വായ്പാ തര്‍ക്കം: 54 കാരിയെ കൊലപ്പെടുത്തി മൃതദേഹം പ്രാദേശിക ശ്മശാനത്തില്‍ സംസ്കരിച്ചു

  • 12/01/2023

ന്യൂഡെല്‍ഹി: വായ്പാ തര്‍ക്കത്തെ തുടര്‍ന്ന് 54 കാരിയെ കൊലപ്പെടുത്തി മൃതദേഹം പ്രാദേശിക ശ്മശാനത്തില്‍ സംസ്കരിച്ചു. മീന വാധവന്‍ എന്ന (54) കാരിയാണ് കൊല്ലപ്പെട്ടത്. റെഹാന്‍, മൊബിന്‍ ഖാന്‍, നവീന്‍ എന്നിവരാണ് കൊലപാതകം നടത്തിയത്. പ്രതികള്‍ കുഴിച്ച്‌ മൂടിയ മൃതദേഹം പൊലീസ് ഇന്നലെ കുഴിച്ചെടുത്തു. സംഭവത്തില്‍ പ്രതികളെ പൊലീസ് അറസ്റ്റ് ചെയ്തു.


ജനുവരി രണ്ടിന് വീട് വിട്ടിറങ്ങിയ മിസ് വാധവന്‍ തിരിച്ചുവരാത്തതിനെ തുടര്‍ന്ന് നല്‍കിയ പരാതിയിലാണ് പൊലീസ് അന്വേഷണം ആരംഭിച്ചത്.വഴിവാണിഭകാര്‍ക്കും ദിവസ വേതനക്കാര്‍ക്കും പണം കടം നല്‍കുന്നവരായിരുന്നു മീന വാധവനെന്നാണ് അന്വേഷണത്തില്‍ കണ്ടെത്തി. ഇവരില്‍ നിന്നും പ്രതികള്‍ പണം കടം വാങ്ങിയിരുന്നു. വാങ്ങിയ പണം തിരിച്ചടക്കാന്‍ പ്രതികള്‍ക്ക് മേല്‍ സമ്മര്‍ദ്ദം ചെലുത്തിയിരുന്നതാണ് കുറ്റകൃത്യം ചെയ്യാന്‍ കാരണമായതെന്നാണ് പ്രതികള്‍ പൊലീസിന് നല്‍കിയ മൊഴി. അവരുടെ ഫോണ്‍ സ്വിച്ച്‌ ഓഫ് ആയിരുന്നു. അടുത്തുള്ള സിസിടിവിയില്‍ നിന്ന് ദൃശ്യങ്ങളൊന്നും കണ്ടെത്താനായില്ലെന്നും പൊലീസ് പറഞ്ഞു.

മീന വാധവന്‍്റെ ഫോണ്‍ കോളുകള്‍ പരിശോധിച്ചതിന്‍്റെ അടിസ്ഥാനത്തില്‍ ആദ്യം പ്രതിയായ മൊബിനെ ചോദ്യം ചെയ്യുകയായിരുന്നു. എന്നാല്‍കൊലപാതകത്തെ പറ്റിയുള്ള ഒരു വിവരവും ലഭിച്ചില്ല. ശേഷം നവീനെ ചോദ്യം ചെയ്യുകയായിരുന്നു. ചോദ്യം ചെയ്യലില്‍ താനും മോബിനും റെഹാനും ചേര്‍ന്ന് മീന വാധവനെ കൊലപ്പെടുത്തിയതെന്ന് നവീന്‍ മൊഴി നല്‍കി. കൊലപ്പെടുത്തി മൃതദേഹം നംഗ്ലോയിലെ ശ്മശാനത്തില്‍ കുഴിച്ചിട്ടിട്ടുണ്ടെന്നും നവീന്‍ സമ്മതിച്ചതായി പൊലീസ് പറഞ്ഞു.

എന്നാല്‍ കേസില്‍ പിടിയിലായ പ്രതികള്‍ കുടുംബ സുഹൃത്തുക്കളാണെന്ന് കൊല്ലപ്പെട്ട സ്ത്രീയുടെ കുടുംബാംഗങ്ങള്‍ പറഞ്ഞു. മൃതദേഹം കൊണ്ട് പോകാന്‍ ഉപയോഗിച്ച ഓട്ടോറിക്ഷ പൊലീസ് കസ്റ്റഡിയിലെടുത്തു. ശ്മശാനത്തിലെ കാവല്‍ക്കാരനേയും പൊലീസ് കസ്റ്റഡിയിലെടുത്തിട്ടുണ്ട്. ഇതിനായി ഇയാള്‍ പ്രതികളില്‍ നിന്ന് 5,000 രൂപ കൈപ്പറ്റിയിട്ടുള്ളതായി പൊലീസ് അറിയിച്ചു.

Related News

ശശി തരൂരിന് 56.06 കോടിയുടെ സ്വത്തുക്കള്‍; 19 ബാങ്ക് അക്കൗണ്ട ...
  • 03/04/2024
തുടര്‍ച്ചയായ രണ്ടാം പിരിവിന് ഇറങ്ങാൻ മടിച്ച്‌ പിസിസികള്‍; വി ...
  • 25/03/2024
കാറും ബൈക്കും ഓട്ടോയും വാങ്ങാൻ തള്ളിക്കയറി ജനം: റെക്കോര്‍ഡ് ...
  • 12/05/2023
യാത്രക്കാരൻ ജീവനക്കാരോട് തട്ടിക്കയറി; ദില്ലിയിൽ നിന്ന് ലണ്ടന ...
  • 10/04/2023
ഹിന്റൻബർഗ് റിപ്പോർട്ടിന് ഒരു മാസം; രക്ഷയില്ലാതെ അദാനി, നഷ്ടം ...
  • 25/02/2023
ഗൂഗിൾ ഇന്ത്യയിലും കൂട്ടപ്പിരിച്ചുവിടലിന് നടപടി തുടങ്ങിയതായി ...
  • 17/02/2023
മീന്‍ കറിയിലെ കഷ്ണത്തിന് വലിപ്പം കുറഞ്ഞതിന്റെ പേരില്‍ ഹോട്ടല ...
  • 02/02/2023
വിവാദം; ചിന്ത ജെറോമിന് ശമ്പളകുടിശ്ശിക അനുവദിച്ച് ഉത്തരവ് ഇറക ...
  • 05/01/2023
ഇന്ത്യയിലേക്ക് യാത്ര ചെയ്യുന്ന യുകെ പൗരന്മാർക്കുള്ള ഇ-വിസ സൗ ...
  • 07/12/2022
ആര്യൻ ഖാനെതിരായ ലഹരിമരുന്ന് കേസ്: എൻസിബി ഉദ്യോഗസ്ഥർക്കെതിരെ ...
  • 19/10/2022
എ.കെ.ജി സെന്ററിന് നേരെ സ്‌ഫോടക വസ്തു എറിഞ്ഞത് യൂത്ത് കോണ്‍ഗ് ...
  • 10/09/2022
കമ്മ്യൂണിസ്റ്റ് പാര്‍ട്ടിയോ സര്‍ക്കാരോ കേരളത്തിലെ ഒരു ക്ഷേത് ...
  • 29/08/2022