മലയാളികളെ കലാസ്വാദനത്തിന്‍റെ ഔന്നത്യത്തിലേക്കു നയിക്കാൻ വമ്പൻ സ്റ്റേജ്ഷോ യുമായി സൂര്യാ കൃഷ്ണമൂർത്തി

  • 05/08/2023


 

കുവൈറ്റ് സിറ്റി: മികച്ച സംഗീത-നൃത്താധിഷ്ടിത സ്റ്റേജ്ഷോകളുമായി കലാസ്വാദകരെ വിസ്മയിപ്പിച്ചിട്ടുള്ള ശ്രീ സൂര്യാകൃഷ്ണമൂർത്തിയുടെ മെഗാസ്റ്റേജ്ഷോ 'അഗ്നി-2', ആഗസ്ററ് 11-ന് മൈദാൻഹവല്ലി അമേരിക്കൻ ഇന്‍റെർനാഷണൽ സ്‌കൂൾ ഓഡിറ്റോറിയത്തിൽ അരങ്ങേറും. കായംകുളം NRIs-ന്‍റെ ബാനറിൽ നടക്കുന്ന ഈ പരിപാടി ശ്രീ സൂര്യാ കൃഷ്ണമൂർത്തി ആവിഷ്കരിച്ചിട്ടുള്ള 111-മത് കലാപ്രദർശനമാണ്. സൂര്യയുടെ നാമധേയത്തിൽ ഇതിനോടകം അവതരിപ്പിച്ചിട്ടുള്ള 110 മികച്ച കലാപ്രദർശനങ്ങൾ ഏഴായിരത്തിലധികം വേദികളിൽ അവതരിപ്പിച്ചുകൊണ്ട് കലാസ്വാദകരുടെ മുക്തകണ്ഠം പ്രശംസ നേടിയിട്ടുണ്ട്.

പതിവിൽ നിന്നും വ്യത്യസ്തമായി നൃത്തം, സംഗീതം, സിനിമ തുടങ്ങിയ സാർവലൗകിക കലാമിശ്രിതങ്ങൾ സംയോജിപ്പിച്ചുകൊണ്ടുള്ള വമ്പിച്ച കലാവിരുന്ന് ആയിരിക്കും കുവൈറ്റിൽ അരങ്ങേറുക. വിവിധ ശ്രേണികളിൽ നിപുണരായ ഇരുപത്തിയഞ്ചിലേറെ കലാകാരൻമാർ ശ്രീ സൂര്യാകൃഷ്ണമൂർത്തിയുടെ നേതൃത്വത്തിൽ ഇതിനായി എത്തിച്ചേരും.. പ്രവേശനം വിവിധ ഗ്രുപ്പ് പാസ്സുകൾ ആയി നിയന്ത്രിച്ചിട്ടുണ്ട്. 90082105, 65015834, 99170905 എന്നീ നമ്പറുകളിൽ ബന്ധപ്പെട്ട് കലാസ്വാദകർക്ക് പ്രവേശന പാസ്സുകൾ കരസ്ഥമാക്കാവുന്നതാണ്.

കായംകുളം NRIs-ന്‍റെ ഇരുപതാം വാർഷികത്തോടനുബന്ധിച്ചു നടത്തപ്പെടുന്ന ഈ കലാപരിപാടിയുടെ പ്രധാന ലക്ഷ്യം ക്ലിനിക്കൽ സൗകര്യങ്ങളോടുകൂടിയുള്ള ഒരു ഡയാലിസ് യുണിറ്റ് സ്ഥാപിച്ചു, നിർദ്ധനരായവർക്ക് ഫ്രീയായ ചികിത്സാ സൗകര്യം ഒരുക്കുക എന്നതാണ്. പരിപാടിയുടെ വിജയത്തിനായി എല്ലാവരുടെയും സഹകരണം പ്രതീക്ഷിച്ചു കൊള്ളുന്നു.

അബ്ബാസിയ, ടൂറിസ്റ്റിക് പാർക്കിലുള്ള കാലിക്കറ്റ് ഷെഫ് റെസ്റ്റോറന്റിൽ വെച്ച് നടന്ന പത്രസമ്മേളനത്തിൽ പങ്കെടുത്തവർ:- ബി.എസ്. പിള്ള (പ്രസിഡന്‍റ്), വഹാബ് റഹ്മാൻ (ജനറൽ സെക്രട്ടറി), കെ.ജി.ശ്രീകുമാർ (പ്രോഗ്രാം കൺവീനർ), സതീഷ് സി. പിള്ള (സുവനീർ കൺവീനർ), ഗോപാലകൃഷ്ണൻ, എസ്.എസ്. സുനിൽ, അരുൺസോമൻ, ഹരി പത്തിയൂർ, സിനിജിത് എന്നിവരാണ്.

Related News

ഉപതെരെഞ്ഞെടുപ്പ് വിജയം : ഒഐസിസി ആഹ്ലാദം പങ്കിട്ടു
  • 24/11/2024
അഹ്മദ് അൽ മഗ്‌രിബി കപ്പ് കെ.കെ.എം.എ അഖിലേന്ത്യാ സെവൻസ് പ്രീമ ...
  • 24/11/2024
'തംകീൻ-2024' മഹാ സമ്മേളനത്തിന് പ്രൗഢമായ സമാപനം
  • 23/11/2024
സ്പന്ദനം കുവൈത്ത് ഭാരവാഹികൾ
  • 23/11/2024
തിരുവല്ല പ്രവാസി അസോസിയേഷൻ ഫാമിലി പിക്കിനിക്കിന്റെ ഫ്‌ളൈയർ ...
  • 22/11/2024
ഡോ. യൂഹാനോൻ മാർ മിലിത്തിയോസ്‌ മെത്രാപ്പോലിത്തായ്ക്ക്‌ സ്വീകര ...
  • 22/11/2024
കെ.എം ഷാജിക്ക് കുവൈത്ത് കെഎംസിസി സ്വീകരണം നൽകി
  • 20/11/2024
കുവൈത്ത് കെഎംസിസി 'തംകീൻ-24' നവംബർ 22 ന്
  • 19/11/2024
19-ാമത് ഗര്‍ഷോം രാജ്യാന്തര പുരസ്കാര വിതരണം അർമേനിയയിൽ, കുവൈത ...
  • 19/11/2024
അൽ തൈസീർ ഖുർആൻ പഠിതാക്കളുടെ സംഗമം സംഘടിപ്പിച്ചു
  • 19/11/2024
തനിമ കുവൈത്ത്‌ - 18ആം ദേശീയ വടംവലി മത്സരവും പേൾ ഓഫ്‌ ദി സ്കൂ ...
  • 19/11/2024
പ്രതീക്ഷ ഇന്ത്യൻ അസോസിയേഷൻ ഓണനിലാവ് 2024 സംഘടിപ്പിച്ചു
  • 18/11/2024