ഉത്തരാഖണ്ഡ് ദുരന്തം: 32 പേരുടെ മൃതദേഹം കണ്ടെത്തി; കാണാതായവരുടെ എണ്ണം 197 ആയി

  • 10/02/2021

ഛമോലി: ഉത്തരാഖണ്ഡിലെ ഛമോലി ജില്ലയിൽ മിന്നൽപ്രളയത്തിലും മഞ്ഞുമല ഇടിച്ചിലിലും കാണാതായവരുടെ എണ്ണം 197ആയി. ഇതുവരെ 32 പേരുടെ മൃതദേഹങ്ങൾ കണ്ടെടുത്തു. പ്രളയവും മലയിടിച്ചിലും നിരവധി മരണങ്ങൾക്ക് കാരണമായതിനു പുറമെ എൻടിപിസിയുടെ 480 മെഗാവാട്ട് തപോവൻ-വിഷ്ണുഗഡ് ജലവൈദ്യുത പദ്ധതിയുടെയും ഋഷിഗംഗ ഹൈഡൽ പദ്ധതിയുടെയും തുരങ്കങ്ങൾക്ക് വലിയ കേടുപാടുകൾ ഉണ്ടാക്കിയിട്ടുണ്ട്.
 
ഇപ്പോഴും 25-35 പേർ തപോവൻ തുരങ്കത്തിൽ കുടുങ്ങിക്കിടക്കുന്നുണ്ടെന്നാണ് കരുതുന്നത്. രക്ഷാപ്രവർത്തകർക്ക് കുറച്ചുദൂരം വരെ തുരങ്കത്തിലെ മണ്ണ് നീക്കാൻ കഴിഞ്ഞിട്ടുണ്ട്. തുരങ്കത്തിലേക്ക് പ്രവേശിക്കുകയും ചെയ്തു.
 
തുരങ്കത്തിൽ കനത്ത ഇരുട്ടായതിനാൽ ടോർച്ച്‌ ഉപയോഗിച്ചാണ് പ്രവർത്തനങ്ങൾ നടത്തുന്നത്. കോൺക്രീറ്റും മണ്ണും കൊണ്ട് പ്രദേശം മൂടിയിരിക്കുകയാണ്. തുരങ്കത്തിന് ഒരു കവാടമാണ് ഉള്ളത്. തുരങ്കത്തിൽ 120 മീറ്ററോളം മണ്ണ് നീക്കിക്കഴിഞ്ഞതായി ഐടിബിപി വക്താവ് വിവേക് കുമാർ പാണ്ഡെ പറഞ്ഞു.

തുരങ്കത്തിന്റെ ചുമരുകൾക്ക് വിള്ളലുണ്ട്. വെള്ളം വീഴുന്ന ശബ്ദവും കേൾക്കാം. പരസ്പരം ഒച്ചവച്ചാണ് രക്ഷാപ്രവർത്തകർ പരസ്പരം ബന്ധപ്പെടുന്നത്. ഇനിയും 80, 180 മീറ്റർ നീളത്തിൽ ചളി നീക്കിയാലേ അകത്തേക്ക് സുഗമമായി പ്രവേശിക്കാനാവൂ.

രക്ഷാപ്രവർത്തനത്തിന്റെ ഭാഗമായി ഇന്ത്യൻ സൈന്യത്തിന്റെയും ഇൻഡൊ തിബത്തൻ അതിർത്തി സേനയുടെയും ദേശീയ ദുരന്തനിവാരണസേനയുടെയും സംസ്ഥാന ദുരന്തനിവാരണസേനയുടെയും 600 പേരെ പ്രദേശത്ത് വിന്യസിപ്പിച്ചു.

മലവെള്ളപ്പാച്ചിലിലും പ്രളയത്തിലും മലയിടിച്ചിലിലും ഒറ്റപ്പെട്ട ഗ്രാമങ്ങളിലേക്ക് ഭക്ഷ്യവസ്തുക്കളും മരുന്നും എത്തിച്ചുനൽകുന്ന ഇന്തോ തിബത്തൻ അതിർത്തി സേനയോട് മുഖ്യമന്ത്രി ത്രിവേന്ദ്ര സിങ് റാവത്ത് നന്ദി പറഞ്ഞു.

മിന്നൽ പ്രളയത്തിൽ 13 ഗ്രാമങ്ങൾ ഒറ്റപ്പെടുകയും റോഡ് ഗതാഗതം താറുമാറാവുകയും ചെയ്തിട്ടുണ്ട്. നിരവധി വീടുകളും നശിച്ചു. രണ്ട് വലിയ ഡാമുകൾക്ക് കേടുപാട് സംഭവിച്ചിട്ടുണ്ട്.

മുൻപ് കേദാർനാഥിൽ 2013ലാണ് ഇത്തരമൊരു ദുരന്തം ഉണ്ടായത്. അന്ന് 5,700 പേർ മരിച്ചു. കാലാവസ്ഥാവ്യതിയാനത്തിന്റെ ഫലമാണ് മിന്നൽ പ്രളയമെന്നാണ് കരുതപ്പെടുന്നത്.

ഉത്തരാഖണ്ഡിൽ ദുരന്തത്തെക്കുറിച്ച്‌ ചർച്ച ചെയ്യാൻ പ്രധാനമന്ത്രിയുടെ നേതൃത്വത്തിൽ യോഗം വിളിച്ചിരുന്നു. യോഗത്തിൽ സംസ്ഥാനത്തുനിന്നുള്ള എംപിമാരും പങ്കെടുത്തു. അടിയന്തരമായി ചെയ്തുതീർക്കേണ്ട രക്ഷാപ്രവർത്തനങ്ങളും അതിന് സ്വീകരിക്കേണ്ട നടപടികളെക്കുറിച്ചും യോഗം വിശദമായ ചർച്ചനടത്തി.

പ്രകൃതി ദുരന്തങ്ങളെക്കുറിച്ച്‌ പഠിച്ച്‌ കൃത്യമായി പ്രവചനം നടത്താൻ നടപടി സ്വീകരിക്കുമെന്ന് പ്രധാനമന്ത്രി പറഞ്ഞു. ദുരന്തങ്ങൾ ചാക്രികമായാണ് സംഭവിക്കുന്നത്. അതേക്കുറിച്ച്‌ ശാസ്ത്രീയപഠനം നടത്തി ജീവനും സ്വത്തിനുമുണ്ടാവുന്ന നാശനഷ്ടങ്ങൾ കുറയ്ക്കാൻ കഴിയുംപ്രധാനമന്ത്രി അഭിപ്രായപ്പെട്ടു. അപകടത്തിൽ മരിച്ചവരുടെ കുടുംബങ്ങൾക്ക് ഉത്തരാഖണ്ഡ് മുഖ്യമന്ത്രി ത്രിവേന്ദ്ര സിങ് റാവത്ത് നാല് ലക്ഷം രൂപ വീതം അടിയന്തര ധനസഹായം പ്രഖ്യാപിച്ചു. ദുരിതാശ്വാസ പ്രവർത്തനങ്ങൾക്കായി 20 കോടി രൂപ അനുവദിച്ചതായും മുഖ്യമന്ത്രി അറിയിച്ചു.

Related News

വധുവിന് വീട്ടുകാര്‍ നല്‍കുന്ന സ്വത്തില്‍ ഭര്‍ത്താവിന് അവകാശമ ...
  • 26/04/2024
വിവാഹ പന്തലില്‍ വൻ തീപിടിത്തം; മൂന്ന് കുട്ടികളടക്കം ആറ് പേര് ...
  • 26/04/2024
15.88 കോടി വോട്ടര്‍മാര്‍, 1202 സ്ഥാനാര്‍ഥികള്‍, 1.67 ലക്ഷം പ ...
  • 25/04/2024
മോദി ഗ്യാരണ്ടിയില്‍ BJP, തിരിച്ചുപിടിക്കാൻ കോണ്‍ഗ്രസ്; രണ്ടാ ...
  • 25/04/2024
മോദിയുടെ വിദ്വേഷ പരാമർശത്തിൽ തെരഞ്ഞെടുപ്പ് കമ്മീഷൻ ഇടപെടൽ, ബ ...
  • 25/04/2024
'മമ്മീ.. കരയരുത്, സന്തോഷമായിട്ടിരിക്കണം, എല്ലാം ശരിയാകുമെന്ന ...
  • 25/04/2024
വീട്ടിലെ വോട്ടിൽ വീഴ്ച മനപൂർവമല്ല; ഇതുവരെ രേഖാമൂലം പരാതിലഭിച ...
  • 24/04/2024
8 വര്‍ഷമായി നിര്‍മാണത്തിലിരിക്കുന്ന കൂറ്റൻ പാലം, ശക്തമായ കാറ ...
  • 23/04/2024
കാമുകിയില്ലെന്ന് പറഞ്ഞ് കളിയാക്കിയ സുഹൃത്തിനെ 17കാരന്‍ കുത്ത ...
  • 23/04/2024
വർഗീയ വാദികൾക്ക് പ്രവേശനമില്ലാത്ത സിപിഎം ആസ്ഥാനത്ത് ബിജെപി സ ...
  • 23/04/2024
ഒറ്റയാനായി ഡി.ഗുകേഷ്; കാൻഡിഡേറ്റസ് ചെസ് കിരീടത്തിൽ മുത്തമിട് ...
  • 22/04/2024
ആരോഗ്യ ഇൻഷുറൻസിന് ഇനി പ്രായപരിധിയില്ല; 65 വയസ് കഴിഞ്ഞാലും ഇൻ ...
  • 22/04/2024