ജുഡീഷ്യൽ അധികാരങ്ങളോടുകൂടിയ കേന്ദ്ര പ്രവാസി ( NRI) കമ്മീഷൻ വേണമെന്നുള്ള ഹർജി ഡൽഹി ഹൈക്കോടതി ഡിവിഷൻ ബഞ്ച് പരിഗണിക്കുന്നു

  • 16/04/2021

കുവൈറ്റ് സിറ്റി: ജുഡീഷ്യൽ അധികാരങ്ങളോടുകൂടിയ കേന്ദ്ര പ്രവാസി ( NRI) കമ്മീഷൻ വേണമെന്നുള്ള ഹർജി ഏപ്രിൽ 22 നു 
ഡൽഹി ഹൈക്കോടതി ഡിവിഷൻ ബെഞ്ചു പരിഗണിക്കുമെന്നു ജസ്റ്റിസ് പ്രതിഭ എസ്. സിംഗ്  അറിയിച്ചു. ഹർജിക്കാരനായ പ്രവാസി ലീഗൽ സെൽ ഒമാൻ കൺട്രി ഹെഡ് അനിസൂർ റഹ്മാന്റെ ഹർജിയിൽ പ്രവാസി ലീഗൽ സെൽ ഗ്ലോബൽ പ്രസിഡണ്ടും
സുപ്രീം കോടതി അഭിഭാഷകനുമായ ജോസ് എബ്രഹാം ഹൈകോടതിൽ പ്രവാസികൾ കാലാകാലങ്ങളായി അനുഭവിക്കുന്ന പ്രശ്നങ്ങളും ചൂഷണങ്ങളും, ഇന്ത്യയുടെ ഓരോ വളർച്ചയുടെയും തളർച്ചയുടെയും ഘട്ടത്തിൽ പ്രവാസികളുടെ സംഭാവനകളും വിശദമാക്കിയിരുന്നു.

ഹർജിയുടെ പൊതു താല്പര്യം മുൻ നിർത്തി ഡിവിഷൻ ബെഞ്ച് ഹർജി പരിഗണിക്കുന്നതു ഉചിതമാണെന്ന് ജസ്റ്റിസ് പ്രതിഭ സിംഗ് ഉത്തരവിൽ പ്രസ്ഥാവിച്ചു. ഗോവ, പഞ്ചാബ്, കേരളം എന്നീ സംസ്ഥാനങ്ങളിൽ പ്രവാസി കമ്മീഷൻ പ്രവർത്തിക്കുന്നുണ്ട്. എന്നാൽ വിദേശ എംബസികളും കോൺസുലെറ്റുകളും കേന്ദ്ര സർക്കാരിന്റെ നേരിട്ടുള്ള നിയന്ത്രണത്തിൽ ആകയാൽ കേന്ദ്ര ജുഡീഷ്യൽ അധികാരത്തോട് കൂടിയ ഒരു പ്രവാസി ( NRI) കമ്മീഷൻ പ്രവാസികൾക്ക് അവരുടെ മരുഭൂമിയിലെ ചുട്ടുപൊള്ളിക്കുന്ന ജീവിത പ്രതിസന്ധികൾക്ക് ഒട്ടേറെ പരിഹാരം ആകുമെന്നു ഹർജിയിൽ ചൂണ്ടി കാണിക്കുന്നു.പ്രവാസികൾക്കായി ദേശീയ  പ്രവാസി ( NRI) കമ്മീഷൻ സ്ഥാപിക്കുവാനായി കഴിഞ്ഞ വർഷം ജൂണിൽ ബഹു:പ്രധാനമന്ത്രിക്ക്  പ്രവാസി ലീഗൽ സെൽ   നിവേദനം നൽകിയിരുന്നു.

ഇന്ത്യയിലെ കുടിയേറ്റക്കാരുടെ പ്രശ്നങ്ങൾ പഠിക്കുന്നതിനായി കേന്ദ്ര സർക്കാർ ഒരു ഏകാംഗ കമ്മീഷനെ നിയോഗിച്ചിരുന്നു.  കോവിഡിനെ തുടർന്ന് കഴിഞ്ഞ ഒരു കൊല്ലമായി നിരവധി പ്രവാസികൾ നാട്ടിലേക്ക് മടങ്ങുന്ന സാഹചര്യത്തിൽ ഈ കമ്മീഷന്റെ പ്രസക്തി ഏറെയാണ്. അഡ്വ.ബ്ലസ്സൻ മാത്യു, അഡ്വ. അഞ്ചു എന്നിവർ കോടതിയിൽ ഹാജരായി.ദീർഘനാളുകളായിട്ടുള്ള പ്രവാസികളുടെ ദേശീയ പ്രവാസി ( NRI) കമ്മീഷൻ വേണമെന്ന ന്യായമായ ആവശ്യം ഹൈകോടതി ഇടപെടലിലുടെ  വേഗത്തിൽ നടപ്പിലാകുമെന്നു പ്രതീക്ഷിക്കുന്നതായി പ്രവാസി ലീഗൽ സെൽ കുവൈറ്റ് കൺട്രി ഹെഡ് ബാബു ഫ്രാൻസീസും ജനറൽ സെക്രട്ടറി ബിജു സ്റ്റീഫനും പത്രക്കുറിപ്പിൽ അറിയിച്ചു.

Related News

പ്രവാസികളുടെ മക്കളുടെ വിദ്യാഭ്യാസ ഉന്നമനത്തിനായി നടപ്പിലാക്ക ...
  • 27/11/2024
'കോട്ടയം ഫെസ്റ്റ് 2024'നവംബര്‍ 29-ന്; ഫ്രാന്‍സിസ് ജോര്‍ജ് എം ...
  • 27/11/2024
ടെക്സാസ് കുവൈത്ത് ഓണം ഈദ് സംഗമം സംഘടിപ്പിച്ചു
  • 26/11/2024
ലത്തീഫ് നീലഗിരിക്ക് സ്വീകരണം നൽകി
  • 26/11/2024
കെ.കെ.ഐ.സി ഫർവാനിയ നോർത്ത്, ഖൈത്താൻ യൂണിറ്റ് പുതിയ ഭാരവാഹികള ...
  • 25/11/2024
അജ്പക് കബ്ദിൽ കുടുംബ സംഗമം
  • 25/11/2024
പാലക്കാട് പ്രവാസി അസോസിയേഷൻ ഓഫ് കുവൈറ്റ് ബാലസമിതിയുടെ ആഭിമുഖ ...
  • 25/11/2024
ഉപതെരെഞ്ഞെടുപ്പ് വിജയം : ഒഐസിസി ആഹ്ലാദം പങ്കിട്ടു
  • 24/11/2024
അഹ്മദ് അൽ മഗ്‌രിബി കപ്പ് കെ.കെ.എം.എ അഖിലേന്ത്യാ സെവൻസ് പ്രീമ ...
  • 24/11/2024
'തംകീൻ-2024' മഹാ സമ്മേളനത്തിന് പ്രൗഢമായ സമാപനം
  • 23/11/2024
സ്പന്ദനം കുവൈത്ത് ഭാരവാഹികൾ
  • 23/11/2024
തിരുവല്ല പ്രവാസി അസോസിയേഷൻ ഫാമിലി പിക്കിനിക്കിന്റെ ഫ്‌ളൈയർ ...
  • 22/11/2024