മകൻ തീകൊളുത്തി മരിച്ചു; വിവരമറിഞ്ഞ അച്ഛൻ മരുമകളുടെ വീട്ടിലെത്തി തീകൊളുത്തി മരിച്ചു

  • 18/01/2022

കാലടി: മകൻ ആത്മഹത്യ ചെയ്‌ത വിവരമറിഞ്ഞ് മനംനൊന്ത് അച്ഛന്‍ ആത്മഹത്യ ചെയ്‌തു. കാലടി മരോട്ടിച്ചുവട്ടിൽ തെക്കിനേടത്ത് വീട്ടിൽ ആൻറോ (32) പിതാവ് ആൻറണി (70) എന്നിവരാണ് ഒരേ ദിവസം മണിക്കൂറുകളുടെ വ്യത്യാസത്തിൽ ആത്മഹത്യ ചെയ്‌തത്. ചൊവ്വാഴ്‌ച ഉച്ചയോടെ മകനും വൈകീട്ട് നാലോടെ ചെങ്ങമനാട് കുന്നുകരയിൽ വച്ച് അച്ചനും മരിച്ചു. 

ആൻറോ അങ്കമാലി നഗരസഭ അതിർത്തിയിലെ വേങ്ങൂർ തേമാലി പാടശേഖരത്ത് തീ കൊളുത്തി മരിക്കുകയായിരുന്നുവെന്ന് അങ്കമാലി പൊലീസ് പറഞ്ഞു. മകൻ തീ കൊളുത്തി ആത്മഹത്യ ചെയ്‌ത വിവരം അറിഞ്ഞതുമുതൽ പിതാവ് ആൻറണിയെ കാണാതായി. ഉച്ചമുതൽ അഞ്ച് വരെ അന്വേഷിച്ചങ്കിലും ആന്‍റണിയെ കണ്ടത്താനായില്ല. മരണം അറിഞ്ഞ ആന്‍റണി കൈവശം കരുതിയ പെട്രോളുമായി ചൊവ്വാഴ്‌ച വൈകിട്ട് 4.15ഓടെയാണ്  ആന്റോയുടെ ഭാര്യാഗൃഹമായ കുന്നുകര കുറ്റിപ്പുഴ കപ്പേളക്ക് സമീപം പുതുവ വീട്ടില്‍ ജോസിന്റെ വീട്ടുമുറ്റത്തത്തെിയത്.

ജോസും കുടുംബവും നോക്കി നില്‍ക്കെ കയ്യില്‍ കരുതിയ  പെട്രോള്‍ ദേഹത്തൊഴിച്ച് തീ കൊളുത്തുകയായിരുന്നു. ആന്‍റണിയുടെ ദേഹം അഗ്നിക്കിരയാകുന്നത് കണ്ട് സമീപവാസികള്‍ രക്ഷാപ്രവര്‍ത്തനത്തിന് ശ്രമിച്ചെങ്കിലും വിഫലമായി. സംഭവമറിഞ്ഞ് മുനമ്പം ഡിവൈഎസ്‌പി എസ്‌ ബിനുവിന്‍റെ നേതൃത്വത്തില്‍ വന്‍ പൊലീസ് സന്നാഹം സ്ഥലത്തത്തെി. ശാസ്‌ത്രീയ പരിശോധന ഏജന്‍സികളും നടപടി പൂര്‍ത്തിയാക്കി. രാത്രിയോടെയാണ് ഇന്‍ക്വസ്റ്റ് നടപടികള്‍ പൂര്‍ത്തിയാക്കിയ ശേഷം ആന്‍റണിയുടെ മൃതദേഹം പോസ്റ്റ് മോര്‍ട്ടത്തിനായി കളമശ്ശേരി മെഡിക്കല്‍ കോളജ് ആശുപത്രിയിലേക്ക് കൊണ്ടുപോയത്. സംസ്‌കാരം പിന്നീട്. ആന്‍റോയുടെ ഭാര്യ: നിയ. മക്കള്‍: ആന്‍മോള്‍, ജോസഫ്. ആൻറണിയുടെ ഭാര്യ: എൽസി. മക്കൾ: ബിജി, സിസ്റ്റർ ബിനി, ജിനി, ജിൻറോ, പരേതയായ സിനി.

Related News

വോട്ടര്‍ പട്ടികയില്‍ ഭാര്യയുടെ ഫോട്ടോയ്ക്ക് പകരം ഭര്‍ത്താവിൻ ...
  • 26/04/2024
രാജ്യം ജീവിക്കണോ മരിക്കണോ എന്ന് തീരുമാനിക്കുന്ന തെരഞ്ഞെടുപ്പ ...
  • 26/04/2024
കന്നി വോട്ടര്‍ക്ക് സമ്മാനം കുരുമുളക് തൈ; ഒരു വയനാടന്‍ മോഡല്‍
  • 26/04/2024
19-ാം വയസ് മുതല്‍ പ്രവാസി, ഒടുവില്‍ 66-ാം വയസില്‍ കന്നിവോട്ട ...
  • 26/04/2024
'അതിൽ പൂജ്യമുണ്ടാകും ഒന്നുണ്ടാകില്ലെന്ന് മാത്രം', ബിജെപി ഒരി ...
  • 25/04/2024
കോഴിക്കോട് യുവാവിന് കുത്തേറ്റു; ആക്രമണത്തിന് പിന്നിൽ ബിജെപിയ ...
  • 25/04/2024
സ്പ്രിംഗ്ലർ മാസപ്പടിയേക്കാള്‍ വലിയഅഴിമതി, വീണയും പിണറായിയും ...
  • 25/04/2024
'ഇരട്ട വോട്ടില്ലെന്ന് കളക്ടർ എങ്ങനെ പറഞ്ഞെന്ന് മനസ്സിലാകുന്ന ...
  • 25/04/2024
അനിൽ ആന്റണിക്ക് വേണ്ടി ഗവർണർമാർ സഭാ നേതാക്കളെ ഭീഷണിപ്പെടുത്ത ...
  • 25/04/2024
ബിഹാറിൽ ജെഡിയു നേതാവ് വെടിയേറ്റ് മരിച്ചു
  • 25/04/2024
വയനാട്ടിൽ 1500ഓളം ഭക്ഷ്യക്കിറ്റുകൾ പിടികൂടി, പിന്നിൽ ഗൂഢാലോച ...
  • 25/04/2024
അധിക സുരക്ഷയ്ക്ക് 62 കമ്ബനി കേന്ദ്ര സേന; പോളിംഗ് സ്റ്റേഷനുകള ...
  • 24/04/2024