ഗൃഹനാഥന്റെ മൃതദേഹം പുഴുവരിച്ച നിലയിൽ; മരിച്ചത് അറിഞ്ഞില്ലെന്ന് വീട്ടുകാര്‍

  • 15/12/2021

കണ്ണൂർ: കണ്ണൂർ തളാപ്പിലെ വീട്ടിൽ ഗൃഹനാഥന്റെ മൃതദേഹം പുഴുവരിച്ച നിലയിൽ കണ്ടെത്തി. അറുപത്തിയേഴ് വയസുള്ള അബ്ദുൽ റാസിഖിനെയാണ് മരിച്ച നിലയില്‍ കണ്ടെത്തിയത്. മൃതദേഹത്തിന് ദിവസങ്ങൾ പഴക്കമുണ്ട്. എന്നാല്‍ മരണവിവരം അറിഞ്ഞില്ലെന്നാണ് വീട്ടുകാര്‍ പറയുന്നത്. സംഭവത്തിൽ പൊലീസ് അന്വേഷണം തുടങ്ങി. 

കുടുംബ സമേതം താമസിക്കുന്ന വീട്ടിൽ നിന്നാണ് ഗൃഹനാഥന്റെ ദിവസങ്ങൾ പഴക്കമുള്ള മൃതദേഹം കണ്ടെത്തിയത്. ഇന്നലെ ഉച്ചയ്ക്ക് രണ്ടരയോടെയാണ് മരണപ്പെട്ട അബ്ദുൾ റാസിഖിന്റെ കൊച്ചുമകൻ സമീപത്തുള്ളവരെ വീട്ടിലേക്ക് വരാൻ വിളിക്കുന്നത്. മുറിക്കുള്ളിൽ നിന്നും ദുർഗന്ധം ഉയരുന്നുവെന്ന് കുട്ടി അയൽക്കാരോട് പറഞ്ഞു. വീട്ടിലെത്തിയവർ കാണുന്നത് ദിവസങ്ങൾ പഴക്കമുള്ള അബ്ദുൾ റാസിഖിന്റെ മൃതദേഹം. ഉടൻ തന്നെ നാട്ടുകാർ പൊലീസിൽ വിവരം അറിയിച്ചു. മുറിക്കുള്ളിലായിരുന്ന അബ്ദുൾ റാസിഖ് മരിച്ച വിവരം അറിഞ്ഞില്ലെന്നാണ് വീട്ടുകാർ പൊലീസിനോട് പറഞ്ഞത്. സംഭവത്തിൽ അസ്വാഭാവിക മരണത്തിന് കണ്ണൂർ ടൗൺ പൊലീസ് കേസ് എടുത്തിട്ടുണ്ട്. നാലുപേർ താമസിച്ച വീട്ടിലെ ഒരു മുറിയിൽ ഒരാൾ മരിച്ച് ദിവസങ്ങളായിട്ടും വീട്ടുകാർ അറിഞ്ഞില്ലെന്നത് ഏറെ ദുരൂഹമാണെന്നാണ് പൊലീസിന്റെ നിഗമനം. 

Related News

ഇരട്ടയാറിലെ പെണ്‍കുട്ടിയുടേത് ആത്മഹത്യ; പൊലീസിന്റെ നിഗമനം
  • 15/05/2024
ഈ മാസം തന്നെ കാലവര്‍ഷമെത്തിയേക്കുമെന്ന് കേന്ദ്ര കാലാവസ്ഥ വകു ...
  • 15/05/2024
പന്തീരാങ്കാവ് ഗാര്‍ഹിക പീഡനം: തര്‍ക്കം തുടങ്ങിയത് ഫോണിലെ മെസ ...
  • 14/05/2024
താമിര്‍ ജിഫ്രിയെ കസ്റ്റഡിയിലെടുക്കാൻ ഉപയോഗിച്ചത് ഒന്നാം പ്രത ...
  • 14/05/2024
കഴുത്തില്‍ ബെല്‍റ്റ് മുറുക്കിയ നിലയില്‍ മൃതദേഹം; പോക്സോ കേസ് ...
  • 14/05/2024
ഹരിഹരൻ ഖേദം പ്രകടിപ്പിച്ചു, മാപ്പ് പറഞ്ഞതോടെ വിഷയം തീര്‍ന്നു ...
  • 14/05/2024
കേന്ദ്രം നല്‍കിയ ലക്ഷ്യം മറികടന്ന് കേരളം; ഒരു വര്‍ഷത്തിനിടെ ...
  • 14/05/2024
ഇന്നും പരക്കെ മഴ; 'കള്ളക്കടല്‍' പ്രതിഭാസം, ഉയര്‍ന്ന തിരമാലയ് ...
  • 14/05/2024
ആംബുലന്‍സ് വൈദ്യുതി പോസ്റ്റിലിടിച്ച്‌ കത്തി; രോഗി വെന്തുമരിച ...
  • 14/05/2024
റഫര്‍ ചെയ്ത രോഗി തെരുവില്‍ മരിച്ച സംഭവം: സൂപ്രണ്ടിന്റെ റിപ്പ ...
  • 13/05/2024
ആർഎംപി നേതാവ് ഹരിഹരന്റെ വീട് ആക്രമിച്ച സംഭവം; സിപിഎം, ഡിവൈഎഫ ...
  • 13/05/2024
പ്രിയ വര്‍ഗീസിന്റെ നിയമനം നിലനില്‍ക്കില്ലെന്ന് യുജിസി, സുപ്ര ...
  • 13/05/2024