ദുബായലേയ്ക്ക്‌ ഖത്തർ വഴി യാത്ര: പ്രവാസികൾക്ക് പ്രതീക്ഷ

  • 18/07/2021

ദുബായ്: ദുബായലേയ്ക്ക്‌ ഖത്തർ വഴിയുള്ള യാത്രയ്ക്കു വഴി തുറന്നത് പ്രവാസികൾക്കു പ്രതീക്ഷയേകി. ദുബായിലേക്കുള്ള 13 പേർ ഇന്നു രാത്രിയുള്ള വിമാനത്തിൽ കോഴിക്കോട്ടു നിന്ന് ഖത്തറിലെത്തും.

അവിടെ ക്വാറന്റീനിനുള്ള ഹോട്ടൽ ബുക്കിങ് നടത്തി, ഖത്തറിലെ ഇഹ്തെറാസ് മൊബൈൽ ആപ്ലിക്കേഷനിൽ റജിസ്റ്റർ ചെയ്ത ശേഷമാണു യാത്ര. 2 ഡോസ് വാക്സീനും സ്വീകരിച്ച് 14 ദിവസം കഴിഞ്ഞവർക്കാണു യാത്രാനുമതി ലഭിക്കുക. മുൻപു നിർത്തലാക്കിയിരുന്ന ഓൺ അറൈവൽ വീസയും ഖത്തർ പുനഃസ്ഥാപിച്ചിട്ടുണ്ട്.

റിട്ടേൺ ടിക്കറ്റും ബുക്ക് ചെയ്യണം എന്നാണ് നിർദേശമെങ്കിലും ദുബായ് ടിക്കറ്റും താമസവീസയും കാണിക്കുന്നവർക്ക് യാത്രാനുമതി ലഭിക്കുന്നുണ്ടെന്ന് ട്രാവൽ ഏജൻസികൾ അറിയിച്ചു. ക്വാറന്റീൻ ഉൾപ്പെടെ ഒരാൾക്ക് ഒന്നേകാൽ ലക്ഷത്തോളം രൂപ ചെലവാകും. 2 വാക്സീനും ലഭിച്ച പ്രവാസികൾ കുറവായതിനാൽ 26നു ശേഷമാണു കൂടുതൽ ബുക്കിങ്ങുകൾ ഉള്ളത്.

ഏപ്രിൽ 24 മുതൽ ഇന്ത്യക്കാർക്ക് യുഎഇ യാത്രാവിലക്ക് ഏർപ്പെടുത്തിയതോടെ ബഹ്റൈൻ, സൗദി എന്നിവിടങ്ങളിലൂടെയായിരുന്നു കൂടുതൽ പ്രവാസികളും എത്തിയിരുന്നത്. അവിടെയും വിലക്ക് വന്നതോടെ അർമേനിയ, താഷ്ക്കന്റ് വഴി പോലും വൻതുക മുടക്കി ദുബായിൽ എത്തിയവരുണ്ട്.

ഇത്തിഹാദ് ഉൾപ്പടെയുള്ള വിമാനക്കമ്പനികൾ 31 വരെ സർവീസ് നിർത്തിയിരിക്കുന്നതിനാൽ യുഎഇയിലേക്ക് എത്തേണ്ടവർക്കു ഖത്തർ പ്രതീക്ഷ നൽകുകയാണ്. അതേസമയം യാത്രാനിരോധനം നീക്കുന്നത് സംബന്ധിച്ച് യുഎഇ അധികൃതരുമായുള്ള ചർച്ചകൾ പുരോഗമിക്കുകയാണെന്ന് കഴിഞ്ഞദിവസം ദുബായ് ഇന്ത്യൻ കോൺസൽ ജനറൽ ഡോ.അമൻപുരി അറിയിച്ചിരുന്നു. മാസാവസാനത്തോടെ വിലക്ക് നീങ്ങുമെന്നാണു സൂചന.

Related News

ഖത്തറിൽ എട്ട് ഇന്ത്യക്കാർക്ക് വധശിക്ഷ; ഞെട്ടിക്കുന്ന നടപടിയെ ...
  • 26/10/2023
അനിശ്ചിതമായി വൈകി എയര്‍ ഇന്ത്യ എക്‌സ്പ്രസ് വിമാനം: മണിക്കൂറു ...
  • 10/07/2023
ഖത്തര്‍ എയര്‍വേയ്‍സ് വിമാനം ആകാശച്ചുഴിയില്‍ പെട്ടു: യാത്രക്ക ...
  • 11/05/2023
യുപിഐ സൗകര്യമൊരുക്കി ഖത്തറിലെ കൊമേഴ്‌സ്യല്‍ ബാങ്ക്
  • 17/03/2023
തൊഴിൽ പെർമിറ്റ് ഇനി വേഗത്തിൽ: പുതിയ ഇ-സേവനങ്ങൾക്ക് തുടക്കമിട ...
  • 14/03/2023
ഡൽഹി-ദോഹ ഇൻഡിഗോ വിമാനം കറാച്ചിയിൽ എമർജൻസി ലാൻഡിങ് നടത്തി
  • 13/03/2023
ഇ-പെയ്‌മെന്റിന് അധിക തുക ഈടാക്കരുതെന്ന് ഖത്തറിന്റെ മുന്നറിയി ...
  • 11/03/2023
പ്രവാസികൾ അയച്ച പ്രളയ ഫണ്ട് പോലും എവിടെയും എത്തിയില്ല, ഇനി ഒ ...
  • 25/02/2023
ഹയ്യ കാർഡിൽ ഖത്തറിലേക്ക് വരാനുള്ള ഇളവിൽ കടുത്ത നിയന്ത്രണങ്ങൾ ...
  • 18/02/2023
സോണി വേൾഡ് ഫോട്ടോഗ്രഫി പുരസ്കാരം ഖത്തറിലെ അബ്ദുല്ല അൽ മുഷൈഫ് ...
  • 16/02/2023
ഖത്തർ ഇന്ത്യൻ എംബസി അപ്പെക്‌സ് ബോഡികളിലേക്കുള്ള തെരഞ്ഞെടുപ്പ ...
  • 16/02/2023
ഖത്തർ എയർവെയ്‌സ് വിമാനം ടേക് ഓഫ് ചെയ്തതിന് ശേഷം നിയന്ത്രണം ന ...
  • 10/02/2023