മുട്ടയുടെ ലഭ്യതയില്‍ ക്ഷാമം നേരിട്ട് കുവൈത്തിലെ സഹകരണ സംഘങ്ങൾ; കയറ്റുമതി നിർത്തിവച്ചു

  • 02/01/2024

 


കുവൈത്ത് സിറ്റി: സമീപ ദിവസങ്ങളിൽ നിരവധി സഹകരണ സംഘങ്ങൾ മുട്ടയുടെ ലഭ്യതയില്‍ കാര്യമായ ക്ഷാമം നേരിടുന്നതായി റിപ്പോര്‍ട്ട്. വിവിധ ഔട്ട്‌ലെറ്റുകളിൽ ഷെൽഫുകള്‍ കാലിയായ അവസ്ഥയുണ്ട്. ചില സഹകരണ സ്ഥാപനങ്ങളിൽ വിതരണക്കമ്മി 50 ശതമാനം കവിഞ്ഞതായാണ് റിപ്പോര്‍ട്ട്. രാജ്യത്ത് ഏറ്റവും കൂടുതൽ ഉപയോഗിക്കുന്ന ചരക്കുകളിലൊന്നായി കണക്കാക്കപ്പെടുന്ന മുട്ട ലഭ്യത കുറഞ്ഞത് ആശങ്കയുണ്ടാക്കുന്നുണ്ട്. മുട്ടയുടെ ക്ഷാമം രൂക്ഷമായിക്കൊണ്ടിരിക്കുന്ന പ്രതിസന്ധി ചൂണ്ടിക്കാട്ടി വാണിജ്യ മന്ത്രാലയത്തിന് അസോസിയേഷൻ ഭാരവാഹികളിൽ നിന്ന് പരാതികള്‍ ലഭിക്കുന്നുണ്ട്.

അതോടൊപ്പം പ്രാദേശിക വിപണികളിലെ ലഭ്യത നിലനിർത്തുന്നതിനും ക്ഷാമമോ വിലക്കയറ്റമോ തടയുന്നതിനുമായി കുവൈത്തിൽ നിന്നുള്ള പുതിയ മുട്ട കയറ്റുമതി താൽക്കാലികമായി നിർത്തിവയ്ക്കാൻ വാണിജ്യ, വ്യവസായ മന്ത്രി മുഹമ്മദ് അൽ-ഐബാൻ ഉത്തരവിട്ടു. 

വില വ്യത്യാസങ്ങൾ കാരണം വിദേശ കയറ്റുമതിയിലെ കുതിച്ചുചാട്ടമാണ് പ്രതിസന്ധിയുടെ പ്രധാന കാരണമായി ചൂണ്ടിക്കാട്ടപ്പെടുന്നത്. ഇത് പ്രാദേശിക വിതരണവും ഡിമാൻഡും തമ്മിലുള്ള വിടവ് വർധിക്കുന്നതിന് കാരണമായി. സഹകരണ സംഘങ്ങളിലെ മുട്ടയുടെ ദൗർലഭ്യത്തിലേക്ക് നയിക്കുകയും ചെയ്തു. സഹകരണ സംഘങ്ങളിൽ ഒരു ട്രേ  മുട്ടയുടെ സ്ഥിര വില 1.2 ദിനാർ ആണ്. പക്ഷേ സമാന്തര വിപണികളിൽ വില ഉയരും.

Related News

വേൾഡ് വിൻ്റർ ബേർഡ് കൗണ്ട് ഡേ പരിപാടിയുടെ പ്രാധാന്യം; പ്രത്യേ ...
  • 20/01/2025
റോഡ് സുരക്ഷ വർധിപ്പിക്കുന്നതിനായി കുവൈത്ത് ഡെലിവറി ഡ്രൈവർ നി ...
  • 20/01/2025
കുവൈറ്റ് ട്രാഫിക് നിയമങ്ങളിൽ ഭേദ​ഗതി; നിയമലംഘനങ്ങൾക്ക് കടുത് ...
  • 19/01/2025
സാംസ്കാരിക തലസ്ഥാനമായി കുവൈത്ത്; 235 ദിവസങ്ങളിലായി 98 പരിപാട ...
  • 19/01/2025
കുവൈത്ത് റെയിൽവേ കമ്പനിയുടെ കൺസൾട്ടിംഗ് കരാറിനുള്ള ടെൻഡർ; പു ...
  • 19/01/2025
16,000 ദിനാർ വിലമതിക്കുന്ന വിവാഹ വസ്ത്രങ്ങളും അനുബന്ധ വസ്തുക ...
  • 19/01/2025
ഷാബ് പ്രദേശത്ത് കെട്ടിടം പൊളിക്കുന്നതിനിടെ അപകടം
  • 19/01/2025
820 വിദേശ തടവുകാരെ ശിക്ഷ പൂർത്തിയാക്കാനായി അവരുടെ രാജ്യങ്ങളി ...
  • 19/01/2025
കുവൈത്ത് ആഭ്യന്തര മന്ത്രാലയം വാട്‌സ്ആപ്പിൽ ഔദ്യോഗിക വാർത്താ ...
  • 19/01/2025
പൊതു സേവന ഫീസ് നിശ്ചയിക്കാൻ മന്ത്രാലയങ്ങൾക്ക് അധികാരം നൽകി ക ...
  • 19/01/2025
കുവൈത്തിൽ കൊലപാതകക്കുറ്റത്തിന് ശിക്ഷിക്കപ്പെട്ട കുവൈത്തി സ്ത ...
  • 19/01/2025
കുവൈത്തിൽ വാഹനാപകടത്തിൽ മലയാളിയുവാവിന് ദാരുണാന്ത്യം
  • 19/01/2025