കുവൈത്ത് സിറ്റി: കുവൈത്തിലെ വിദ്യാഭ്യാസ സ്ഥാപനങ്ങള്‍ക്ക് ഇ ലേണിങ് സംവിധാനത്തിന് അനുമതി നല്‍കിയതായി സര്‍ക്കാര്‍ വക്താവ് താരിഖ് അൽ മുസറാം പ്രഖ്യാപിച്ചു. കഴിഞ്ഞ ദിവസം നടന്ന മന്ത്രിസഭ യോഗത്തിലാണ് ഇ ലേണിങ് സംവിധാനത്തിലൂടെ അക്കാദമിക് വർഷം തുടരുന്നതിന് അനുമതി നല്‍കിയത്. ഏഴ്മാസത്തോളം രാജ്യത്തെ വിദ്യാഭ്യാസ മേഖല സ്തംഭിക്കുന്നത് ഒഴിവാക്കാനാണ് ഓൺലൈൻ ക്ലാസുകൾക്ക് അനുമതി നല്‍കിയത്. വിദൂരവിദ്യാഭ്യാസത്തിലൂടെ അക്കാദമിക് വർഷം തുടരാൻ അവസരങ്ങൾ നൽകുന്നതിന് ആവശ്യമായ നടപടികൾ സ്വീകരിക്കാൻ ഉന്നത വിദ്യാഭ്യാസ മന്ത്രി ഡോ. സൌദ് അൽ ഹർബിയോട് നിര്‍ദ്ദേശിച്ചതായും താരിഖ് അൽ മുസറാം പറഞ്ഞു. നേരത്തെ ഓൺലൈൻ ക്ലാസുകൾ നടത്താൻ പാടില്ലെന്ന് വ്യക്തമാക്കിയിരുന്ന മന്ത്രാലയം ഉത്തരവ് ലംഘിച്ചാൽ ശക്തമായ നടപടിയെടുക്കുമെന്നും മുന്നറിയിപ്പ് നൽകിയിരുന്നു. ഈ ഉത്തരവാണ് ഇപ്പോള്‍ റദ്ദാക്കിയത്.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?