റെസിഡൻസി പുതുക്കാൻ ഇനി മയക്കുമരുന്ന് പരിശോധനയും; അവസാന വട്ട പ്രവർത്തനങ്ങളിൽ കുവൈത്ത്

  • 05/06/2023


കുവൈത്ത് സിറ്റി: പ്രവാസികൾക്കായി ഡ്ര​ഗ് ഫ്രീ എക്സാമിനേഷൻ നടത്തുന്നതിനുള്ള ക്രമീകരണങ്ങളുമായി കുവൈത്ത്. ആഭ്യന്തര മന്ത്രാലയവും ആരോഗ്യ മന്ത്രാലയവും ഏകോപിപ്പിച്ചാണ് മയക്കുമരുന്ന എന്ന വിപത്തിനെ ചെറുക്കുന്നതിന് പുതിയ പദ്ധതി ആസൂത്രണം ചെയ്തിട്ടുള്ളത്. രാജ്യത്ത് മയക്കുമരുന്നിന്റെ വ്യാപനം പരമാവധി പരിമിതപ്പെടുത്തുക എന്നതാണ് ലക്ഷ്യമിടുന്നത്. മുതിർന്ന പ്രവാസികൾക്ക്  ഡ്ര​ഗ് ഫ്രീ എക്സാമിനേഷൻ നടത്തുന്നതിനുള്ള അവസാന വട്ട പ്രവർത്തനങ്ങളിലാണ് അധികൃതർ എന്ന് ഔദ്യോഗിക വൃത്തങ്ങളെ ഉദ്ധരിച്ച് പ്രാദേശിക പത്രം റിപ്പോർട്ട് ചെയ്തു. 

ആരോഗ്യ മേഖലയിലെ സുരക്ഷാ വിദഗ്ധരും ഉദ്യോഗസ്ഥരും ഉൾപ്പെട്ട ഒരു സംഘമാണ് ഇത്തരമൊരു ആശയം തയാറാക്കിയത്. മന്ത്രിസഭാ കൗൺസിലിന്റെ അം​ഗീകാരവും ലഭിച്ചു. ക്രിമിനൽ എവിഡൻസ് ഡിപ്പാർട്ട്മെന്റുമായി ഏകോപിപ്പിച്ച് നടപ്പാക്കുന്ന ഈ പദ്ധതിയിൽ മയക്കുമരുന്ന് ഉപയോഗത്തിന്റെ എക്സാമിനേഷൻ നടത്തുന്നതിനുള്ള പ്രത്യേക ആരോഗ്യ കേന്ദ്രങ്ങൾ സ്ഥാപിക്കുന്നത് അടക്കമുള്ള പ്രവർത്തനങ്ങളും ഉൾപ്പെടുന്നുണ്ട്. 

പ്രായപൂർത്തിയായവർ ജോലിക്ക് അല്ലെങ്കിൽ സന്ദർശനത്തിനോ കുടുംബത്തിനൊപ്പം ചേരുന്നതിനോ എത്തുമ്പോൾ പതിവ് മെഡിക്കൽ പരിശോധനയ്ക്കൊപ്പം ഡ്ര​ഗ് ഫ്രീ എക്സാമിനേഷൻ കൂടി ചേർക്കും. റെസിഡൻസ് പെർമിറ്റ് പുതുക്കുമ്പോഴും ഈ പരിശോധന നടത്തും. റെസിഡൻസി പുതുക്കുന്നതിന് അപേക്ഷിക്കുമ്പോൾ താമസക്കാരൻ ഈ പരിശോധനയ്ക്ക് വിധേയനാകുകയും മറ്റ് ആവശ്യങ്ങൾക്കോ ഇടപാടുകൾക്കോ ബന്ധപ്പെട്ടുമ്പോൾ ഈ രേഖ സമർപ്പിക്കുകയും വേണമെന്നും വൃത്തങ്ങൾ വിശദീകരിച്ചു.


കുവൈറ്റ് വാർത്തകൾ കൃത്യതയോടെ ഏറ്റവും ആദ്യമറിയാൻ, താഴെ കാണുന്ന ലിങ്ക് വഴി വാട്സ്ആപ്പ് ഗ്രൂപ്പിൽ ചേരാം 👇

Related News

അമിത ശബ്‌ദം പുറപ്പെടുവിക്കുന്ന വാഹന എക്‌സ്‌ഹോസ്റ്ററുകള്‍ പിട ...
  • 26/04/2024
ദുറ എണ്ണപ്പാടത്തിന്‍റെ അവകാശം; കുവൈത്ത് - ജോര്‍ദാൻ സംയുക്ത പ ...
  • 26/04/2024
കുവൈറ്റ് തീരത്ത് മത്സ്യങ്ങൾ ചത്തടിഞ്ഞ സംഭവം; ആശങ്ക വേണ്ട
  • 26/04/2024
കൂടുതല്‍ ഡോക്ടര്‍മാരെ കുവൈത്തിനാവശ്യം; മുന്നറിയിപ്പ് നൽകി വി ...
  • 26/04/2024
മത്സ്യങ്ങൾ ചത്തനിലയിൽ അടിഞ്ഞു; ഷുവൈഖ് തീരത്ത് ആശങ്ക
  • 25/04/2024
കുവൈത്തിൽ മയക്കുമരുന്ന് കേസുകളിൽ 37 പേർ അറസ്റ്റിൽ
  • 25/04/2024
2030 ആകുമ്പോൾ കാൻസർ രോഗബാധ ഇരട്ടിയാകും; കുവൈത്ത് കാൻസർ കൺട്ര ...
  • 25/04/2024
വ്യാജ ഉത്പന്നങ്ങളുടെ വിൽപ്പന; ജഹ്‌റയിലെ ആറ് കടകൾ പൂട്ടിച്ചു
  • 25/04/2024
ക്ഷയരോഗത്തിൻ്റെ വ്യാപനം കണ്ടെത്തിയിട്ടില്ലെന്ന് ആരോ​ഗ്യ വിഭാ ...
  • 25/04/2024
ആരോഗ്യ കേന്ദ്രങ്ങളിൽ ആൻറിബയോട്ടിക്കുകളുടെ ലഭ്യതക്കുറവില്ലെന് ...
  • 25/04/2024
ഹവല്ലിയിലും സാൽമിയയിലും പരിശോധന; നാല് ഭക്ഷ്യ സ്ഥാപനങ്ങൾ പൂട് ...
  • 25/04/2024
ഈജിപ്ഷ്യൻ തൊഴിലാളികൾക്ക് വർക്ക് പെർമിറ്റ് നൽകുന്നത് നിർത്തിവ ...
  • 24/04/2024