ദുബായിലെ ഏറ്റവും വിലയേറിയ വീട് വില്‍പ്പനയ്ക്ക്: വില 750 ദശലക്ഷം ദിര്‍ഹം

  • 15/06/2023



ദുബായിലെ ഏറ്റവും വിലയേറിയ വീട് വില്‍പ്പനയ്ക്ക്. ആഡംബരത്തിന്റെ അവസാനവാക്കെന്ന വിശേഷിക്കപ്പെടുന്ന വീടിന്ഏകദേശം 2000 കോടി രൂപയാണ് വിലപറയുന്നത് (750 ദശലക്ഷം ദിര്‍ഹം അല്ലെങ്കില്‍ 204 ദശലക്ഷം ഡോളര്‍). 60,000 ചതുരശ്ര അടി വിസ്തീര്‍ണത്തില്‍ അവിടെ ഏറ്റവും ഉയര്‍ന്ന ചെലവില്‍ നിര്‍മിച്ച ആഡംബര വീടാണിത്. ഇന്ത്യയില്‍ നിന്നുള്ള ശതകോടീശ്വരന്‍ അടക്കമുള്ളവര്‍ വീട് വാങ്ങാന്‍ താത്പര്യം പ്രകടിപ്പിച്ചതായാണ് റിപ്പോര്‍ട്ട്. 

എമിറേറ്റ്സ് ഹില്‍സിന് സമീപം സ്ഥിതി ചെയ്യുന്ന വീട്ടില്‍ അഞ്ച് പ്രധാന കിടപ്പുമുറികളാണുള്ളത്. ഓരോ മുറിയ്ക്കും 4000 ചതുരശ്ര അടി വിസ്തീര്‍ണമുണ്ട്. കിടപ്പുമുറി തന്നെ വലിയൊരു വീടിനേക്കാള്‍ വലുപ്പമുള്ളതാണെന്നതും ഈ വീടിന്റെ പ്രത്യേകതയാണ്. താഴത്തെ നിലയില്‍ ഡൈനിങ്ങിനും വിനോദത്തിനുമായി പ്രത്യേകം മുറികള്‍ സജ്ജീകരിച്ചിട്ടുണ്ട്. 19 ബാത്ത്‌റൂമുകള്‍, 15-കാര്‍ ഗാരേജ്,ഇന്‍ഡോര്‍, ഔട്ട്‌ഡോര്‍ പൂളുകള്‍, രണ്ട് ഡോമുകള്‍, 80,000 ലിറ്റര്‍ കോറല്‍ റീഫ് അക്വേറിയം, ഒരു പവര്‍ സബ്‌സ്റ്റേഷന്‍ എന്നിവയും ഇവിടുത്തെ സൗകര്യങ്ങളില്‍ ഉള്‍പ്പെടും.

രണ്ടാമത്തെ ഏറ്റവും വലിയ ബെഡ്‌റൂം സ്യൂട്ട് 2,500 ചതുരശ്ര അടിയിലാണ് നിര്‍മ്മിച്ചിരിക്കുന്നത്. ഗസ്റ്റ് റൂമുകള്‍ക്കും ഓരോന്നിനും 1,000 ചതുരശ്ര അടി വിസ്തീര്‍ണമുണ്ട്. വൈന്‍ സൂക്ഷിക്കാനായും പ്രത്യേകമുറി ക്രമീകരിച്ചിരിച്ചിട്ടുണ്ട്. 25 പേര്‍ക്കുള്ള 12 സ്റ്റാഫ് റൂമുകളും രണ്ട് നിലവറകളുമുണ്ട്. വലിയ ആഗ്രഹിച്ചാണ് വീട്ടുടമസ്ഥന്‍ ഈ വീട് നിര്‍മിച്ചത്. എന്നാല്‍, വിവാഹമോചനത്തെത്തുടര്‍ന്ന് ഇദ്ദേഹം പടുകൂറ്റന്‍ വീട്ടില്‍ ഒറ്റയ്ക്കായി.

മാര്‍ബിള്‍ പാലസ് എന്ന് വിളിക്കുന്ന വീട്ടില്‍ 80 ദശലക്ഷം ദിര്‍ഹം മുതല്‍ 100 ദശലക്ഷം ദിര്‍ഹം വരെ ചെലവ് വരുന്ന ഇറ്റാലിയന്‍ മാര്‍ബിള്‍ ഉപയോഗിച്ചിട്ടുണ്ട്. 12 വര്‍ഷമെടുത്താണ് നിര്‍മാണം പൂര്‍ത്തിയായത്. 2018 -ല്‍ പണി പൂര്‍ത്തിയായതായി പ്രോപ്പര്‍ട്ടി ബ്രോക്കര്‍മാരായ ലക്സാബിറ്റാറ്റ് സോതെബിയുടെ ഇന്റര്‍നാഷണല്‍ റിയല്‍റ്റി പറയുന്നു. ഒന്‍പത് മാസത്തിലധികം 70 അതിവിദഗ്ധ തൊഴിലാളികളാണ് വീടിന്റെ പ്രത്യേക അലങ്കാരപണികള്‍ക്കായി പണിയെടുത്തത്.

Related News

യൂണിയൻ കോപ് കമ്മ്യൂണിറ്റി കോൺട്രിബ്യൂഷൻ 8.508 മില്യൺ ദിർഹം
  • 22/09/2023
സ്റ്റോറുകളും ഇ-കൊമേഴ്സും റീട്ടെയിൽ വിപണി നിയന്ത്രിക്കുന്നു: ...
  • 08/09/2023
യുവതി ഷാര്‍ജയിൽ തൂങ്ങിമരിച്ചതിൽ ഭര്‍ത്താവിനും കുടുംബത്തിനുമെ ...
  • 28/07/2023
സ്വദേശികളും പ്രവാസികളും കൈവശമുള്ള വിലപിടിപ്പുള്ള വസ്തുക്കളെക ...
  • 27/07/2023
ശൈഖ് സഈദ് ബിന്‍ സായിദ് അല്‍ നഹ്യാന്‍ അന്തരിച്ചു
  • 27/07/2023
നെറ്റ്ഫ്‌ലിക്‌സിന്റെ പാസ്‍വേഡുകൾ പുറത്തുള്ളവരുമായി പങ്കുവെക് ...
  • 24/07/2023
ഇന്ത്യ യുഎഇ ഉഭയകക്ഷി വ്യാപാരം രൂപയിലും ദിർഹത്തിലും നടത്താൻ ധ ...
  • 15/07/2023
യുഎഇയിൽ എത്തി ഇന്ത്യൻ പ്രധാനമന്ത്രി: അബുദാബി കിരീടവകാശി ഷെയ് ...
  • 15/07/2023
പ്രധാനമന്ത്രി നരേന്ദ്ര മോദി ഇന്ന് യുഎഇയിൽ
  • 14/07/2023
സന്ദർശക വീസയിൽ യുഎഇയിലേക്ക് വരുന്നവർ ശ്രദ്ധിക്കേണ്ടത്...
  • 14/07/2023
യുഎഇയിലെ പെര്‍ഫ്യൂം ഫാക്ടറിയില്‍ വന്‍ തീപിടിത്തം
  • 11/07/2023
സ്വകാര്യ കമ്പനികളില്‍ സ്വദേശിവത്കരണത്തിന്റെ അര്‍ധ വാര്‍ഷിക ട ...
  • 08/07/2023