കുവൈത്ത് സിറ്റി: കോവിഡ് പ്രതിസന്ധി, വർക്ക് അറ്റ് ഹോം, വീട്ടുനിരീക്ഷണം, ലോക്ക് ഡൗൺ തുടങ്ങിയവ മൂലം മാനസിക സമ്മർദ്ദം അനുഭവിക്കുന്നവർക്കായി സൗജന്യ കൗൺസലിങ് ഒരുക്കി. കെ.െഎ.ജി, യൂത്ത് ഇന്ത്യ, െഎവ എന്നിവ കനിവ്, ടീം വെൽഫെയർ എന്നിവയുടെ സഹകരണത്തോടെയാണ് കൗൺസലിങ് സൗകര്യമൊരുക്കിയത്. നഷ്ടം, ഒറ്റക്ക് വീട്ടിലിരിക്കുന്നത്, കൊറോണ ഭീതി, നാട്ടിലെ അവസ്ഥയെ ചൊല്ലിയും നാട്ടിൽ പോവാൻ കഴിയാത്തതിനാലുമുള്ള ആധി, ജീവിതം വഴിമുട്ടുമോ എന്ന ഉത്കണ്ഠ, കുടുംബത്തെ ഒാർത്തുള്ള വിഷമം തുടങ്ങിയ കാരണങ്ങളാൽ നിരവധി പേരാണ് വിഷാദാവസ്ഥയിലും മാനസിക പ്രയാസത്തിലുമുള്ളത്. ഇൗ സാഹചര്യത്തിലാണ് കുവൈത്തിലെ പ്രവാസികൾക്കായി സൗജന്യ കൗൺസലിങ് സേവനം ലഭ്യമാക്കിയത്. വിളിക്കുന്നവരുടെ വ്യക്തിഗത വിവരങ്ങൾ പുറത്തുവിടില്ല. കൂട്ടായ്മയുടെ അകത്തുപോലും ഇൗ വിവരങ്ങൾ പങ്കുവെക്കപ്പെടില്ലെന്ന് ബന്ധപ്പെട്ടവർ വാർത്താക്കുറിപ്പിൽ വ്യക്തമാക്കി. സങ്കീർണമായ കേസുകൾ നാട്ടിലുള്ള സൈക്യാർട്ടിസ്റ്റ്, സൈക്കോളജിസ്റ്റ് എന്നിവരുമായി ബന്ധിപ്പിക്കും. സോണൽ കോഒാഡിനേറ്റർമാരെ ബന്ധപ്പെടാം. ഫോൺ: അബ്ബാസിയ (നബീൽ -67785350), ഫർവാനിയ (അഫ്സൽ ഉസ്മാൻ -66478880), കുവൈത്ത് സിറ്റി (ഹിദായത്തുല്ല -99362430), സാൽമിയ (ഷാജഹാൻ -65667981), റിഗ്ഗഇ (അറഫാത്ത് -99718354), ഫഹാഹീൽ (ബാസിൽ -66048769), അബൂഹലീഫ (നിഹാദ് ഫൈസൽ -65949240).
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?