മിഡിൽ ഈസ്റ്റിൽ താമസിക്കാനും ജോലി ചെയ്യാനും കഴിയുന്ന ഏറ്റവും മികച്ച രാജ്യം ഖത്തർ; കണ്ടെത്തൽ എച്ച്.എസ്.ബി.സി നടത്തിയ ആഗോള പ്രവാസി സർവ്വേയിൽ

  • 09/02/2021

ദോഹ: മിഡിൽ ഈസ്റ്റിൽ താമസിക്കാനും ജോലി ചെയ്യാനും കഴിയുന്ന ഏറ്റവും മികച്ച രാജ്യം ഖത്തറെന്ന് കണ്ടെത്തൽ. എച്ച്.എസ്.ബി.സി നടത്തിയ ആഗോള പ്രവാസി സർവ്വേയിലാണ് ഇക്കാര്യം കണ്ടെത്തിയത്. 

സർവ്വേഫലങ്ങൾ പ്രകാരം ഖത്തറിന് മിഡിൽ ഈസ്റ്റിൽ ഒന്നാം സ്ഥാനവും ആഗോളതലത്തിൽ ആറാം സ്ഥാനവുമാണ്. കൂടാതെ സിംഗപ്പൂരിന് പുറമെ ആദ്യ പത്ത് സ്ഥാനങ്ങളിൽ ഇടം പിടിച്ച ഏക ഏഷ്യൻ രാജ്യവും ഖത്തറാണ്. 

'ഖത്തർ ലോകത്തിലെ ചെറിയ രാജ്യങ്ങളിൽ ഒന്നായിരിക്കാം. പക്ഷേ ഏറ്റവും സമ്പന്ന രാജ്യമാണ്. അതിവേഗത്തിൽ വികസിക്കുന്ന രാജ്യമാണ് ഖത്തർ. ചുട്ടുപൊള്ളുന്ന മണലിൽ നിന്ന് ബൈബിളിലെ ബെഹമോത്തിനെ പോലെ ഉയർന്നുവന്ന രാജ്യമായ ഖത്തർ എല്ലാ മേഖലകളിലും വിദേശ പ്രൊഫഷണലുകളെ ആകർഷിക്കുന്നു.' -എച്ച്.എസ്.ബി.സി ഖത്തറിനെ കുറിച്ചുള്ള അവലോകനത്തിൽ എഴുതി. 

വാണിജ്യ പ്രവർത്തനങ്ങളുടെ ഒരു കേന്ദ്രമാണ് ദോഹയെന്നും റിപ്പോർട്ടിൽ പറയുന്നു. 

'ഒരിക്കൽ മുത്ത് വ്യവസായത്തിന്റെ കേന്ദ്രമായിരുന്ന ഖത്തർ പിന്നീട് വാതകത്തിന്റെയും എണ്ണയുടെയും സഹായത്തോടെ പൂത്തുലഞ്ഞു. ആഗോളതലത്തിൽ പ്രധാന ശക്തിയായി മാറി. ലോകത്തെ ഏറ്റവും ഉയർന്ന പ്രതിശീർഷ വരുമാനമുള്ള രാജ്യങ്ങളിലൊന്നായി. ഊർജ്ജ മേഖലയിൽ മാത്രമല്ല, ഐ.ടി, നിർമ്മാണം, ബിസിനസ്, ടൂറിസം എന്നീ മേഖലകളിലും ഖത്തർ പ്രവാസികളെ സ്വാഗതം ചെയ്യുന്നു. കൂടുതൽ പ്രവാസികളും ഖത്തറിൽ ജോലി ചെയ്യാൻ താൽപ്പര്യപ്പെടുന്നു. നികുതിരഹിതമായ അന്തരീക്ഷത്തിൽ പണം ലാഭിക്കാനും മികച്ച ജീവിതനിലവാരം ആസ്വദിക്കാനും ഖത്തറിൽ കഴിയുന്നു.' -എച്ച്.എസ്.ബി.സി പ്രവാസി സർവ്വേ റിപ്പോർട്ടിൽ പറയുന്നു.  

സർവ്വേയിൽ ഒന്നാം സ്ഥാനത്തുള്ളത് സ്വിറ്റ്‌സർലാന്റാണ്. സിംഗപ്പൂർ, ന്യൂസിലാന്റ്, ജർമ്മനി, സ്‌പെയിൻ എന്നീ രാജ്യങ്ങളാണ് ഖത്തറിന് മുന്നിലായി യഥാക്രമം രണ്ട് മുതൽ അഞ്ചുവരെ സ്ഥാനങ്ങളിൽ ഉള്ളത്. 

Related News

ഖത്തറിൽ എട്ട് ഇന്ത്യക്കാർക്ക് വധശിക്ഷ; ഞെട്ടിക്കുന്ന നടപടിയെ ...
  • 26/10/2023
അനിശ്ചിതമായി വൈകി എയര്‍ ഇന്ത്യ എക്‌സ്പ്രസ് വിമാനം: മണിക്കൂറു ...
  • 10/07/2023
ഖത്തര്‍ എയര്‍വേയ്‍സ് വിമാനം ആകാശച്ചുഴിയില്‍ പെട്ടു: യാത്രക്ക ...
  • 11/05/2023
യുപിഐ സൗകര്യമൊരുക്കി ഖത്തറിലെ കൊമേഴ്‌സ്യല്‍ ബാങ്ക്
  • 17/03/2023
തൊഴിൽ പെർമിറ്റ് ഇനി വേഗത്തിൽ: പുതിയ ഇ-സേവനങ്ങൾക്ക് തുടക്കമിട ...
  • 14/03/2023
ഡൽഹി-ദോഹ ഇൻഡിഗോ വിമാനം കറാച്ചിയിൽ എമർജൻസി ലാൻഡിങ് നടത്തി
  • 13/03/2023
ഇ-പെയ്‌മെന്റിന് അധിക തുക ഈടാക്കരുതെന്ന് ഖത്തറിന്റെ മുന്നറിയി ...
  • 11/03/2023
പ്രവാസികൾ അയച്ച പ്രളയ ഫണ്ട് പോലും എവിടെയും എത്തിയില്ല, ഇനി ഒ ...
  • 25/02/2023
ഹയ്യ കാർഡിൽ ഖത്തറിലേക്ക് വരാനുള്ള ഇളവിൽ കടുത്ത നിയന്ത്രണങ്ങൾ ...
  • 18/02/2023
സോണി വേൾഡ് ഫോട്ടോഗ്രഫി പുരസ്കാരം ഖത്തറിലെ അബ്ദുല്ല അൽ മുഷൈഫ് ...
  • 16/02/2023
ഖത്തർ ഇന്ത്യൻ എംബസി അപ്പെക്‌സ് ബോഡികളിലേക്കുള്ള തെരഞ്ഞെടുപ്പ ...
  • 16/02/2023
ഖത്തർ എയർവെയ്‌സ് വിമാനം ടേക് ഓഫ് ചെയ്തതിന് ശേഷം നിയന്ത്രണം ന ...
  • 10/02/2023