ആകാശത്ത് അത്ഭുതമായി അവള്‍, 'മിറാക്കിള്‍ ഐഷ'; വിമാനത്തില്‍ യുവതി കുഞ്ഞിന് ജന്മം നല്‍കി

  • 16/01/2022

ദോഹ: ഖത്തര്‍ എയര്‍വേയ്‌സ് വിമാനത്തില്‍ യുവതി പ്രസവിച്ചു. സൗദി അറേബ്യയില്‍ ജോലി ചെയ്യുന്ന ഉഗാണ്ട സ്വദേശിയാണ് വിമാനത്തില്‍ പെണ്‍കുഞ്ഞിന് ജന്മം നല്‍കിയത്. ദോഹയില്‍ നിന്ന് ഉഗാണ്ട നഗരമായ എന്റെബയിലേക്ക് ഡിസംബര്‍ അഞ്ചിന് പുറപ്പെട്ട ഖത്തര്‍ എയര്‍വേയ്‌സ് വിമാനത്തിലായിരുന്നു കുഞ്ഞിന്റെ പിറവി. 

യുവതിയെ പരിചരിക്കുന്നതില്‍ നേതൃത്വം നല്‍കിയ, വിമാനത്തിലുണ്ടായിരുന്ന ടൊറന്റോ സര്‍വകലാശാലയിലെ പ്രൊഫസറായ ഡോക്ടര്‍ ഐഷ കാതിബിന്റെ ട്വീറ്റിലൂടെയാണ് സംഭവം ലോകമറിയുന്നത്.  35 ആഴ്ച ഗര്‍ഭിണിയായിരിക്കെ പ്രസവത്തിനായി നാട്ടിലേക്ക് പോകുകയായിരുന്നു ഉഗാണ്ട സ്വദേശിയായ യുവതി. 

'യാത്രക്കാരില്‍ ഡോക്ടര്‍മാരായി ആരെങ്കിലുമുണ്ടോ എന്ന ഇന്റര്‍കോം വഴി ക്യാബിന്‍ ക്രൂവിന്റെ ശബ്ദം കേട്ടാണ് യാത്രയുടെ ആലസ്യത്തില്‍ നിന്ന് ഉണര്‍ന്നത്. ശബ്ദം കേട്ട ഭാഗത്തേക്ക് നോക്കുമ്പോള്‍ ചെറിയൊരു ആള്‍ക്കൂട്ടം കണ്ടു. യാത്രക്കാരില്‍ ആര്‍ക്കെങ്കിലും ഹൃദയാഘാതമോ മറ്റോ സംഭവിച്ചെന്നാണ് ആദ്യം കരുതിയത്. സ്ഥലത്തെത്തിയപ്പോള്‍ വിമാനത്തിന്റെ സീറ്റില്‍ പ്രസവവേദന അനുഭവിച്ച് കിടക്കുന്ന യുവതിയെ കണ്ടു. തല വിമാനത്തിന്റെ ഇടനാഴിയിലേക്കും കാലുകള്‍ ജനലിനടുത്തേക്കും വെച്ച് കിടക്കുകയായിരുന്നു യുവതി. കുഞ്ഞ് പുറത്തേക്ക് വരുന്നുണ്ടായിരുന്നു. ഡോക്ടേഴ്‌സ് വിതൗട്ട് ബോര്‍ഡേഴ്‌സ് അംഗങ്ങളായ ശിശുരോഗ വിദഗ്ധനും മറ്റൊരു നഴ്‌സും സഹായത്തിനെത്തി. മിനിറ്റുകള്‍ കൊണ്ട് വിമാനത്തിന്റെ ഒരു ഭാഗം ലേബര്‍ റൂമാക്കി മാറ്റി. പിറന്നു വീണ കുഞ്ഞിനെ ശിശുരോഗ വിദഗ്ധനായ സഹയാത്രക്കാരന്‍ പരിശോധിച്ചു. അമ്മയും കുഞ്ഞും ആരോഗ്യത്തോടെയും സുരക്ഷിതമായും ഇരിക്കുന്നു'- ഡോ. ഐഷ കാതിബ് വിവരിക്കുന്നു. ആകാശത്തെ അത്ഭുതമെന്ന നിലയില്‍ കുഞ്ഞിന് മിറാക്കിള്‍ എന്ന് പേരു നല്‍കുകയും പിന്നീട് ഡോക്ടറുടെ പേരും കൂടി ചേര്‍ത്ത് മിറാക്കിള്‍ ഐഷ എന്ന് പേരു നല്‍കുകയായിരുന്നു.

Related News

ഖത്തറിൽ എട്ട് ഇന്ത്യക്കാർക്ക് വധശിക്ഷ; ഞെട്ടിക്കുന്ന നടപടിയെ ...
  • 26/10/2023
അനിശ്ചിതമായി വൈകി എയര്‍ ഇന്ത്യ എക്‌സ്പ്രസ് വിമാനം: മണിക്കൂറു ...
  • 10/07/2023
ഖത്തര്‍ എയര്‍വേയ്‍സ് വിമാനം ആകാശച്ചുഴിയില്‍ പെട്ടു: യാത്രക്ക ...
  • 11/05/2023
യുപിഐ സൗകര്യമൊരുക്കി ഖത്തറിലെ കൊമേഴ്‌സ്യല്‍ ബാങ്ക്
  • 17/03/2023
തൊഴിൽ പെർമിറ്റ് ഇനി വേഗത്തിൽ: പുതിയ ഇ-സേവനങ്ങൾക്ക് തുടക്കമിട ...
  • 14/03/2023
ഡൽഹി-ദോഹ ഇൻഡിഗോ വിമാനം കറാച്ചിയിൽ എമർജൻസി ലാൻഡിങ് നടത്തി
  • 13/03/2023
ഇ-പെയ്‌മെന്റിന് അധിക തുക ഈടാക്കരുതെന്ന് ഖത്തറിന്റെ മുന്നറിയി ...
  • 11/03/2023
പ്രവാസികൾ അയച്ച പ്രളയ ഫണ്ട് പോലും എവിടെയും എത്തിയില്ല, ഇനി ഒ ...
  • 25/02/2023
ഹയ്യ കാർഡിൽ ഖത്തറിലേക്ക് വരാനുള്ള ഇളവിൽ കടുത്ത നിയന്ത്രണങ്ങൾ ...
  • 18/02/2023
സോണി വേൾഡ് ഫോട്ടോഗ്രഫി പുരസ്കാരം ഖത്തറിലെ അബ്ദുല്ല അൽ മുഷൈഫ് ...
  • 16/02/2023
ഖത്തർ ഇന്ത്യൻ എംബസി അപ്പെക്‌സ് ബോഡികളിലേക്കുള്ള തെരഞ്ഞെടുപ്പ ...
  • 16/02/2023
ഖത്തർ എയർവെയ്‌സ് വിമാനം ടേക് ഓഫ് ചെയ്തതിന് ശേഷം നിയന്ത്രണം ന ...
  • 10/02/2023