കൊല്ലുമെന്നു ഭീഷണിപ്പെടുത്തി വിദ്യാർഥിനികൾക്ക് തുടർച്ചയായി പീഡനം: പ്രതികൾ പിടിയിൽ

  • 01/02/2022

വിതുര: കൊല്ലുമെന്നു ഭീഷണിപ്പെടുത്തി വിദ്യാർഥിനികളായ സഹോദരിമാരെ തുടർച്ചയായി പീഡിപ്പിച്ച കേസിലെ പ്രതികൾ പിടിയിൽ. പേപ്പാറ പട്ടൻകുളിച്ചപാറ തടത്തരികത്തു വീട്ടിൽ രഞ്ജു എന്നു വിളിക്കുന്ന വിനോദ് (32), കിളിമാനൂർ അടയമൺ ചരുവിള പുത്തൻ വീട്ടിൽ ശരത് (23) എന്നിവരെയാണ് കഴിഞ്ഞ ദിവസം വിതുര പോലീസ് അറസ്റ്റു ചെയ്തത്. പ്രതികളെ റിമാൻഡ് ചെയ്തു.

പോക്‌സോ, ജുവനൈൽ ജസ്റ്റിസ് ആക്ട് എന്നീ വകുപ്പുകൾപ്രകാരം ഇവർക്കെതിരേ കേസെടുത്തു. പെൺകുട്ടികളുടെ മാതാപിതാക്കളുമായുള്ള അടുപ്പം മുതലെടുത്താണ് മൂത്തകുട്ടിയായ 16-കാരിയെ ഇയാൾ കൊല്ലുമെന്നു ഭീഷണിപ്പെടുത്തി തുടർച്ചയായി പീഡിപ്പിച്ചതെന്ന് പോലീസ് പറഞ്ഞു.

ഭയന്ന പെൺകുട്ടി വിവരം പുറത്തു പറയാത്തതോടെ ഇളയ കുട്ടിയായ 14-കാരിയേയും ഇയാൾ പീഡനത്തിനിരയാക്കി. തുടർന്ന് മാതാപിതാക്കൾ ഇല്ലാത്ത സമയത്ത് രണ്ടാം പ്രതി ശരത്തിനെയും പെൺകുട്ടികളുടെ വീട്ടിലെത്തിച്ച് പീഡനത്തിനുള്ള സൗകര്യമൊരുക്കിയതായും പോലീസ് പറഞ്ഞു. 

രണ്ടു ദിവസം മുമ്പ് മൂത്തകുട്ടിയെ ഇയാൾ മറ്റൊരു വീട്ടിലെത്തിച്ചു. അന്വേഷിച്ചെത്തിയ വീട്ടുകാർ കണ്ടത് പൂട്ടിയിട്ട പെൺകുട്ടിയെയാണ്. പെൺകുട്ടിയെ രക്ഷിച്ച ശേഷം രക്ഷാകർത്താക്കൾ പോലീസിൽ പരാതി നൽകി. ഒളിവിൽ പോയ വിനോദിനെ പത്തനംതിട്ടയിലെ സുഹൃത്തിന്റെ വീട്ടിൽ നിന്നും ശരത്തിനെ പെരിങ്ങമ്മലയിൽ നിന്നും ആണ് പിടികൂടിയത്.

വിതുര സി.ഐ. എസ്.ശ്രീജിത്ത്, എസ്.ഐ. എസ്.എൽ.സുധീഷ്, എ.എസ്.ഐ. സജു, എസ്.സി.പി.ഒ. പ്രദീപ്, സി.പി.ഒ.മാരായ ശരത്, ജസീൽ, ജവാദ്, ഹാഷിം എന്നിവരടങ്ങിയ പോലീസ് സംഘമാണ് ഇവരെ പിടികൂടിയത്. ഒന്നാം പ്രതി വിനോദ് രണ്ടു വിവാഹം കഴിച്ചിട്ടുള്ളതായും രണ്ടു കുട്ടികൾ ഉണ്ടെന്നും പോലീസ് പറഞ്ഞു.

Related News

ഷാനിമോള്‍ ഉസ്മാന്റെ മുറിയിലെ പരിശോധന; വനിതാ കമ്മീഷന് പരാതി ന ...
  • 06/11/2024
തൂങ്ങിമരിച്ചെന്ന് പറഞ്ഞ് ആശുപത്രിയില്‍ എത്തിച്ചു, പോസ്റ്റ്മോ ...
  • 06/11/2024
ഈ ട്രോളി നിറയെ പണം ഉണ്ടായിരുന്നെങ്കില്‍....; നീല ട്രോളി ബാഗു ...
  • 06/11/2024
'റെയ്ഡിന് പിന്നില്‍ ബിജെപി-സിപിഎം ഒത്തുകളി'; ബാഗില്‍ പണമെന്ന ...
  • 06/11/2024
കുര്‍ബാന തര്‍ക്കത്തില്‍ ഇടപെട്ട് വത്തിക്കാന്‍; സഭാ തീരുമാനങ് ...
  • 06/11/2024
പാതിരാറെയ്ഡ്: പ്രതിഷേധം തെരുവിലേക്ക്; എസ് പി ഓഫീസിലേക്ക് യുഡ ...
  • 06/11/2024
തെച്ചിക്കോട്ടുകാവ് രാമചന്ദ്രന് റെക്കോര്‍ഡ് ഏക്കം: മുലയംപറമ്ബ ...
  • 06/11/2024
ദേശീയോദ്യാനത്തില്‍ നിന്ന് കാണാതായത് 25 കടുവകള്‍, അന്വേഷണം
  • 06/11/2024
പണപ്പെട്ടിയുമായി ഇറങ്ങി വരൂ എന്ന് കരയുന്ന 'സിപിഎം ബിജെപി' നേ ...
  • 05/11/2024
കോണ്‍ഗ്രസിന്റെ വനിതാ നേതാക്കള്‍ താമസിച്ചിരുന്ന ഹോട്ടലില്‍ പൊ ...
  • 05/11/2024
ട്രെയിനില്‍ ബോംബ് ഭീഷണി മദ്യലഹരിയില്‍; ആളെ തിരിച്ചറിഞ്ഞു, പത ...
  • 05/11/2024
കണ്ണൂര്‍ കലക്ടര്‍ക്കെതിരെ നടക്കുന്നത് അനാവശ്യ വ്യക്തിഹത്യ; അ ...
  • 05/11/2024