ബസേലിയോ 2023-24 ന്റെ ഉത്ഘാടനം ഡോ. എബ്രഹാം മാർ സെറാഫിം നിർവ്വഹിച്ചു

  • 12/01/2023


 
കുവൈറ്റ്‌ : മാർ ബസേലിയോസ്‌ മൂവ്മെന്റിന്റെ സുവർണ്ണ ജൂബിലി ആഘോഷങ്ങൾക്ക്‌ പ്രാരംഭം കുറിച്ചുകൊണ്ട്‌ ബസേലിയോ 2023-24-ന്റെ ഉത്ഘാടനം മലങ്കര സഭയുടെ ബാംഗ്ളൂർ ഭദ്രാസനാധിപനും തുമ്പമൺ ഭദ്രാസന സഹായ മെത്രാപ്പോലീത്തായുമായ ഡോ. എബ്രഹാം മാർ സെറാഫിം നിർവഹിച്ചു.
 
മലങ്കര സഭയുടെ മൂന്നാമത്‌ കാതോലിക്കായും, മാർ ബസേലിയോസ്‌ മൂവ്മെന്റിന്റെ കാവൽ പിതാവുമായ പരിശുദ്ധ ബസേലിയോസ്‌ ഗീവർഗീസ്‌ ദ്വിതീയൻ ബാവായുടെ 59-‍ാം ഓർമ്മപ്പെരുന്നാളിനോടും, പ്രസ്ഥാനത്തിന്റെ 49-‍ാം വാർഷികത്തോടുമനുബന്ധിച്ച്‌ അബ്ബാസിയ യുണൈറ്റഡ്‌ ഇന്ത്യൻ സ്ക്കൂളിൽ നടന്ന കുടുംബസംഗമത്തിനു കുവൈറ്റ്‌ മഹാ ഇടവകയുടെ വികാരിയും മാർ ബസേലിയോസ്‌ മൂവ്മെന്റിന്റെ പ്രസിഡണ്ടുമായ ഫാ. ലിജു കെ. പൊന്നച്ചൻ അദ്ധ്യക്ഷത വഹിച്ചു.
 
സംഘടനാംഗങ്ങൾ നേതൃത്വം നൽകിയ ക്രിസ്തീയ ഗാനസന്ധ്യയോടുകൂടി ആരംഭിച്ച ചടങ്ങിൽ മാർ ബസേലിയോസ്‌ മൂവ്മെന്റ്‌ വൈസ്‌ പ്രസിഡണ്ടും, മലങ്കര സഭാ മാനേജിംഗ്‌ കമ്മിറ്റിയംഗവുമായ തോമസ്‌ കുരുവിള സ്വാഗതവും, സുവർണ്ണ ജൂബിലി ജനറൽ കൺവീനറും, കൽക്കത്താ ഭദ്രാസന മീഡിയാ കോർഡിനേറ്ററുമായ ജെറി ജോൺ കോശി കൃതഞ്ജതയും രേഖപ്പെടുത്തി. കോയമ്പത്തൂർ തടാകം ക്രിസ്ത ശിഷ്യ ആശ്രമത്തിന്റെ ആചാര്യൻ ഫാ. ജിജോ പി. എബ്രഹാം, നാഷണൽ ഇവാഞ്ചലിക്കൽ ചർച്ച്‌ കുവൈറ്റിന്റെ സെക്രട്ടറി റോയ്‌ യോഹന്നാൻ എന്നിവർ ആശംസകൾ അർപ്പിച്ചു. 

സുവർണ ജൂബിലി ആഘോഷങ്ങളുടെ ഭാഗമായി കോയമ്പത്തൂർ തടാകം ക്രിസ്ത ശിഷ്യ ആശ്രമത്തിന്റെ അധീനതയിലുള്ള ബിഷപ്പ്‌ വാൽഷ് മെമ്മോറിയൽ ഹോസ്പിറ്റലുമായി ചേർന്ന മാർ ബസേലിയോസ്‌ മൂവ്മെന്റ്‌ നടത്തുന്ന പദ്ധതിയുടെ ഔപചാരികമായ ഉത്ഘാടനവും ഡോ. എബ്രഹാം മാർ സെറാഫിം മെത്രാപ്പോലീത്താ നിർവ്വഹിച്ചു.
 
ഫാ. ഡോ. ബിജു പാറയ്ക്കൽ, ഫാ. ഗീവർഗീസ്‌ ജോൺ, ഇടവക ട്രസ്റ്റി സാബു ഏലിയാസ്‌, സെക്രട്ടറി ഐസക്‌ വർഗീസ്‌, മാർ ബസേലിയോസ്‌ മൂവ്മെന്റ്‌ സെക്രട്ടറി ജൂബിൻ ഉമ്മൻ, ട്രഷറാർ ജോയി ജോർജ്‌  മുള്ളന്താനം എന്നിവർ ചടങ്ങിൽ സന്നിഹിതരായിരുന്നു.
 
സെന്റ്‌ ഗ്രിഗോറിയോസ്‌ ഇന്ത്യൻ ഓർത്തഡോക്സ്‌ മഹാ ഇടവകയിലെ ആത്മീയ-ജീവകാരുണ്യ പ്രസ്ഥാനമായി, 1974-ൽ സ്ഥാപിതമായ മാർ ബസേലിയോസ്‌ മൂവ്മെന്റ്‌, ജാതി-മത-വർഗ്ഗ-വർണ്ണ വ്യത്യാസമില്ലാതെ സമൂഹത്തിലെ നിരാലംബരായവർക്ക്‌ വേണ്ടുന്നതായ കൈത്താങ്ങലുകൾ നൽകിക്കൊണ്ടാണ്‌ അമ്പതാം വാർഷികത്തിന്റെ നിറവിലേക്ക്‌ പ്രവേശിക്കുന്നത്‌.

Related News

ടെക്സാസ് കുവൈത്ത് ഓണം ഈദ് സംഗമം സംഘടിപ്പിച്ചു
  • 26/11/2024
ലത്തീഫ് നീലഗിരിക്ക് സ്വീകരണം നൽകി
  • 26/11/2024
കെ.കെ.ഐ.സി ഫർവാനിയ നോർത്ത്, ഖൈത്താൻ യൂണിറ്റ് പുതിയ ഭാരവാഹികള ...
  • 25/11/2024
അജ്പക് കബ്ദിൽ കുടുംബ സംഗമം
  • 25/11/2024
പാലക്കാട് പ്രവാസി അസോസിയേഷൻ ഓഫ് കുവൈറ്റ് ബാലസമിതിയുടെ ആഭിമുഖ ...
  • 25/11/2024
ഉപതെരെഞ്ഞെടുപ്പ് വിജയം : ഒഐസിസി ആഹ്ലാദം പങ്കിട്ടു
  • 24/11/2024
അഹ്മദ് അൽ മഗ്‌രിബി കപ്പ് കെ.കെ.എം.എ അഖിലേന്ത്യാ സെവൻസ് പ്രീമ ...
  • 24/11/2024
'തംകീൻ-2024' മഹാ സമ്മേളനത്തിന് പ്രൗഢമായ സമാപനം
  • 23/11/2024
സ്പന്ദനം കുവൈത്ത് ഭാരവാഹികൾ
  • 23/11/2024
തിരുവല്ല പ്രവാസി അസോസിയേഷൻ ഫാമിലി പിക്കിനിക്കിന്റെ ഫ്‌ളൈയർ ...
  • 22/11/2024
ഡോ. യൂഹാനോൻ മാർ മിലിത്തിയോസ്‌ മെത്രാപ്പോലിത്തായ്ക്ക്‌ സ്വീകര ...
  • 22/11/2024
കെ.എം ഷാജിക്ക് കുവൈത്ത് കെഎംസിസി സ്വീകരണം നൽകി
  • 20/11/2024