പരസ്പരം വച്ചുമാറിയുള്ള അവയവദാനം: നിലവിലുള്ള വ്യവസ്ഥകൾ പ്രാവർത്തികമല്ല; സർക്കാർ മാർ​ഗ നിർദേശങ്ങളിലിടപെട്ട് ഹൈക്കോടതി

  • 16/11/2021


തിരുവനന്തപുരം: പരസ്പരം വച്ചുമാറിയുള്ള അവയവദാനം അഥവാ സ്വാപ് ട്രാൻസ്പ്ലാന്റുമായി ബന്ധപ്പെട്ട സർക്കാർ മാർ​ഗ നിർദേശങ്ങളിലിടപെട്ട് ഹൈക്കോടതി. പരസ്പരം വച്ചുമാറിയുള്ള അവയവദാനത്തിന് നിലവിലുള്ള വ്യവസ്ഥകൾ പ്രാവർത്തികമല്ലെന്ന് ഹൈക്കോടതി പറഞ്ഞു. പരസ്പരം വച്ചുമാറിയുള്ള അവയവദാനത്തിനുള്ള ദാതാക്കൾ ഉറ്റബന്ധുക്കൾ ആയിരിക്കണമെന്ന വ്യവസ്ഥ വേണ്ട. ഇത് നടപ്പിലാക്കാനാകാത്തതാണ്. ഇനി മുതൽ ഇത്തരം കേസുകളിൽ ഈ വ്യവസ്ഥ നോക്കാതെ തന്നെ അനുമതി പരി​ഗണിക്കണമെന്നും കോടതി നിർദേശിച്ചു.

അവയവമാറ്റ നിയമത്തിലെ സെക്ഷൻ 9(3) പ്രകാരം അടുത്ത ബന്ധുക്കൾ അല്ലാത്തവർക്കും അവയവദാനമാകാമെന്ന് ഹൈക്കോടതി വ്യക്തമാക്കി. അടുത്ത ബന്ധുക്കൾ  ആണെങ്കിൽ മാത്രമേ പരസ്പരം വച്ചുമാറിയുള്ള അവയവദാനത്തിന് അനുമതി നൽകാവൂയെന്ന സർക്കാർ ഉത്തരവിലെ വ്യവസ്ഥയും നിലനിൽക്കില്ലെന്ന് ഹൈക്കോടതി വ്യക്തമാക്കി.

രക്ത​ഗ്രൂപ്പ് ചേരാത്തതിനാൽ പരസ്പരം വച്ചുമാറിയുള്ള അവയവദാനത്തിനുള്ള അനുമതി ഓതറൈസേഷൻ കമ്മറ്റി നിരസിച്ചതിനെതിരെയുള്ള ഹർജിയിലാണ് ജസ്റ്റിസ് എൻ നാഗരേഷിന്റെ ഉത്തരവ്

ഒരേസമയം അവയവദാനത്തിന് തയാറായെത്തുന്നവരിൽ രക്ത​ഗ്രൂപ്പ് ചേരാതെ വരുന്ന കേസുകളിൽ ചേരുന്ന രക്ത​ഗ്രൂപ്പുകൾ തമ്മിലെ അവയവദാനം നടത്തുന്നതാണ് സ്വാപ് ട്രാൻസ്പ്ലാന്റ്. മലപ്പുറം സ്വദേശി മൊയ്തീൻകുട്ടി, ഇയാളുടെ മകന്റെ ഭാര്യയുടെ അച്ഛനും ദാതാവുമായ ഉമ്മർ ഫാറൂഖ്, കണ്ണൂർ സ്വദേശി സലിം , സലിമിന്റെ ഭാര്യയും ദാതാവുമായ ജമീല എന്നിവരാണ് ഹൈക്കോടതിയെ സമീപിച്ചത്. 

മൊയ്തീൻകുട്ടിക്കും സലീമിനും വൃക്ക മാറ്റിവയ്ക്കാതെ മുന്നോട്ടുപോകാനാകില്ല. എന്നാൽ ഇവരുടെ ദാതാക്കളുടെ രക്ത​ഗ്രൂപ്പുകളുമായി ചേരുന്നുമില്ല. തുടർന്നാണ് പരസ്പരം വച്ചുമാറിയുള്ള വൃക്കദാനത്തിനായി അനുമതി നൽകുന്ന ഓതറൈസേഷൻ കമ്മറ്റിയെ സമീപിച്ചത്. സ‌ലീമിന്റെ ഭാര്യ എന്ന നിലയിൽ അടുത്ത ബന്ധു എന്ന ​ഗണത്തിൽ ജമീല വരുമെങ്കിലും ഉമ്മർ ഫാറൂഖിനെ ആ ​ഗണത്തിൽ പെടുത്താനാകില്ലെന്നായിരകുന്നു ഓതറൈസേഷൻ കമ്മറ്റിയുടെ നിലപാട്. അനുമതി നിഷേധിക്കുകയും ചെയ്തു. ഇതിനെതിരെയാണ് കോടതിയെ സമീപിച്ചത്. ഹർജിക്കാരുടെ അപേക്ഷയിൽ എത്രയും വേ​ഗം തീരുമാനമെടുക്കാനും കോടതി ഓതറൈസേഷൻ കമ്മറ്റിക്ക് നിർദേശം നൽകിയിട്ടുണ്ട്. 

അവയവദാനവുമായി ബന്ധപ്പെട്ട് പണമിടപാട് നടക്കുന്നതായുള്ള പരാതികൾ ഉയർന്നതോടെയാണ് പരസ്പരം വച്ചുമാറിയുള്ള അവയവദാനം അഥവാ സ്വാപ് ട്രാൻസ്പ്ലാന്റിന് കർ​ശന മാർ​ഗ നിർദേശം തയറാക്കി  2018 ഫെബ്രുവരി 15നാണ് സർക്കാർ ഉത്തരവ് ഇറക്കിയത്.

Related News

സംസ്ഥാനത്ത് കനത്ത മഴ; തിരുവനന്തപുരത്ത് വെള്ളക്കെട്ടില്‍ വീണ് ...
  • 08/11/2024
ദില്ലി വായുമലിനീകരണം; ഗുണനിലവാര സൂചിക ഇന്ന് രാവിലെ 383, ശ്വാ ...
  • 08/11/2024
ദിവ്യ പുറത്തിറങ്ങി; നവീൻ ബാബുവിന്റെ മരണത്തില്‍ ദുഃഖമെന്ന് പ് ...
  • 08/11/2024
കിറ്റില്‍ പുഴുവരിച്ച സംഭവം; വിജിലൻസ് അന്വേഷണത്തിന് ഉത്തരവിട് ...
  • 08/11/2024
'ചരിത്രം തിരുത്തുന്നു'; ഇടുക്കിയിലും കൊച്ചിയിലും സീപ്ലെയിൻ വ ...
  • 08/11/2024
'പി ശശിയെ പോലെ പി പി ദിവ്യയും തിരിച്ചു വരും'; സിപിഎം നടപടിയി ...
  • 07/11/2024
ഇടിയോട് കൂടിയ മഴയ്ക്ക് സാധ്യത; സംസ്ഥാനത്ത് 7 ജില്ലകളില്‍ ഇന് ...
  • 07/11/2024
പൊലീസിനെ പരോക്ഷമായി വിമര്‍ശിച്ച്‌ ഗണേഷ് കുമാര്‍; 'പൊലീസ് നേര ...
  • 07/11/2024
കാണാതായ ഡപ്യൂട്ടി തഹസില്‍ദാറുടെ ഫോണ്‍ ഓണ്‍ ആയി, ഭാര്യയുടെ കോ ...
  • 07/11/2024
പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ 20കാ ...
  • 07/11/2024
കല്‍പ്പാത്തി രഥോത്സവത്തിന് കൊടിയേറി; സാക്ഷികളായി പാലക്കാട്ടെ ...
  • 07/11/2024
22കാരിയായ ഒഡിഷ സ്വദേശിയെ മദ്യം നല്‍കി ബലാത്സംഗം ചെയ്ത കേസ്; ...
  • 07/11/2024