കോണ്ഗ്രസിന്റെ സാമ്ബത്തിക പ്രതിസന്ധി പരിഹരിക്കാൻ പിരിവിന് ഇറങ്ങാൻ പിസിസികള്ക്ക് മടി. സംസ്ഥാനങ്ങളില് തെരഞ്ഞെടുപ്പ് കമ്മിറ്റി ഓഫീസുകള് തുറക്കാൻ പോലും പണം ഇല്ലാത്ത നിലയില് സാമ്ബത്തിക പ്രതിസന്ധിയിലാണ് കോണ്ഗ്രസ് നേതൃത്വം. അതേസമയം ക്രൗഡ് ഫണ്ടിംഗ് വിജയിക്കുമോയെന്ന ആശയക്കുഴപ്പത്തില് ഉത്തരേന്ത്യൻ സംസ്ഥാനങ്ങളിലെ പിസിസി നേതൃത്വങ്ങള് പാര്ട്ടി ദേശീയ നേതൃത്വത്തെ ആശങ്കയറിയിച്ചു.
ഭാരത് ജോഡോ ന്യായ് യാത്രക്ക് പിരിച്ചതിന് പിന്നാലെ വീണ്ടും പണപ്പിരിവിന് ഇറങ്ങാൻ പല സംസ്ഥാന നേതൃത്വങ്ങളും കേന്ദ്ര നേതൃത്വത്തെ വിമുഖത അറിയിച്ചിട്ടുണ്ട്. സ്ഥാനാർത്ഥികള്ക്ക് വ്യക്തിപരമായി ഉണ്ടാകുന്ന ബാധ്യത ആദായ നികുതി വിലക്ക് നീക്കിയാല് പരിഹരിക്കാമെന്ന ഉറപ്പാണ് പിസിസികള്ക്ക് എഐസിസി നേതൃത്വം നല്കിയത്.
മുന്കാലങ്ങളിലുണ്ടാകാത്ത കടുത്ത സാമ്ബത്തിക പ്രതിസന്ധിയാണ് ഇപ്പോള് കോണ്ഗ്രസ് നേതൃത്വത്തെ വലയ്ക്കുന്നത്. നാല് ബാങ്കുകളിലെ 11 അക്കൗണ്ടുകള് മരവിപ്പിച്ചതോടെ തെരഞ്ഞെടുപ്പ് പ്രചാരണത്തിന് പണമില്ലാത്ത സ്ഥിതിയിലാണ് പാര്ട്ടി നേതൃത്വം. ചെലവുകള്ക്കായി സംസ്ഥാന ഘടകങ്ങള്ക്ക് ഇതുവരെ എഐസിസി പണം നല്കിയിട്ടില്ല. ക്രൗഡ് ഫണ്ടിംഗിലൂടെയോ , സംഭാവനകള് സ്വീകരിച്ചോ പണം കണ്ടെത്താനാണ് പിസിസികളോട് പറഞ്ഞത്. സ്വന്തം നിലക്ക് സ്ഥാനാര്ത്ഥികളും പണം കണ്ടെത്താൻ ശ്രമം നടത്തണം.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?