കുവൈറ്റ് സിറ്റി: കേരളത്തിൽ ഇടതുപക്ഷ സർക്കാരിന് തുടർച്ചയുണ്ടാകുമെന്ന് എം വി നികേഷ് കുമാർ പറഞ്ഞു. സർവ്വ മേഖലകളിലും മികച്ച പുരോഗതി കൈവരിച്ചുകൊണ്ട് കേരളം ഇന്ത്യക്ക് ബദലാകുമ്പോൾ ഇടതുപക്ഷ സർക്കാർ ഭരിക്കുന്നു എന്ന ഒറ്റക്കാരണത്താൽ കേന്ദ്ര സർക്കാരും വലതുപക്ഷ കക്ഷികളെല്ലാം ഒന്നിച്ച് കേരളത്തെ എതിർക്കുകയും ഒറ്റപ്പെടുത്താൻ ശ്രമിക്കുകയും ചെയ്യുന്നുവെന്ന് എം വി നികേഷ് കുമാർ അഭിപ്രായപ്പെട്ടു. കേരള ആർട്ട് ലവേഴ്സ് അസോസിയേഷൻ - കല കുവൈറ്റ് നടത്തിയ സഖാവ് ഇ കെ നായനാർ അനുസ്മരണ സമ്മേളനത്തിൽ മുഖ്യ പ്രഭാഷണം നടത്തവെയാണ് പ്രമുഖ മാധ്യമ പ്രവർത്തകൻ എം വി നികേഷ് കുമാർ ഇങ്ങനെ അഭിപ്രായപ്പെട്ടത്. മാധ്യമങ്ങളെ വിലയ്‌ക്കെടുത്ത് സർക്കാരിനെതിരെ അസത്യ വാർത്തകൾ സൃഷ്ടിക്കുമ്പോൾ സമൂഹമാധ്യമങ്ങൾ പരമാവധി പ്രയോജനപ്പെടുത്തിക്കൊണ്ട് അതിനെ പ്രതിരോധിക്കേണ്ടത് നമ്മുടെ ഓരോരുത്തരുടെയും കടമയാണെന്ന് അദ്ദേഹം ഓർമിപ്പിച്ചു. ഒരു സാംസ്‌കാരിക സംഘടന എന്നതിലുപരി ഇടതുപക്ഷ പുരോഗമന ആശയങ്ങൾ പ്രവാസികളിൽ പ്രചരിപ്പിക്കുക എന്ന ദൗത്യം കൂടി കല കുവൈറ്റ് നിർവഹിക്കുന്നു എന്നത് അഭിനന്ദനാർഹമാണെന്ന് അദ്ദേഹം എടുത്തു പറഞ്ഞു.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?