ആസട്രസെനഗ വാക്സിന്‍റെ രണ്ടാം ബാച്ച് വിതരണം ഇന്നുമുതൽ ആരംഭിക്കും

  • 05/04/2021

കുവൈത്ത് സിറ്റി: ആസട്രസെനഗ വാക്സിന്‍റെ രണ്ടാം ബാച്ച് വിതരണം ഇന്നുമുതൽ ആരംഭിക്കും. വാക്സിന്‍ സ്വീകരിച്ച ശേഷം ചിലര്‍ക്ക് ആരോഗ്യ പ്രശ്നങ്ങള്‍ ഉണ്ടാകുന്നതായുള്ള റിപ്പോര്‍ട്ടുകള്‍ പല രാജ്യങ്ങളില്‍ നിന്നും വന്നിരുന്നു. എന്നാല്‍, വാക്സിന്‍ സ്വീകരിക്കുന്നവരുടെ എണ്ണവുമായി താരതമ്യപ്പെടുത്തുമ്പോള്‍ ഇത് വളരെ കുറവാണ്. ഫൈസര്‍, ഓക്സഫഡ് കൊവിഡ് വാക്സിന്‍ സ്വീകരിച്ചവരില്‍ എന്തെങ്കിലും ആരോഗ്യ പ്രശ്നങ്ങള്‍ ഉണ്ടാകുന്നുണ്ടോയെന്ന് നിരീക്ഷിക്കുകയാണെന്ന് ആരോഗ്യ മന്ത്രാലയം അറിയിച്ചു. രണ്ട് ഡോസുകള്‍ സ്വീകരിച്ച ശേഷവും ഇതുവരെ അപ്രതീക്ഷിത പ്രശ്നങ്ങള്‍ ഒന്നും ഉണ്ടായിട്ടില്ലെന്നും ആരോഗ്യ മന്ത്രാലയ വൃത്തങ്ങളെ ഉദ്ധരിച്ച് പ്രാദേശിക മാധ്യമം റിപ്പോര്‍ട്ട് ചെയ്തു. 

പ്രാദേശികമായും അന്തർ‌ദ്ദേശീയമായും വാക്സിന്‍ സംബന്ധിച്ചുള്ള എല്ലാ റിപ്പോര്‍ട്ടുകളും പഠിക്കുന്നുണ്ടെന്നും ആരോഗ്യ മന്ത്രാലയം വ്യക്തമാക്കി. പ്രതിരോധ കുത്തിവയ്പ്പ് എടുക്കുന്നത് സംബന്ധിച്ചുള്ള ആരോഗ്യ മന്ത്രാലയത്തിന്‍റെ ആഹ്വാനത്തോട് എല്ലാവരും സഹകരിക്കണം. പൊതുജനങ്ങളെ വാക്സിനേഷനില്‍ നിന്ന് അകറ്റുന്ന പ്രചാരണങ്ങള്‍ക്ക് ശ്രദ്ധകൊടുക്കരുതെന്നും മന്ത്രാലയം വിശദീകരിച്ചു. 

അതേസമയം, ഇന്നലെ 14 പേരാണ് കുവൈത്തില്‍ കൊവിഡ് ബാധിച്ച് മരിച്ചത്. മഹാമാരി പൊട്ടിപ്പുറപ്പെട്ടതിന് ശേഷം ഏറ്റവും കൂടുതല്‍ പ്രതിദിന മരണം റിപ്പോര്‍ട്ട് ചെയ്യപ്പെട്ടതും ഇന്നലെയാണ്. ഇതോടെ ആകെ മരിച്ചവരുടെ എണ്ണം 1353 ആയി ഉയര്‍ന്നു. 1203 പേര്‍ക്കാണ് കൊവിഡ് പുതുതായി സ്ഥിരീകരിച്ചത്. ഇതോടെ ആകെ രോഗം ബാധിച്ചവരുടെ എണ്ണം 237192 ആയി. 1422 പേര്‍ രോഗമുക്തി നേടി. ആകെ രോഗമുക്തി നേടിയവര്‍ 221943 ആയി. 224 പേരാണ് തീവ്രപരിചരണ വിഭാഗത്തിലുള്ളതെന്നും ആരോഗ്യ മന്ത്രാലയ വക്താവ് അറിയിച്ചു.

Related News

വേൾഡ് വിൻ്റർ ബേർഡ് കൗണ്ട് ഡേ പരിപാടിയുടെ പ്രാധാന്യം; പ്രത്യേ ...
  • 20/01/2025
റോഡ് സുരക്ഷ വർധിപ്പിക്കുന്നതിനായി കുവൈത്ത് ഡെലിവറി ഡ്രൈവർ നി ...
  • 20/01/2025
കുവൈറ്റ് ട്രാഫിക് നിയമങ്ങളിൽ ഭേദ​ഗതി; നിയമലംഘനങ്ങൾക്ക് കടുത് ...
  • 19/01/2025
സാംസ്കാരിക തലസ്ഥാനമായി കുവൈത്ത്; 235 ദിവസങ്ങളിലായി 98 പരിപാട ...
  • 19/01/2025
കുവൈത്ത് റെയിൽവേ കമ്പനിയുടെ കൺസൾട്ടിംഗ് കരാറിനുള്ള ടെൻഡർ; പു ...
  • 19/01/2025
16,000 ദിനാർ വിലമതിക്കുന്ന വിവാഹ വസ്ത്രങ്ങളും അനുബന്ധ വസ്തുക ...
  • 19/01/2025
ഷാബ് പ്രദേശത്ത് കെട്ടിടം പൊളിക്കുന്നതിനിടെ അപകടം
  • 19/01/2025
820 വിദേശ തടവുകാരെ ശിക്ഷ പൂർത്തിയാക്കാനായി അവരുടെ രാജ്യങ്ങളി ...
  • 19/01/2025
കുവൈത്ത് ആഭ്യന്തര മന്ത്രാലയം വാട്‌സ്ആപ്പിൽ ഔദ്യോഗിക വാർത്താ ...
  • 19/01/2025
പൊതു സേവന ഫീസ് നിശ്ചയിക്കാൻ മന്ത്രാലയങ്ങൾക്ക് അധികാരം നൽകി ക ...
  • 19/01/2025
കുവൈത്തിൽ കൊലപാതകക്കുറ്റത്തിന് ശിക്ഷിക്കപ്പെട്ട കുവൈത്തി സ്ത ...
  • 19/01/2025
കുവൈത്തിൽ വാഹനാപകടത്തിൽ മലയാളിയുവാവിന് ദാരുണാന്ത്യം
  • 19/01/2025