റോഡരികില്‍ യുവതിയെ കഴുത്തറത്തും വെട്ടിയും കൊന്നത് പങ്കാളി; കൊലയ്ക്ക് കാരണം സംശയം

  • 12/01/2022

പാലക്കാട്: പാലക്കാട് പെരുവെമ്പ് ചോറക്കോട് റോഡരികില്‍ മുതലമട സ്വദേശിനിയായ ജാന്‍ബീവിയെ (40) കഴുത്തറത്തും വെട്ടിയും കൊലപ്പെടുത്തിയ കേസില്‍ പങ്കാളി പിടിയില്‍. പല്ലശ്ശന അണ്ണക്കോട് ബഷീര്‍ (അയ്യപ്പന്‍-46) ആണ് അറസ്റ്റിലായത്. സംഭവത്തിനുശേഷം ഗോവിന്ദാപുരംവഴി തമിഴ്‌നാട്ടിലേക്ക് കടന്ന ഇയാളെ കേസന്വേഷിക്കുന്ന പ്രത്യേക പോലീസ് സംഘം ചൊവ്വാഴ്ച അറസ്റ്റ് ചെയ്യുകയായിരുന്നു.

ശനിയാഴ്ച രാവിലെയാണ് ജാന്‍ബീവിയെ ചോറക്കോട് റോഡരികില്‍ കഴുത്തറത്ത് മരിച്ച നിലയില്‍ കണ്ടെത്തിയത്. രാവിലെ ഇതുവഴി നടക്കാന്‍പോയ നാട്ടുകാര്‍ പോലീസില്‍ വിവരമറിയിച്ചതോടെയാണ് സംഭവം പുറത്തറിയുന്നത്. തമിഴ്‌നാട് മധുര ദിണ്ടിക്കല്‍ സ്വദേശിയായ ഇയാള്‍ 10 വര്‍ഷത്തോളമായി പല്ലശ്ശനയിലാണ് താമസമെന്ന് പോലീസ് പറഞ്ഞു.

തലേന്ന് രാത്രി അയ്യപ്പനും ജാന്‍ബീവിയും തമ്മില്‍ വഴക്ക് നടന്നിരുന്നു. തുടര്‍ന്ന് ഇയാള്‍ ജാന്‍ബീവിയെ മരംവെട്ടാനുപയോഗിക്കുന്ന മൂര്‍ച്ചയേറിയ ആയുധമുപയോഗിച്ച് വെട്ടിയും കഴുത്തറുത്തും കൊലപ്പെടുത്തുകയായിരുന്നു.ജാന്‍ബീവിയുടെ പെരുമാറ്റത്തിലുള്ള സംശയമാണ് കൊലപാതകത്തിന് പ്രേരിപ്പിച്ചതെന്ന് ബഷീര്‍ പോലീസിന് മൊഴിനല്‍കിയിട്ടുണ്ട്. സംഭവദിവസം രാത്രി ജാന്‍ബീവി ബൈക്കിലെത്തിയ ഒരാളുമായി സംസാരിച്ചുനില്‍ക്കുന്നത് അയ്യപ്പന്‍ കണ്ടിരുന്നു. തുടര്‍ന്നായിരുന്നു വഴക്കും കൊലപാതകവും നടന്നത്. സംഭവത്തിനുമുമ്പ് ഇരുവരും മദ്യപിച്ചിരുന്നതായും പോലീസ് കണ്ടെത്തിയിട്ടുണ്ട്.

വീട്ടുവളപ്പുകളില്‍ നിന്ന് പാഴ്മരങ്ങള്‍ മുറിച്ച് വില്‍പ്പന നടത്തി വന്നിരുന്ന ഇരുവരും വര്‍ഷങ്ങളായി ഒരുമിച്ച് താമസിച്ചുവരികയായിരുന്നു. ഭാര്യമരിച്ച ബഷീറിന് രണ്ട് മക്കളുണ്ട്. ജാന്‍ബീവിക്ക് ആദ്യഭര്‍ത്താവില്‍ ഒരു കുട്ടിയുമുണ്ട്. മറ്റ് പുരുഷന്‍മാരുമായുള്ള ഇടപെടലുകളുടെ പേരില്‍ ബഷീര്‍ ജാന്‍ബീവിയെ സംശയിച്ചിരുന്നെന്നും ഇരുവരും തമ്മില്‍ പലപ്പോഴും വഴക്കുണ്ടായിട്ടുണ്ടെന്നും ഇവരുടെ ബന്ധു പോലീസിന് മൊഴിനല്‍കിയിട്ടുണ്ട്.

കൊലപാതകത്തിനുശേഷം തമിഴ്‌നാട്ടിലേക്ക് കടന്ന ഇയാളെ പിടികൂടുന്നതിന് നാല് ഇന്‍സ്‌പെക്ടര്‍മാരുടെ കീഴില്‍ പ്രത്യേകസംഘങ്ങള്‍ രൂപവത്കരിച്ചാണ് പോലീസ് അന്വേഷണം നടത്തിയത്. 

Related News

പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ 20കാ ...
  • 07/11/2024
കല്‍പ്പാത്തി രഥോത്സവത്തിന് കൊടിയേറി; സാക്ഷികളായി പാലക്കാട്ടെ ...
  • 07/11/2024
22കാരിയായ ഒഡിഷ സ്വദേശിയെ മദ്യം നല്‍കി ബലാത്സംഗം ചെയ്ത കേസ്; ...
  • 07/11/2024
'ട്രോളി എന്താണെങ്കിലും സിപിഎം ഉപേക്ഷിക്കേണ്ട; അടുത്ത തെരഞ്ഞെ ...
  • 07/11/2024
സിസിടിവി ദൃശ്യങ്ങള്‍ ശേഖരിച്ച്‌ പൊലീസ്, പ്രശാന്തൻ വിജിലൻസ് ഓ ...
  • 06/11/2024
പാതിരാ റെയ്ഡ് വേളയിലും ബിജെപി, സിപിഎം നേതാക്കള്‍ ഒന്നിച്ച്‌; ...
  • 06/11/2024
ഷാനിമോള്‍ ഉസ്മാന്റെ മുറിയിലെ പരിശോധന; വനിതാ കമ്മീഷന് പരാതി ന ...
  • 06/11/2024
തൂങ്ങിമരിച്ചെന്ന് പറഞ്ഞ് ആശുപത്രിയില്‍ എത്തിച്ചു, പോസ്റ്റ്മോ ...
  • 06/11/2024
ഈ ട്രോളി നിറയെ പണം ഉണ്ടായിരുന്നെങ്കില്‍....; നീല ട്രോളി ബാഗു ...
  • 06/11/2024
'റെയ്ഡിന് പിന്നില്‍ ബിജെപി-സിപിഎം ഒത്തുകളി'; ബാഗില്‍ പണമെന്ന ...
  • 06/11/2024
കുര്‍ബാന തര്‍ക്കത്തില്‍ ഇടപെട്ട് വത്തിക്കാന്‍; സഭാ തീരുമാനങ് ...
  • 06/11/2024
പാതിരാറെയ്ഡ്: പ്രതിഷേധം തെരുവിലേക്ക്; എസ് പി ഓഫീസിലേക്ക് യുഡ ...
  • 06/11/2024