കേന്ദ്ര പ്രവാസി കമ്മീഷൻ രൂപീകരണത്തിൽ തീരുമാനമെടുക്കാൻ കേന്ദ്രസർക്കാരിന് ഡൽഹി ഹൈക്കോടതിയുടെ നിർദേശം

  • 29/04/2021

കുവൈറ്റ് സിറ്റി: കേന്ദ്ര പ്രവാസി  കമ്മീഷൻ  രൂപീകരണത്തിൽ  തീരുമാനമെടുക്കാൻ  കേന്ദ്രസർക്കാരിന്  ഡൽഹി  ഹൈക്കോടതി  നിർദേശം. കേന്ദ്രത്തിൽ  ജുഡീഷ്യൽ  അധികാരങ്ങളോടെ പ്രവാസി  കമ്മീഷൻ  രൂപീകരിക്കണം എന്നാവശ്യപ്പെട്ടുകൊണ്ട്  പ്രവാസിയും  പ്രവാസി  ലീഗൽ  സെൽ  ഒമാൻ കൺട്രി ഹെഡുമായ അനീസുർ  റഹ്മാൻ  നൽകിയ  ഹർജിയിലാണ് ഡൽഹി ഹൈകോടതി നിർദ്ദേശം. ചീഫ്  ജസ്റ്റിസ് ഡി എൻ പട്ടേൽ, ജസ്റ്റിസ് ജാസ്മീത് സിങ് എന്നിവരടങ്ങിയ  ബെഞ്ചിന്റെതാണ്  ഉത്തരവ്. അടിയന്തിരമായി  ഈ  വിഷയത്തിൽ  ഹർജിക്കാരന്റെ നിവേദനത്തിൽ  തീരുമാനമെടുക്കുവാനാണ്  ഡൽഹി  ഹൈക്കോടതി കേന്ദ്ര സർക്കാരിന്  നിർദേശം  നൽകിയിരിക്കുന്നത്. 

ഗോവ, പഞ്ചാബ്, കേരളം  തുടങ്ങിയ സംസ്ഥാനങ്ങളിൽ  പ്രവാസി കമ്മീഷനുകൾ  നിലവിൽ  ഉണ്ട് എങ്കിലും  വിദേശത്തുള്ള  എംബസ്സികളും മറ്റും കേന്ദ്രസർക്കാരിന്റെ കീഴിൽ  ആയതിനാൽ കേന്ദ്രത്തിൽ  ജുഡീഷ്യൽ അധികാരങ്ങളോട്  കൂടെയുള്ള  കമ്മീഷൻ  ഉണ്ടാവേണ്ടതുണ്ട്  എന്ന് ഹർജിക്കാരൻ  ഹൈക്കോടതിയിൽ  ആവശ്യപ്പെട്ടു. പ്രവാസികൾക്കെതിരെയുള്ള  വിവിധ  ചൂഷണങ്ങളും  അതിക്രമങ്ങളും അന്വേഷണം  നടത്തി  നടപടി സ്വീകരിക്കുന്നതിനും,   പ്രവാസികളുടെ അവകാശങ്ങൾ  ഹനിക്കുന്ന എംബസികളുടെയും  മറ്റു സർക്കാർ ഉദ്യഗസ്ഥന്മാരുടെയും  നടപടികൾ വിലയിരുത്താനും നടപടി എടുക്കാനും  കേന്ദ്ര പ്രവാസി  കമ്മീഷനേ സാധിക്കൂ എന്ന്  കോടതിയിൽ  ചൂണ്ടിക്കാട്ടി. ഹർജിക്കാരനുവേണ്ടി പ്രവാസി ലീഗൽ സെൽ  ഗ്ലോബൽ പ്രസിഡന്റ്  അഡ്വ. ജോസ്  എബ്രഹാം, അഡ്വ. ദീപ ജോസഫ്, അഡ്വ. ബ്ലെസ്സൻ മാത്യൂസ്  എന്നിവർ  ഹാജരായി. പ്രവാസികൾക്കായി ദേശീയ  പ്രവാസി ( NRI) കമ്മീഷൻ സ്ഥാപിക്കുവാനായി കഴിഞ്ഞ വർഷം ജൂണിൽ ബഹു:പ്രധാനമന്ത്രിക്ക്  പ്രവാസി ലീഗൽ സെൽ   നിവേദനം നൽകിയിരുന്നു.
ഹൈക്കോടതിയുടെ നിർദേശത്തിലൂടെ കേന്ദ്ര പ്രവാസി കമ്മീഷൻ വേഗത്തിൽ നടപ്പിലാകുമെന്നു പ്രതീക്ഷിക്കുന്നതായി പ്രവാസി ലീഗൽ സെൽ കുവൈറ്റ് കൺട്രി ഹെഡ് ബാബു ഫ്രാൻസീസും ജനറൽ സെക്രട്ടറി ബിജു സ്റ്റീഫനും പത്രക്കുറിപ്പിൽ അറിയിച്ചു.

Related News

മർഹൂം : സഗീർ തൃക്കർ പൂർ കിഡ്‌നി ഡയലീസിസ് & റിസർച്ച് സെന്റർ ഉ ...
  • 29/11/2024
പ്രവാസികളുടെ മക്കളുടെ വിദ്യാഭ്യാസ ഉന്നമനത്തിനായി നടപ്പിലാക്ക ...
  • 27/11/2024
'കോട്ടയം ഫെസ്റ്റ് 2024'നവംബര്‍ 29-ന്; ഫ്രാന്‍സിസ് ജോര്‍ജ് എം ...
  • 27/11/2024
ടെക്സാസ് കുവൈത്ത് ഓണം ഈദ് സംഗമം സംഘടിപ്പിച്ചു
  • 26/11/2024
ലത്തീഫ് നീലഗിരിക്ക് സ്വീകരണം നൽകി
  • 26/11/2024
കെ.കെ.ഐ.സി ഫർവാനിയ നോർത്ത്, ഖൈത്താൻ യൂണിറ്റ് പുതിയ ഭാരവാഹികള ...
  • 25/11/2024
അജ്പക് കബ്ദിൽ കുടുംബ സംഗമം
  • 25/11/2024
പാലക്കാട് പ്രവാസി അസോസിയേഷൻ ഓഫ് കുവൈറ്റ് ബാലസമിതിയുടെ ആഭിമുഖ ...
  • 25/11/2024
ഉപതെരെഞ്ഞെടുപ്പ് വിജയം : ഒഐസിസി ആഹ്ലാദം പങ്കിട്ടു
  • 24/11/2024
അഹ്മദ് അൽ മഗ്‌രിബി കപ്പ് കെ.കെ.എം.എ അഖിലേന്ത്യാ സെവൻസ് പ്രീമ ...
  • 24/11/2024
'തംകീൻ-2024' മഹാ സമ്മേളനത്തിന് പ്രൗഢമായ സമാപനം
  • 23/11/2024
സ്പന്ദനം കുവൈത്ത് ഭാരവാഹികൾ
  • 23/11/2024