ഖത്തറിലെ പ്രവാസികൾക്ക് രേഖകളിലെ പിഴവുകൾ തിരുത്താൻ ഒരവസരം കൂടി

  • 11/04/2022



ദോഹ : ഖത്തറിലെ പ്രവാസികൾക്ക് രേഖകളിലെ പിഴവുകൾ തിരുത്താൻ ഒരവസരം കൂടി. വിസ ചട്ടങ്ങൾ ലംഘിച്ച് രാജ്യത്ത് തുടരുന്നവർക്ക് രേഖകൾ ശരിയാക്കാൻ ഏപ്രിൽ 30 വരെ സമയം അനുവദിച്ചതായി ആഭ്യന്തര മന്ത്രാലയം അറിയിച്ചു. മാർച്ച് 30 ന് ഈ സമയപരിധി അവസാനിക്കും എന്നായിരുന്നു നേരത്തെ അറിയിച്ചിരുന്നത്. ആഭ്യന്തര മന്ത്രാലയത്തിലെ സേർച്ച്‌ ആൻഡ് ഫോളോ അപ്പ് വിഭാഗത്തിലൂടെയാണ് രേഖകൾ ശരിയാക്കാനുള്ള അപേക്ഷ നൽകേണ്ടത്. 

കമ്പനി ഉടമകൾക്കും പ്രവാസികളായ തൊഴിലാളികൾക്കും അൻപത് ശതമാനം പിഴയിളവോടെ രേഖകളിലെ തെറ്റുകൾ തിരുത്താനുള്ള അവസരമാണ് പൊതുമാപ്പ് കാലയളവിൽ ലഭിക്കുന്നത്. ഈ ആനുകൂല്യം ഏവർക്കും ലഭ്യമാവുന്നുണ്ട് എന്നുറപ്പാക്കാനാണ് ഒരുമാസം കൂടെ സമയം അനുവദിച്ചതെന്ന് ആഭ്യന്തരമന്ത്രാലയം വിശദീകരിച്ചു. ഒരു തൊഴിലുടമയിൽ നിന്നും മറ്റൊരു തൊഴിലുടമയിലേക്ക് സ്പോൺസർഷിപ്പ് മാറ്റേണ്ടവർ അൽ റയ്യാൻ, ഉംസലാൽ, അൽ വക്ര, മിസൈമീർ, ഉമ്മുസെനൈം എന്നീ സർവീസ് സെന്ററുകളിലാണ് അപേക്ഷ സമർപ്പിക്കേണ്ടത്. 

നിലവിലെ സ്പോൺസർക്ക് കീഴിൽ തന്നെ തുടർന്നുകൊണ്ട് രേഖകൾ ശരിയാക്കേണ്ടവർക്ക് മുകളിൽ പറഞ്ഞ സെന്ററുകളും, ഒപ്പം ദുഖാൻ, ദി പേൾ, സൂഖ് വാഖിഫ്, അൽ ശഹാനിയ, അൽ ഖോർ, അൽ ദയാൻ, ഉനൈസ എന്നീ സെന്ററുകളും സന്ദർശിക്കാം. 2021 ഒക്ടോബർ 10 ന് പ്രഖ്യാപിക്കപ്പെട്ട ഈ പൊതുമാപ്പ് ഉപയോഗിച്ച് നിരവധി പ്രവാസികൾ ഇതിനോടകം രേഖകളിലെ പിഴവുകൾ തിരുത്തിയിട്ടുണ്ട്.

Related News

ഖത്തറിൽ എട്ട് ഇന്ത്യക്കാർക്ക് വധശിക്ഷ; ഞെട്ടിക്കുന്ന നടപടിയെ ...
  • 26/10/2023
അനിശ്ചിതമായി വൈകി എയര്‍ ഇന്ത്യ എക്‌സ്പ്രസ് വിമാനം: മണിക്കൂറു ...
  • 10/07/2023
ഖത്തര്‍ എയര്‍വേയ്‍സ് വിമാനം ആകാശച്ചുഴിയില്‍ പെട്ടു: യാത്രക്ക ...
  • 11/05/2023
യുപിഐ സൗകര്യമൊരുക്കി ഖത്തറിലെ കൊമേഴ്‌സ്യല്‍ ബാങ്ക്
  • 17/03/2023
തൊഴിൽ പെർമിറ്റ് ഇനി വേഗത്തിൽ: പുതിയ ഇ-സേവനങ്ങൾക്ക് തുടക്കമിട ...
  • 14/03/2023
ഡൽഹി-ദോഹ ഇൻഡിഗോ വിമാനം കറാച്ചിയിൽ എമർജൻസി ലാൻഡിങ് നടത്തി
  • 13/03/2023
ഇ-പെയ്‌മെന്റിന് അധിക തുക ഈടാക്കരുതെന്ന് ഖത്തറിന്റെ മുന്നറിയി ...
  • 11/03/2023
പ്രവാസികൾ അയച്ച പ്രളയ ഫണ്ട് പോലും എവിടെയും എത്തിയില്ല, ഇനി ഒ ...
  • 25/02/2023
ഹയ്യ കാർഡിൽ ഖത്തറിലേക്ക് വരാനുള്ള ഇളവിൽ കടുത്ത നിയന്ത്രണങ്ങൾ ...
  • 18/02/2023
സോണി വേൾഡ് ഫോട്ടോഗ്രഫി പുരസ്കാരം ഖത്തറിലെ അബ്ദുല്ല അൽ മുഷൈഫ് ...
  • 16/02/2023
ഖത്തർ ഇന്ത്യൻ എംബസി അപ്പെക്‌സ് ബോഡികളിലേക്കുള്ള തെരഞ്ഞെടുപ്പ ...
  • 16/02/2023
ഖത്തർ എയർവെയ്‌സ് വിമാനം ടേക് ഓഫ് ചെയ്തതിന് ശേഷം നിയന്ത്രണം ന ...
  • 10/02/2023