'കഥായനം 25' സാഹിത്യ സംഗമം വൻവിജയം; കഥാകൃത്തുക്കൾക്ക് പുതിയ ദിശാബോധം

  • 08/12/2025



കുവൈറ്റ്: കുവൈറ്റിലെ പ്രവാസി എഴുത്തുകാരുടെ കൂട്ടായ്മയായ പ്രതിഭ കുവൈറ്റ് സംഘടിപ്പിച്ച 'കഥായനം25' സാഹിത്യ സംഗമം വിജയകരമായി സമാപിച്ചു. പ്രശസ്ത കഥാകാരൻ വയലാർ അവാർഡ് വിജയി വി.ജെ. ജയിംസ് പരിപാടിക്ക് നേതൃത്വം നൽകി.
ജവാഹർ.കെ.എഞ്ചിനീയർ അധ്യക്ഷത വഹിച്ച ചടങ്ങിൽ വി.ജെ. ജയിംസ് ഉദ്ഘാടനം നിർവ്വഹിച്ചു. ബാബുജി ബത്തേരി, സത്താർ കുന്നിൽ, ഹിക്മത്ത് ടി.വി, വിഭീഷ് തിക്കോടി എന്നിവർ ആശംസകൾ നേർന്നു. പ്രേമൻ ഇല്ലത്ത് സ്വാഗതവും സീന രാജ വിക്രമൻ നന്ദിയും പറഞ്ഞു. കോഡിനേഷൻ ചുമതല സേവ്യർ ആന്റണി , ജിതേഷ് രാജൻ, സതീശൻ പയ്യന്നൂർ, പ്രസീത പാട്യം എന്നിവർ നിർവ്വഹിച്ചു. 
മുഖ്യാതിഥിക്കുള്ള സ്‌നേഹോപഹാരം സതീശൻ പയ്യന്നൂർ കൈമാറി.
പരിപാടിയുടെ പ്രധാന സെഷനുകൾ കഥയുടെ വിവിധ മാനങ്ങളിലേക്കും തലങ്ങളിലേക്കും വെളിച്ചം വീശുന്നതായിരുന്നു. പ്രേമൻ ഇല്ലത്ത് മോഡറേറ്ററായ 'കഥാരൂപം' സെഷനിലും, ഷിബു ഫിലിപ്പ് മോഡറേറ്ററായ 'കഥാശില്പം' സെഷനിലും കഥയുടെ ഘടന, ജനിതകം, വിവിധ രൂപങ്ങൾ, വഴിത്താരകൾ എന്നിവയെക്കുറിച്ച് വി.ജെ. ജയിംസ് സംസാരിച്ചു. തുടർന്ന് ജ്യോതിദാസ്.പി.എൻ മോഡറേറ്ററായ 'കഥാത്മം' സെഷനിൽ, കഥയുടെ സൗന്ദര്യവും ആത്മാവും ചർച്ചാവിഷയമായി.
പങ്കെടുത്ത കഥകളുടെ പൊതു അവലോകനം നടന്ന 'കഥായനം' സെഷന് വി.ജെ. ജയിംസ് വിലയിരുത്തൽ നൽകി. സീന രാജവിക്രമൻ, ജവാഹർ.കെ.എഞ്ചിനീയർ എന്നിവർ മോഡറേറ്റർമാരായി.
അഷ് റഫ് കാളത്തോട് അവതരിപ്പിച്ച 'കഥാരവം' സെഷനിൽ 'ഒറ്റപ്പെടലിന്റെ ഭൂഖണ്ഡങ്ങളിൽ മലയാളി തീർത്ത എഴുത്തുലോകം' എന്ന വിഷയം ചർച്ച ചെയ്തു. ജലിൻ തൃപ്രയാർ “എഴുത്തിന്റെ മേഖലയിൽ AI (എ.ഐ) സാധ്യതകൾ” എന്ന വിഷയം അവതരിപ്പിച്ചു. എഴുത്തുകാരൻ ധർമ്മരാജ് മടപ്പള്ളി മോഡറേറ്റർമാരായി സെഷന് നേതൃത്വം നൽകി.
പരിപാടിയോടനുബന്ധിച്ച് 'കഥാശോഭ' സെഷനിൽ കുവൈറ്റിലെ ഒൻപത് എഴുത്തുകാരുടെ പുസ്തക പ്രകാശനം നടന്നു. അഷ് റഫ് കാളത്തോടിന്റെ “അന്തർഭാവങ്ങൾ” (കവിതാ സമാഹാരം), ഗായത്രി വിമലിന്റെ “മറന്നു വെച്ച മനുഷ്യർ”( കവിതാ സമാഹരം), പ്രസീത പാട്യത്തിന്റെ “അതിരുകൾ മായും കാലം” (കഥാ സമാഹാരം), സുലേഖ അജിയുടെ “വെള്ളാരങ്കല്ലുകൾ” (കഥാസമാഹാരം), ഉത്തമൻ വളത്തുകാടിന്റെ “പ്ലാത്തം” (കവിതാസമാഹാരം), അബ്ദുല്ലത്തീഫ് നീലേശ്വരത്തിന്റെ “തോറ്റവന്റെ പുസ്തകം” (നോവൽ), ഷിബു ഫിലിപ്പിന്റെ “ഗബ്രിയേലിന്റെ ദിനസരിയും ക്വാണ്ടം മെക്കാനിക്സും” (നോവൽ), സീന രാജവിക്രമന്റെ “പച്ചിലക്കൊത്തി” (കഥാസമാഹാരം), ജവാഹർ.കെ.എഞ്ചിനീയറുടെ “പനങ്കാറ്റ്” (കഥാസമാഹാരം) എന്നിവരുടെ പുസ്തകങ്ങളാണ് വി.ജെ.ജയിംസ് പ്രകാശനം ചെയ്തത്.
'കഥാവരി' പുസ്തക പ്രദർശനവും, ചിത്രകാരൻ ഉത്തമൻ വളത്തുകാട് ഒരുക്കിയ 'കഥാചിത്രം' പ്രദർശനവും കഥായനത്തിൽ നടന്നു.
ശില്പശാലയുടെ ഭാഗമായി തിരഞെടുക്കപ്പെട്ട കഥകൾ അടങ്ങുന്ന പുസ്തകം പ്രസിദ്ധീകരിക്കാനുള്ള നടപടികൾ തുടങ്ങുമെന്ന് സംഘാടക സമിതി അറിയിച്ചിട്ടുണ്ട്.
ശില്പശാലയുടെ ഭാഗമായി കഥയെഴുതിയവർക്ക് സർട്ടിഫിക്കറ്റുകൾ വിതരണം ചെയ്തശേഷം സമാപന സമ്മേളനത്തോടെ പരിപാടികൾക്ക് തിരശ്ശീല വീണു. പരന്ന വായനയോടെ പുതിയ ദിശാബോധത്തോടെ ഇനിയും കഥകൾ എഴുതും എന്ന ആത്മവിശ്വാസത്തോടെയായിരുന്നു കഥാകാരന്മാരും സാഹിത്യ പ്രവർത്തകരും സംഗമത്തിൽ നിന്ന് പിരിഞ്ഞത്.

Related News

എപിജെ അബ്ദുൽ കലാം പേൾ ഓഫ് സ്കൂൾ അവാർഡുകൾ വിതരണം ചെയ്തു
  • 08/12/2025
ഏറോ സ്മാഷ് ഇന്റര്‍നാഷനൽ ടൂര്‍ണമെന്റ്: കിരീടം സ്വന്തമാക്കി റി ...
  • 08/12/2025
തൃശ്ശൂർ അസ്സോസിയേഷൻ ക്രിക്കറ്റ് ടൂർണമെന്റ് സംഘടിപ്പിച്ചു
  • 06/12/2025
കുവൈത്ത് കെ.എം.സി.സി കോഴിക്കോട് ജില്ലാ കമ്മിറ്റി 'സ്പീക്ക് അ ...
  • 06/12/2025
ജികെപിഎ കുവൈറ്റ് ചാപ്റ്റർ 2026 വാർഷിക കർമ്മപദ്ധതികൾ പ്രഖ്യാപ ...
  • 06/12/2025
അഷ്റഫ് കാളത്തോടിന്റെ കവിതാ സമാഹാരം, 'അന്തർഭാവങ്ങൾ' കവർ പ്രകാ ...
  • 06/12/2025
കുവൈത്ത് കെഎംസിസി ഉദുമ മണ്ഡലം കാരംസ് ടൂർണ്ണമെന്റ് സംഘടിപ്പിച ...
  • 06/12/2025
ഉത്സവ് 2K26 2026 ജനുവരി 16 ന്
  • 06/12/2025
കുവൈത്ത് കേരള ഇസ്ലാഹീ സെന്റർ ക്വുർആൻ പരീക്ഷ വിജയികളെ പ്രഖ്യാ ...
  • 04/12/2025
തനിമ കുവൈത്തിന്റെ 19ആം ദേശീയ വടംവലി മത്സരത്തിൽ യു.എൽ.സി കെ.ക ...
  • 03/12/2025
കെ ഇ എ കമ്മ്യൂണിറ്റി അവാർഡ് 2025, അക്കര ഫൗണ്ടേഷന്
  • 03/12/2025
കുവൈത്ത് കെഎംസിസി തൃക്കരിപ്പൂർ മണ്ഡലം സെവൻസ് ഫുട്ബോൾ; ഗ്രാന് ...
  • 03/12/2025