സൗദി വിസ സ്റ്റാമ്പ് ചെയ്യുന്നതിൽ തടസ്സം: പാസ്‌പോർട്ടുകൾ തിരിച്ചയക്കുന്നതായി റിപ്പോർട്ട്

  • 10/03/2023



ജിദ്ദ: സൗദി അറേബ്യയിലേക്ക് ഫാമിലി വിസ അടക്കമുള്ള വിസ സ്റ്റാമ്പ് ചെയ്യുന്നതിൽ താൽകാലിക പ്രതിസന്ധി നേരിടുന്നതായി പ്രാദേശിക മാധ്യമങ്ങൾ റിപ്പോർട്ട് ചെയ്തു. ഇതേതുടർന്ന് വിസ സ്റ്റാമ്പിങ്ങിനായി സമർപ്പിക്കുന്ന ചില പാസ്‌പോർട്ടുകൾ കാരണം ബോധിപ്പിക്കാതെ തിരിച്ചയക്കുന്നതായി ട്രാവൽ ഏജന്റുമാർ സൗദിയിലെ മലയാള ദിനപത്രമായ മലയാളം ന്യൂസിനോട് പറഞ്ഞു. ഈ പാസ്‌പോർട്ടുകൾ പതിനഞ്ച് ദിവസത്തിന് ശേഷം വീണ്ടും സമർപ്പിക്കാനാണ് കോൺസുലേറ്റ് അധികൃതർ നിർദ്ദേശിക്കുന്നത്.

നിലവിൽ മുംബൈയിലെ സൗദി കോൺസുലേറ്റിൽ മാത്രമാണ് ഈ പ്രതിസന്ധിയുള്ളത്. തിരിച്ചയക്കുന്ന പാസ്‌പോർട്ടുകളിൽ പതിനഞ്ച് ദിവസത്തിന് ശേഷം വീണ്ടും സമർപ്പിക്കുക എന്ന നിർദ്ദേശം എഴുതി നൽകുന്നുണ്ട്. ഒരു കുടുംബത്തിന്റെ തന്നെ നാലും അഞ്ചും പാസ്‌പോർട്ടുകൾ ഒന്നിച്ചു സമർപ്പിക്കുമ്പോൾ അതിൽ ചിലത് മാത്രമാണ് തിരിച്ചയക്കുന്നത്. അതേസമയം, വിസ സ്റ്റാംപ് ചെയ്യാതിരിക്കാനുള്ള കാരണം ഔദ്യോഗികമായി അറിയിക്കുന്നുമില്ല. ഓൺലൈനിൽ വിസ അടിക്കുന്നുണ്ടെങ്കിലും പാസ്‌പോർട്ടിൽ ഫിസിക്കലി സ്റ്റാപ് ചെയ്യുന്നില്ല. ഈയടുത്ത ദിവസങ്ങളിലാണ് ഈ പ്രതിസന്ധിയുണ്ടായത്.

മലയാളികൾ അടക്കമുള്ള കുടുംബങ്ങൾക്ക് വൻ പ്രതിസന്ധിയാണ് ഇത് സൃഷ്ടിക്കുന്നതെന്ന് ബന്ധപ്പെട്ടവർ പറഞ്ഞു. വിമാന ടിക്കറ്റുകൾ നേരത്തെ ബുക്ക് ചെയ്താണ് പലരും വിസ സ്റ്റാംപ് ചെയ്യാൻ സമർപ്പിക്കുന്നത്. പിന്നീട് മാറ്റാനോ റദ്ദാക്കാനോ പറ്റാത്ത ടിക്കറ്റുകളാണ് പലരും എടുക്കുന്നത്. എന്തെങ്കിലും കാരണവശാൽ വിസ സ്റ്റാംപ് ചെയ്യാനാകാതെ വന്നാൽ ടിക്കറ്റ് നൽകിയ പണം നഷ്ടപ്പെടുന്ന അവസ്ഥയാണ്. 

കേരളത്തിൽ സ്‌കൂൾ അവധി തുടങ്ങുന്നതിനാൽ നിരവധി പേരാണ് വിസിറ്റ് വിസയിൽ സൗദിയിലേക്ക് വരാൻ ഒരുങ്ങി നിൽക്കുന്നത്. വിസ നടപടിക്രമങ്ങൾ ലഘൂകരിച്ചതോടെ കൂടുതൽ ആളുകൾ എത്താനും തുടങ്ങി. എന്നാൽ അപ്രതീക്ഷിതമായ പ്രതിസന്ധി മലയാളികൾ അടക്കമുള്ളവരുടെ കണക്കുകൂട്ടലുകൾ തെറ്റിച്ചിരിക്കുകയാണെന്നും റിപ്പോർട്ടിൽ വ്യക്തമാക്കുന്നു.

Related News

ഒറ്റ വിസയിൽ ഗൾഫ് രാജ്യങ്ങൾ മുഴുവൻ സന്ദർശിക്കാം: ടൂറിസ്റ്റുകള ...
  • 30/09/2023
അല്‍ അഖ്‌സ മസ്ജിദില്‍ ഇസ്രയേല്‍ അതിക്രമിച്ച് കയറിയ സംഭവത്തെ ...
  • 29/07/2023
ഹജ് വേളയിൽ ഹറമൈൻ അതിവേഗ റെയിൽവേ ഉപയോഗിക്കുന്ന യാത്രക്കാരുടെ ...
  • 15/07/2023
വിദേശ ഉംറ തീര്‍ത്ഥാടകര്‍ക്ക് പുതിയ നിര്‍ദ്ദേശങ്ങള്‍; ഒറ്റയ്ക ...
  • 11/07/2023
ജിദ്ദ അന്താരാഷ്ട്ര വിമാനത്താവളത്തില്‍ വന്‍ മയക്കുമരുന്ന് വേട ...
  • 10/07/2023
റിയാദ് വിമാനത്താവളത്തിൽ പാർക്കിങ് ഫീസ് ഇരട്ടിയോളം വര്‍ദ്ധിപ് ...
  • 04/07/2023
ആഭ്യന്തര ഹജ്ജ് തീർഥാടകർക്ക് ഡിജിറ്റൽ കാർഡ്
  • 27/06/2023
ഹജ്ജ് തീർഥാടകരുടെ യാത്രക്ക് ഇതാദ്യമായി ഇത്തവണ ‘സെൽഫ് ഡ്രൈവിങ ...
  • 24/06/2023
മസ്ജിദുകളുടെ മിനാരങ്ങളിലും ടെലികോം വയർലെസ് ടവറുകൾ സ്ഥാപിക്കു ...
  • 23/06/2023
എയർ ടാക്‌സി പരീക്ഷണം വിജയകരമായി പൂർത്തിയാക്കി സൗദി
  • 22/06/2023
അനുമതിപത്രമില്ലാത്തവരെ മക്കയിലേക്ക് പ്രവേശിക്കാൻ സഹായിക്കുന് ...
  • 14/06/2023
ഒരാഴ്ചയ്ക്കിടെ സൗദിയിൽ താമസ, തൊഴിൽ നിയമങ്ങളും അതിർത്തി സുരക് ...
  • 14/06/2023