രിയുടെ സന്ദർശനം വിജയകരമാക്കുന്നതിനും കുവൈറ്റിലെ മലയാളികൾ അദ്ദേഹത്തിന് ഉചിതമായ സ്വീകരണം ഒരുക്കുന്നതിനുമായി ഒക്ടോബർ 11 ശനിയാഴ്ച വൈകുന്നേരം 6.30-ന് അബ്ബാസിയ യുണൈറ്റഡ് ഇന്ത്യൻ സ്കൂളിൽ യോഗം ചേരും.യോഗത്തിൽ കുവൈറ്റിലെ പ്രമുഖ സാമൂഹ്യ-സാംസ്‌കാരിക സംഘടനകളുടെയും പ്രമുഖ വ്യക്തികളുടെയും സാന്നിധ്യം പ്രതീക്ഷിക്കുന്നതായി സംഘാടകർ അറിയിച്ചു.



Related News