ആരോഗ്യകേന്ദ്രങ്ങളിലും ഡ്രൈവ് ത്രൂ പോയിന്റിലും കൊവിഡ് വാക്‌സിന്റെ രണ്ടാം ഡോസ് ലഭിക്കും; അറിയിപ്പുമായി ഖത്തർ പൊതുജനാരോഗ്യ മന്ത്രാലയം

  • 09/03/2021

ദോഹ: ഖത്തറിലെ ആരോഗ്യ കേന്ദ്രങ്ങളിലും ഡ്രൈവ് ത്രൂ പോയിന്റിലും കൊവിഡ്-19 പ്രതിരോധ വാക്‌സിന്റെ രണ്ടാമത് ഡോസ് ലഭിക്കുമെന്ന് പൊതുജനാരോഗ്യ മന്ത്രാലയം അറിയിച്ചു. വാക്‌സിനേഷൻ സംബന്ധിച്ച വിവിധ അറിയിപ്പുകൾ മന്ത്രാലയം പുറത്തിറക്കി. ഘട്ടം ഘട്ടമായുള്ള വാക്‌സിനേഷൻ പദ്ധതിയിൽ മുൻഗണനാ ഗ്രൂപ്പിൽ പെട്ടവർക്ക് വാക്‌സിൻ നൽകാനാണ് മന്ത്രാലയം ശ്രമിക്കുന്നത്. 

ലുസൈലിലെ ഡ്രൈവ് ത്രൂ വാക്‌സിനേഷൻ കേന്ദ്രത്തിൽ രണ്ടാം ഡോസ് മാത്രമാണ് നൽകുന്നത്. ആദ്യ ഡോസ് സ്വീകരിക്കുമ്പോൾ തന്നെ രണ്ടാമത്തെ ഡോസ് സ്വീകരിക്കേണ്ട തിയ്യതി ജനങ്ങളെ അറിയിക്കും. ഇത് ഏതെങ്കിലും ആരോഗ്യ കേന്ദ്രങ്ങളിൽ നിന്നാണോ ഡ്രൈവ് ത്രൂ വാക്‌സിനേഷൻ കേന്ദ്രത്തിൽ നിന്നാണോ ലഭിക്കുക എന്നും അപ്പോൾ തന്നെ അറിയിക്കും. 

കൊവിഡ്-19 പ്രതിരോധ വാക്‌സിനെ കുറിച്ച് പൗരന്മാരെയും താമസക്കാരെയും ബോധവൽക്കരിക്കുന്നതിന്റെ ഭാഗമായാണ് ഇക്കാര്യങ്ങൾ ആരോഗ്യവകുപ്പ് അറിയിച്ചത്. വിവിധ ഭാഷകളിൽ വാക്‌സിനേഷൻ സംബന്ധിച്ച വിവരങ്ങൾ മന്ത്രാലയം പ്രസിദ്ധീകരിച്ചിട്ടുണ്ട്. 

നിലവിൽ 50 വയസോ അതിന് മുകളിലോ പ്രായമുള്ളവരെ അവരുടെ ആരോഗ്യാവസ്ഥ കണക്കിലെടുക്കാതെ വാക്‌സിൻ നൽകാനായി ക്ഷണിക്കുന്നു. കൂടാതെ വിട്ടുമാറാത്ത രോഗങ്ങൾ ഉള്ളവർ, ആരോഗ്യ ജീവനക്കാർ, വിവിധ മന്ത്രാലയങ്ങളിലെയും വ്യവസായ സ്ഥാപനങ്ങളിലെയും പ്രധാന ജോലിക്കാർ, അധ്യാപകർ, വിദ്യാഭ്യാസ ജീവനക്കാർ തുടങ്ങിയവരാണ് മുൻഗണനാ വിഭാഗത്തിൽ ഉൾപ്പെട്ടിരിക്കുന്നത്. ഖത്തറിലെ 27 പ്രാഥമികാരോഗ്യ കേന്ദ്രങ്ങളിലാണ് വാക്‌സിൻ വിതരണം ചെയ്യുന്നത്. 

മുൻഗണനാ വിഭാഗത്തിൽ പെട്ടവർക്ക് ആരോഗ്യകേന്ദ്രത്തിലേക്ക് എത്താൻ എസ്.എം.എസ് മുഖേന ക്ഷണം ലഭിക്കുമെന്നും മന്ത്രാലയം വ്യക്തമാക്കി. ആദ്യ ഡോസിനും രണ്ടാമത്തെ ഡോസിനും എസ്.എം.എസ് ആയി ക്ഷണം ലഭിക്കും. 

ഖത്തർ നാഷണൽ കൺവെൻഷൻ സെന്ററിലെ (ക്യു.എൻ.സി.സി) വാക്‌സിനേഷൻ കേന്ദ്രത്തിൽ അധ്യാപകർക്കും സ്‌കൂൾ അഡ്മിനിസ്‌ട്രേഷൻ ജീവനക്കാർക്കും മാത്രമാണ് വാക്‌സിൻ നൽകുന്നത്. 

ഡ്രൈവ് ത്രൂ വാക്‌സിനേഷൻ കേന്ദ്രത്തിൽ നിന്ന് വാക്‌സിനെടുക്കാൻ അപ്പോയിന്റ്‌മെന്റിന്റെ ആവശ്യമില്ല. രണ്ടാമത്തെ ഡോസിനായി നിശ്ചയിക്കപ്പെട്ട ദിവസം കേന്ദ്രം പ്രവർത്തിക്കുന്ന സമയത്ത് എപ്പോഴെങ്കിലും എത്തി ജനങ്ങൾക്ക് ഇവിടെ നിന്ന് വാക്‌സിനെടുക്കാമെന്നും മന്ത്രാലയം അറിയിച്ചു. 

കൊവിഡ്-19 പ്രതിരോധ വാക്‌സിന്റെ രണ്ടാം ഡോസ് സ്വീകരിച്ച ഉടൻ വിദേശത്തേക്ക് പോകാനും സാധിക്കും. രണ്ടാമത്തെ ഡോസ് വാക്‌സിൻ സ്വീകരിച്ച് 14 ദിവസം കഴിഞ്ഞാൽ മാത്രമാണ് ഖത്തറിലേക്ക് മടങ്ങിയെത്തുന്നവർക്ക് ക്വാറന്റൈനിൽ ഇളവ് ലഭിക്കുകയുള്ളൂവെന്നും മന്ത്രാലയം ആവർത്തിച്ചു. 

Related News

ഖത്തറിൽ എട്ട് ഇന്ത്യക്കാർക്ക് വധശിക്ഷ; ഞെട്ടിക്കുന്ന നടപടിയെ ...
  • 26/10/2023
അനിശ്ചിതമായി വൈകി എയര്‍ ഇന്ത്യ എക്‌സ്പ്രസ് വിമാനം: മണിക്കൂറു ...
  • 10/07/2023
ഖത്തര്‍ എയര്‍വേയ്‍സ് വിമാനം ആകാശച്ചുഴിയില്‍ പെട്ടു: യാത്രക്ക ...
  • 11/05/2023
യുപിഐ സൗകര്യമൊരുക്കി ഖത്തറിലെ കൊമേഴ്‌സ്യല്‍ ബാങ്ക്
  • 17/03/2023
തൊഴിൽ പെർമിറ്റ് ഇനി വേഗത്തിൽ: പുതിയ ഇ-സേവനങ്ങൾക്ക് തുടക്കമിട ...
  • 14/03/2023
ഡൽഹി-ദോഹ ഇൻഡിഗോ വിമാനം കറാച്ചിയിൽ എമർജൻസി ലാൻഡിങ് നടത്തി
  • 13/03/2023
ഇ-പെയ്‌മെന്റിന് അധിക തുക ഈടാക്കരുതെന്ന് ഖത്തറിന്റെ മുന്നറിയി ...
  • 11/03/2023
പ്രവാസികൾ അയച്ച പ്രളയ ഫണ്ട് പോലും എവിടെയും എത്തിയില്ല, ഇനി ഒ ...
  • 25/02/2023
ഹയ്യ കാർഡിൽ ഖത്തറിലേക്ക് വരാനുള്ള ഇളവിൽ കടുത്ത നിയന്ത്രണങ്ങൾ ...
  • 18/02/2023
സോണി വേൾഡ് ഫോട്ടോഗ്രഫി പുരസ്കാരം ഖത്തറിലെ അബ്ദുല്ല അൽ മുഷൈഫ് ...
  • 16/02/2023
ഖത്തർ ഇന്ത്യൻ എംബസി അപ്പെക്‌സ് ബോഡികളിലേക്കുള്ള തെരഞ്ഞെടുപ്പ ...
  • 16/02/2023
ഖത്തർ എയർവെയ്‌സ് വിമാനം ടേക് ഓഫ് ചെയ്തതിന് ശേഷം നിയന്ത്രണം ന ...
  • 10/02/2023