കല കുവൈറ്റിന്റെ നേതൃത്വത്തിൽ സൗജന്യ മാതൃഭാഷ പഠന ക്ലാസുകൾ ആരംഭിച്ചു

  • 13/06/2025

കുവൈത്ത് സിറ്റി: കേരള ആർട്ട് ലവേഴ്സ് അസോസിയേഷൻ - കല കുവൈറ്റ് മലയാളം മിഷന്റെ മാതൃഭാഷാ പഠനപദ്ധതിയുടെ ഭാഗമായി കുവൈറ്റിലെ വിവിധ ഭാഗങ്ങളിൽ മാതൃഭാഷ പഠന ക്ലാസുകൾക്ക് തുടക്കമായി. ഇന്ത്യയ്ക്ക് പുറത്ത് ആദ്യമായി സൗജന്യ മാതൃഭാഷ പഠന ക്ലാസുകൾ തുടങ്ങിയ കല കുവൈറ്റ് കഴിഞ്ഞ 35 വർഷമായി ഇത് നടത്തിവരുന്നു. ഇതിന്റെ തുടർച്ചയെന്നോണമാണ് ഈ വർഷവും ക്ലാസുകൾക്ക് തുടക്കമായത്.

അബുഹലീഫ മേഖലയിലെ ഈ വർഷത്തെ ആദ്യത്തെ ക്ലാസ് അബുഹലീഫ ബ്ലോക്ക് 3ൽ ഗോപിനാഥിൻ്റെ വസതിയിൽ ആരംഭിച്ചു. മാതൃഭാഷ മേഖല ജോയിൻ്റ് കൺവീനർ സുരേഷ് ദാമോദരൻ്റെ അധ്യക്ഷതയിൽ മാതൃഭാഷ കേന്ദ്രസമിതി ജോയിൻ്റ് കൺവിനർ അനീഷ് മണിയൻ ക്ലാസ് ഉദ്ഘാടനം ചെയ്തു. മേഖല സെക്രട്ടറി സന്തോഷ് കെ ജി, മേഖല പ്രസിഡൻ്റ് ജോബിൻ ജോൺ എന്നിവർ ആശംസകൾ നേർന്ന് സംസാരിച്ചു. 
അധ്യാപിക നിമ്യ ഗോപിനാഥിന് മാതൃഭാഷ മേഖലസമതി കൺവീനർ ഗായത്രി പഠനോപകരണങ്ങൾ കൈമാറി. കല കുവൈറ്റ് കേന്ദ്ര കമ്മിറ്റി അംഗം ശങ്കർ റാം, മേഖല എക്സിക്യൂട്ടിവ് അംഗം ഗോപീകൃഷ്ണൻ, മാതൃഭാഷ സമിതി അംഗങ്ങളായ അനൂപ്, പ്രമോദ് എന്നിവർ പങ്കെടുത്തു. മാതൃഭാഷ മേഖല ജോയിൻ്റ് കൺവീനർ രാജേഷ് സ്വാഗതം ആശംസിച്ച ചടങ്ങിന് അധ്യാപിക നിമ്യ ഗോപിനാഥ് നന്ദി രേഖപ്പെടുത്തി.
ഫഹാഹീൽ മേഖലയിലെ ഈ വർഷത്തെ മാതൃഭാഷ പഠന പ്രവർത്തനങ്ങളുടെ ഉദ്ഘാടനം മംഗഫ് ബ്ലോക്ക്‌ 3ൽ ബിനു സുഗതന്റെ വസതിയിൽ ജൂൺ 11 ബുധൻ വൈകുന്നേരം 5 മണിക്ക് കല കുവൈറ്റ്‌ ജോയിന്റ് സെക്രട്ടറി പ്രസീദ് കരുണാകരൻ നിർവഹിച്ചു. മാതൃഭാഷ കേന്ദ്രസമിതി അംഗം അജിത് പോൾ ക്ലാസുകളെ പറ്റിയുള്ള വിശദീകരണം നൽകി. ബാലവേദി മേഖല സെക്രട്ടറി ദേവാനന്ദ ബിനു ആശംസകൾ അറിയിച്ചു സംസാരിച്ചു. ഫഹാഹീൽ മേഖല ആക്ടിങ് സെക്രട്ടറി ജിൻസ് തോമസ്, മാതൃഭാഷ സമിതി കേന്ദ്രകമ്മറ്റി അംഗങ്ങൾ, മേഖല മാതൃഭാഷ സമിതി അംഗങ്ങൾ, രക്ഷിതാക്കൾ എന്നിവർ പരിപാടിയിൽ പങ്കെടുത്തു. കല കുവൈറ്റ്‌ ജോയിന്റ് സെക്രട്ടറി പ്രസീദ് കരുണാകരൻ അദ്ധ്യാപിക ദീപ ബിനുവിന് പാഠപുസ്തകം കൈമാറി.
മാതൃഭാഷ മേഖല കൺവീനർ ശ്രീരാജ് സ്വാഗതം ആശംസിച്ച പരിപാടിയിൽ മാതൃഭാഷ കേന്ദ്ര സമിതി അംഗം സജീവ് മാന്താനം നന്ദിയും അർപ്പിച്ചു.
അബ്ബാസിയ മേഖലയിൽ കല കുവൈറ്റ് കേന്ദ്രകമ്മിറ്റിയംഗം ജഗദീഷ് ചന്ദ്രന്റെ അധ്യക്ഷതയിൽ കലയുടെ അബ്ബാസിയ മേഖല സെക്രട്ടറി സജീവൻ പി പി ആദ്യത്തെ ക്ലാസ് ഉദ്ഘാടനം ചെയ്തു. മാതൃഭാഷ കേന്ദ്രസമിതി അംഗം അജിത് നെടുകുന്നം ആശംസകൾ നേർന്നു. മാതൃഭാഷ അദ്ധ്യാപകൻ രമേശ്‌ കരിക്കന് അജിത് നെടുകുന്നം പാഠപുസ്തകം കൈമാറി. മാതൃ ഭാഷ അബ്ബാസിയ മേഖല ജോയിൻ കൺവീനർ ഷിജിൻ ചടങ്ങിൽ സന്നിഹിതനായിരുന്നു.
സാൽമിയ മേഖലയിലെ ആദ്യ ക്ലാസ്സ്‌ 11-06-2025ന് സാൽമിയയിൽ യൂണിറ്റ് കൺവീനർ ജയരാജിന്റെ അധ്യക്ഷതയിൽ കല കുവൈറ്റ്‌ കേന്ദ്ര കമ്മറ്റി അംഗം ജോസഫ് നാനി ഉൽഘാടനം ചെയ്തു. സാൽമിയ മേഖല പ്രസിഡന്റ് അബ്ദുൽ നിസാർ പാഠപുസ്തകം അധ്യാപിക ബെറ്റിയ്ക്ക് കൈമാറി . സാൽമിയ മേഖല മാതൃഭാഷാ സമിതി ജോയിന്റ് കൺവീനർ മനോജ്‌, രക്ഷിതാക്കൾ വിദ്യാർത്ഥികൾ എന്നിവർ പങ്കെടുത്തു. സാൽമിയ മാതൃഭാഷാ കൺവീനർ വിനോദ് കുമാർ സ്വാഗതം ആശംസിച്ച ചടങ്ങിന് സാൽമിയ യൂണിറ്റ് കൺവീനറും അധ്യാപികയുമായ ബെറ്റി ടീച്ചർ നന്ദി രേഖപ്പെടുത്തി.

Related News

കെ.ജെ.പി.എസ് കുവൈറ്റ് വനിതാ വിഭാഗം 2025-26: പുതിയ ഭാരവാഹികൾ ...
  • 14/06/2025
കെ.കെഎം.എ ഫർവാനിയ സോണൽ ലീഡേഴ്‌സ് മീറ്റ് സംഘടിപ്പിച്ചു
  • 14/06/2025
കുവൈത്ത് - കാസർഗോഡ് ജില്ലാ കെഎംസിസി പ്രവർത്തക സംഗമം; പോസ്റ്റ ...
  • 14/06/2025
ലോക രക്തദാന ദിനത്തിൻ്റെ ഭാഗമായി ഇന്ത്യൻ എംബസി ഡോക്‌ടേഴ്‌സ് ഫ ...
  • 14/06/2025
ലോക രക്തദാന ദിനത്തിൻ്റെ ഭാഗമായി ബി ഡി കെ കുവൈത്ത് ചിത്രരചനാ ...
  • 14/06/2025
ലക്ഷ കണക്കിന് പ്രവാസികളെ ദുരിതത്തിലാഴ്ത്തുന്ന യുദ്ധ പ്രഖ്യാപ ...
  • 14/06/2025
കേരള ബ്രദേർസ് ടാക്സി വെൽഫെയർ അസോസിയേഷനും, സിറ്റി ക്ലിനിക് മഹ ...
  • 13/06/2025
ബാലവേദി കുവൈറ്റ് അബ്ബാസിയ മേഖല "വേനൽ പറവകൾ" സംഘടിപ്പിച്ചു
  • 13/06/2025
WMC കുവൈറ്റ് പ്രൊവിൻസ് ലോക പരിസ്ഥിതി ദിനം ആചരിച്ചു
  • 13/06/2025
പ്രതീക്ഷ ഇന്ത്യൻ അസോസിയേഷൻ കുവൈറ്റ്, റിഗ്ഗയ് യൂണിറ്റിന് പുതി ...
  • 13/06/2025
ഓവർസീസ് എൻ സി പി കുവൈറ്റ്- എൻ സി പി സ്ഥാപക ദിനാഘോഷം സംഘടിപ്പ ...
  • 12/06/2025
സ്പന്ദനം അസോസിയേഷൻ ചികിത്സ സഹായം കൈമാറി.
  • 10/06/2025