ഖത്തറിലെ 80 ശതമാനം അധ്യാപകരും സ്‌കൂൾ ജീവനക്കാരനും കൊവിഡ് വാക്‌സിൻ സ്വീകരിച്ചു

  • 23/03/2021

ദോഹ: രാജ്യത്തെ കൊവിഡ്-19 രോഗത്തിന്റെ സ്ഥിതി മന്ത്രാലയം നിരന്തരമായി നിരീക്ഷിച്ചുകൊണ്ടിരിക്കുകയാണ്. ഖത്തറിലെ 80 ശതമാനം അധ്യാപകരും സ്‌കൂൾ ജീവനക്കാരും കൊവിഡ് പ്രതിരോധ വാക്‌സിൻ സ്വീകരിച്ചെന്നും വിദ്യാഭ്യാസ-ഉന്നത വിദ്യാഭ്യാസ മന്ത്രിയുടെ ഉപദേഷ്ടാവായ മുഹമ്മദ് അൽ ബിഷ്രി അറിയിച്ചു. 

'വിദ്യാർത്ഥികളുടെയും വിദ്യാഭ്യാസ മന്ത്രാലയത്തിൽ പ്രവർത്തിക്കുന്ന എല്ലാവരുടെയും സംരക്ഷണത്തിനാണ് മന്ത്രാലയം മുൻഗണന നൽകുന്നത്. കൊവിഡ്-19 വാക്‌സിനെടുക്കാൻ ആരെയും മന്ത്രാലയം നിർബന്ധിക്കുന്നില്ല. എന്നാൽ വാക്‌സിനെടുക്കാത്തവർ എല്ലാ ആഴ്ചയിലും പി.സി.ആർ ടെസ്റ്റ് നടത്തിയതിന്റെ ഫലം സമർപ്പിക്കേണ്ടതാണ്.' -അദ്ദേഹം പറഞ്ഞു. 

കൊവിഡ് വാക്‌സിനേഷന് അർഹരായ സെക്കന്ററി സ്‌കൂൾ വിദ്യാർത്ഥികളുടെ പട്ടിക തയ്യാറാക്കി ആരോഗ്യ മന്ത്രാലയത്തിന് സമർപ്പിച്ചുവെന്നും അദ്ദേഹം അറിയിച്ചു. രാജ്യത്തെ ഏറ്റവും പുതിയ കൊവിഡ് സൂചകങ്ങൾ അടിസ്ഥാനമാക്കിയാണ് സ്‌കൂളുകളിലെ ഹാജർനില 30 ശതമാനമായി കുറച്ചത്. വിദ്യാർത്ഥികളുടെയും അധ്യാപകരുടെയും മറ്റ് ജീവനക്കാരുടെയും സംരക്ഷണം വർധിപ്പിക്കാനായാണ് ഈ തീരുമാനമെടുത്തത്. 

കൊവിഡിനെതിരായ പോരാട്ടം തുടരുന്നതിനാൽ സ്ഥിതിഗതികൾക്കനുസരിച്ച് തീരുമാനങ്ങളിൽ മന്ത്രാലയം ഭേദഗതി വരുത്തും. അതേസമയം സ്‌കൂളിന് പുറത്തുള്ള മുൻകരുതൽ നടപടികൾ കർശനമായി പാലിക്കണം. ചെറിയ ലക്ഷണങ്ങൾ കാണിച്ചാൽ തന്നെ കുട്ടികളെ സ്‌കൂളിലേക്ക് അയക്കുന്നത് ഒഴിവാക്കണമെന്ന് അദ്ദേഹം മാതാപിതാക്കളോട് ആവശ്യപ്പെട്ടു. കുട്ടികളുടെ പ്രതിരോധശേഷി ദുർബലമായതിനാലും വൈറസ് ബാധയേൽക്കാൻ കൂടുതൽ സാധ്യതയുള്ളതിനാലുമാണ് ഇതെന്നും അദ്ദേഹം കൂട്ടിച്ചേർത്തു. 

സർക്കാർ, സ്വകാര്യ സ്‌കൂളുകളിൽ ആരോഗ്യ പ്രോട്ടോക്കോളുകൾ കർശനമായി നടപ്പാക്കും. ഏതെങ്കിലും നിയമലംഘനമുണ്ടായാൽ കർശനമായ നടപടി ഉണ്ടാകും. പുതിയ വിവരങ്ങളുടെ അടിസ്ഥാനത്തിലാകും വരാനിരിക്കുന്ന പരീക്ഷകളുടെ ഷെഡ്യൂൾ സംബന്ധിച്ച് തീരുമാനമെടുക്കുകയെന്നും അദ്ദേഹം പറഞ്ഞു.

Related News

ഖത്തറിൽ എട്ട് ഇന്ത്യക്കാർക്ക് വധശിക്ഷ; ഞെട്ടിക്കുന്ന നടപടിയെ ...
  • 26/10/2023
അനിശ്ചിതമായി വൈകി എയര്‍ ഇന്ത്യ എക്‌സ്പ്രസ് വിമാനം: മണിക്കൂറു ...
  • 10/07/2023
ഖത്തര്‍ എയര്‍വേയ്‍സ് വിമാനം ആകാശച്ചുഴിയില്‍ പെട്ടു: യാത്രക്ക ...
  • 11/05/2023
യുപിഐ സൗകര്യമൊരുക്കി ഖത്തറിലെ കൊമേഴ്‌സ്യല്‍ ബാങ്ക്
  • 17/03/2023
തൊഴിൽ പെർമിറ്റ് ഇനി വേഗത്തിൽ: പുതിയ ഇ-സേവനങ്ങൾക്ക് തുടക്കമിട ...
  • 14/03/2023
ഡൽഹി-ദോഹ ഇൻഡിഗോ വിമാനം കറാച്ചിയിൽ എമർജൻസി ലാൻഡിങ് നടത്തി
  • 13/03/2023
ഇ-പെയ്‌മെന്റിന് അധിക തുക ഈടാക്കരുതെന്ന് ഖത്തറിന്റെ മുന്നറിയി ...
  • 11/03/2023
പ്രവാസികൾ അയച്ച പ്രളയ ഫണ്ട് പോലും എവിടെയും എത്തിയില്ല, ഇനി ഒ ...
  • 25/02/2023
ഹയ്യ കാർഡിൽ ഖത്തറിലേക്ക് വരാനുള്ള ഇളവിൽ കടുത്ത നിയന്ത്രണങ്ങൾ ...
  • 18/02/2023
സോണി വേൾഡ് ഫോട്ടോഗ്രഫി പുരസ്കാരം ഖത്തറിലെ അബ്ദുല്ല അൽ മുഷൈഫ് ...
  • 16/02/2023
ഖത്തർ ഇന്ത്യൻ എംബസി അപ്പെക്‌സ് ബോഡികളിലേക്കുള്ള തെരഞ്ഞെടുപ്പ ...
  • 16/02/2023
ഖത്തർ എയർവെയ്‌സ് വിമാനം ടേക് ഓഫ് ചെയ്തതിന് ശേഷം നിയന്ത്രണം ന ...
  • 10/02/2023