ഡോ. സി.എച്ച്. ഇബ്രാഹിം കുട്ടിക്ക് സ്വീകരണം നൽകി

  • 26/06/2023


കുവൈത്ത് സിറ്റി: എല്ലാവരെയും ഉൾക്കൊള്ളുന്ന ഇൻക്ലൂസീവ് ഇന്ത്യ എന്നത് സ്വപ്നമായി മാറാതിരിക്കാൻ എല്ലാം മറന്ന് രാജ്യത്തെ മുഴുവൻ ജനാധിപത്യ വിശ്വാസികളും ഒറ്റക്കെട്ടായി കൈകോർക്കണം എന്നും,
പകരം വെക്കാനില്ലാത്ത ജീവകാരുണ്യ പ്രസ്ഥാനമാണ് കെഎംസിസി എന്നും മഹാരാഷ്ട്ര മുസ്ലിം ലീഗ് ട്രഷറർ ഡോ. സി.എച്ച്.ഇബ്രാഹിം കുട്ടി പറഞ്ഞു. ഹൃസ്വ സന്ദർശനാർഥം കുവൈത്തിലെത്തിയ ഡോ. സി.എച്ച്. ഇബ്രാഹിം കുട്ടി കുവൈത്ത് കെ.എം.സി.സി. സംസ്ഥാന കമ്മിറ്റി നൽകിയ സ്വീകരണ യോഗത്തിൽ സംസാരിക്കുകയായിരുന്നു.

മുസ്ലിം ലീഗിന്റെ പഴയകാല പ്രതാപം മഹാരാഷ്ട്രയിൽ മടക്കിക്കൊണ്ടു വരാനുള്ള ഭഗീരഥ പ്രയത്നത്തിലാണ് അവിടുത്തെ നേതൃത്വമെന്നു അദ്ദേഹം കൂട്ടിച്ചേർത്തു. കേരളത്തിൽ സംഘപരിവാർ പ്രസ്ഥാനങ്ങൾക്ക് വേരോട്ടം ലഭിക്കാത്തത് മതേതര നിലപാടുള്ള മുസ്ലിം ലീഗിന്റെ സാന്നിധ്യവും പ്രവർത്തനങ്ങളുമാണെന്നും അദ്ദേഹം പറഞ്ഞു. പേരാമ്പ്രയിൽ അദ്ദേഹത്തിന്റെ നേതൃത്വത്തിൽ വിദ്യാഭ്യാസ , ആരോഗ്യ മേഖലകളിൽ നടക്കുന്ന അസറ്റ് സ്റ്റാർസ്, നവജീവൻ പദ്ധതികളെക്കുറിച്ചും അദ്ദേഹം വിശദീകരിച്ചു.

അബ്ബാസിയ കെ.എം.സി.സി. ഓഫീസിൽ നടന്ന സ്വീകരണ യോഗത്തിൽ പ്രസിഡന്റ് ശറഫുദ്ധീൻ കണ്ണേത്ത് അദ്ധ്യക്ഷനായിരുന്നു. സീനിയർ വൈസ് പ്രസിഡന്റ് മുഹമ്മദ് അസ്‌ലം കുറ്റിക്കാട്ടൂർ യോഗം ഉദ്ഘാടനം ചെയ്തു. വൈസ് പ്രസിഡന്റ് എൻ.കെ.ഖാലിദ് ഹാജി, സെക്രട്ടറി എഞ്ചിനീയർ മുഷ്താഖ്, കോഴിക്കോട് ജില്ലാ പ്രസിഡന്റ് ഫാസിൽ കൊല്ലം ആശംസകളർപ്പിച്ചു.

മലപ്പുറം ജില്ലാ പ്രസിഡന്റ് ഹമീദ് മൂടാൽ, കാസറഗോഡ് ജില്ലാ പ്രസിഡന്റ് അലി മാണിക്കോത്ത്, കാസറഗോഡ് ജില്ലാ ജനറൽ സെക്രട്ടറി അബ്ദു കടവത്ത്, ജില്ലാ-മണ്ഡലം നേതാക്കളായ അൻവർ, മുജീബ് നിറമരുതൂർ, ബഷീർ വാജ്‌ദാൻ, സുഹൈൽ ബല്ല, മദനി, കബീർ മൂസാജിപ്പാടി സന്നിഹിതരായിരുന്നു. ജനറൽ സെക്രട്ടറി എം.കെ.അബ്ദുൽ റസാഖ് പേരാമ്പ്ര സ്വാഗതവും സംസ്ഥാന പ്രവർത്തക സമിതിയംഗം ഷാഫി കൊല്ലം നന്ദിയും പറഞ്ഞു.

Related News

ഉപതെരെഞ്ഞെടുപ്പ് വിജയം : ഒഐസിസി ആഹ്ലാദം പങ്കിട്ടു
  • 24/11/2024
അഹ്മദ് അൽ മഗ്‌രിബി കപ്പ് കെ.കെ.എം.എ അഖിലേന്ത്യാ സെവൻസ് പ്രീമ ...
  • 24/11/2024
'തംകീൻ-2024' മഹാ സമ്മേളനത്തിന് പ്രൗഢമായ സമാപനം
  • 23/11/2024
സ്പന്ദനം കുവൈത്ത് ഭാരവാഹികൾ
  • 23/11/2024
തിരുവല്ല പ്രവാസി അസോസിയേഷൻ ഫാമിലി പിക്കിനിക്കിന്റെ ഫ്‌ളൈയർ ...
  • 22/11/2024
ഡോ. യൂഹാനോൻ മാർ മിലിത്തിയോസ്‌ മെത്രാപ്പോലിത്തായ്ക്ക്‌ സ്വീകര ...
  • 22/11/2024
കെ.എം ഷാജിക്ക് കുവൈത്ത് കെഎംസിസി സ്വീകരണം നൽകി
  • 20/11/2024
കുവൈത്ത് കെഎംസിസി 'തംകീൻ-24' നവംബർ 22 ന്
  • 19/11/2024
19-ാമത് ഗര്‍ഷോം രാജ്യാന്തര പുരസ്കാര വിതരണം അർമേനിയയിൽ, കുവൈത ...
  • 19/11/2024
അൽ തൈസീർ ഖുർആൻ പഠിതാക്കളുടെ സംഗമം സംഘടിപ്പിച്ചു
  • 19/11/2024
തനിമ കുവൈത്ത്‌ - 18ആം ദേശീയ വടംവലി മത്സരവും പേൾ ഓഫ്‌ ദി സ്കൂ ...
  • 19/11/2024
പ്രതീക്ഷ ഇന്ത്യൻ അസോസിയേഷൻ ഓണനിലാവ് 2024 സംഘടിപ്പിച്ചു
  • 18/11/2024